HOSIYA 6:6 - BAIBEL (BSI)

⁶ Niye nongu wu iqemokeu kikimiye lunishi ani kethono lhoxu heqhipe mllakeu khuamoe. Niye heqhipe piti imllakeu nguno alauno iwu timiqo pelo ni-ithipe nishike.

Sumi Naga CL (Re-edited) Bible (BSI)

⁶ Ni ye aghakishi kumono iqemokeu kikimiye lunishi, akipti kümllagho kumono Alhou ithitoi keu laju ani.

HOSIYA 6:6 Mawu Ofanana

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

LESHELE 50:8

Nonguno aghashi mllakeu ghenguno niye nongu sakiyi anike kumoe; Nonguno piti pesu mllakeu ghoye pulhapuju izulo acheni.

AHOLE 21:3

Kiuno achipi eno akuzupukeno tipau shilo; tino aghashipe AMPEU mllakeu nguno akiviue.

YETSAPIU 5:1

Achinekilo wunikeulo kutokupui shilo. Tipa-alo shika luniye wukeuno aghashi pesu mllakeu nguno akiviuke, kughengu anikhami khunono kiviksa mthakeno tipaqono ti shichenike.

ISAIAH 1:11

Pano piani, “Nonguno aghashipe hijejehi imlla achekeu niye lunishi ani kughashi kumsu cheni kesha? Nongu lhoxu heqhino akuchopu pesu pitikeu kumlla shikeu eno lhoxu kivi tha pesu pitikeu kumllagho lukumkhashi kughokumovae. Niye amshitsu ji bheri ji eno anetsu ji ingaghaivae.

ISAIAH 58:6

“Kumvu keu jeli ino lunishi chekeuye hike: neda qodaqhi chekeu yikichhe ikhivetsulo eno amikucho kumo kuokhasu ikhivetsulo eno neda qodavekemi khaqhipheveno wuve pelo.

JEREMIYA 22:16

Pano kumlhomi ngo kuhakemi ghenguno aghibiu xakutha tsuche ke eno paye thwokhalo akivishi aluke. AMPEU ithikeu kiqiye tipau pesu pichenike.

JEREMIYA 7:22

Ino nopuasuqo Ijip lono saipeghikelo niye panoqo vilo pitikeu kumllagho momu akumllagho jeli kutau lakhimu ahza tsupuamoe.

DANIEL 4:27

Tishiaye, akiqheu, ino okutsu keu tsa inilo eno axine shikithe akevino kiuno achipi keno tipau shilo eno kumlhomi kimiyelo, tishi keuno okuxu akivipu shilu nani.”

HOSIYA 14:2

AMPEU lau ide ighivelo eno pa lau akumllagho shikeu kighini hipau shilo: “Nixineqo kumtsu pevetsulo eno nikukhu kighini ikhilutsulo, eno ninguno tushoqhive keu toi ninguno osheqhe nike.

HOSIYA 2:20

Niye ishoqhi qhini eno opesu iwu shini, eno nono ipesu AMPEU kepi kighithi kileni.

HOSIYA 4:1

Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

AMUS 5:21

AMPEU no pi, “Nonguno achineyeh kiqi lono tiqhetini shikeu ino junishimo eno jumithike; niye tipaqolo ngo sumlake!

MICAH 6:6

Kughou ino pa mlla nike ighini keno, niye AMPEU, kungugha Lhou lau kiu peighini kya? Niye pa lau akumllagho piti penike amshiti akeu peighini kesha?

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

MATTHEW 12:7

Kuchoyesulo, ‘Niye lhoxu heqhino mllakeu lunishi moe ikemu kimiyekeu lunishie’ ipi puakeu nonguno kuchouno ithike aye, nonguye akipimi shimokemi pevemo nicheke.

MATTHEW 5:7

“Kutami gholo amlo saqhiyikeu kuqhakemi kumghae, kughengu Alhou no panongu shou amlosaqhiyi tsu nani!

MATTHEW 9:13

Wu puzu kuchoyesulo hipatsa akeu kiqiye kiu kela phijulo, ‘Niye kimiyekini lunishike thono lhoxu heqhipe mlla keu khuamoe.’ Niye achipiu shichekemi kuniye ighi kekumoe ikemu axinemi kuniye ighike.”

Mark 12:33

Ikehu timino amlo kuchopu, pa kumto kumtsu eno akukumsu kumtsu pesu Alhou qhuivu; eno alikhi ampi toi akitomi qhuivu masae. Ayezah hikuma pelukeuno lhoxu suwo akuchopuno piti puzu Alhou lau mlla eno lhoxu heqhi pesu Alhou mlla ishikeu nguno akiviue.”

1 John 2:3

Ninguno Alhou no ahza tsukeu papelu aye tileno ninguye pa ithitoilu ani kepi mutsuqheyilu ani.

1 John 3:6

Ike khunono Khristo gholo xukimepe anikeno axine shichemoe; ikemu khunono axine shi cheni keno khilemu pa ithumla momu pa mthake.

SAMUEL ATUGHIU 15:22

Samuel no pi, “AMPEU ye khikhiu pulo ani kya? aghokulu keo, akumlla eno aghakishi kya? Bheri akiviu pesu pa mllani kepu zuqhuye pa gholu keuno akiviu.