HOSIYA 6:1 - BAIBEL (BSI)

¹ Timiqono pi, “Ningu AMPEU lau xaidewoni nolo! Pano ningu ghuzake ikemu kuchouno pano ningu shipivi nani; pano nighuzake ikemu pano nighuzaku khavetsu nani; paye tishimo nani kesha?

Sumi Naga CL (Re-edited) Bible (BSI)

¹ “Ighilo, ningu Ampeu lau idewoni; Pa no ningu ghüzave kehu Pa no shipivi tsü penie; Pa no ni hekuluqhi ke ningu zaku khavetsü nani.

HOSIYA 6:1 Mawu Ofanana

YEKIKITHI AKINIU 30:6

Akukau ngo pawu kijemiqo zah kutsu lono aghini kishimino Juda ngo Israil qha kumtsu kukusu tsa hipau pesu wue. “Israil lo akemiqo, nonguye Asiriyami no aghakhu le ighi kelo puxu puaghi peke. Itehiye Abraham, Isak eno Jakob Lhou AMPEU lau xaideghi lo eno pano nongu lau ide ighi nani.

JOB 16:9

Pano imithike eno aloghu lono isutha piniyike, iju puzu pa hu tsughububushie; ighumino pa nhethi xukidepe iju ke.

JOB 22:23

Nono akumtsha akughuvu shi Tuchomujokulu Lhou lau ideghi aye, eno oki lono lhoksakugha peve aye,

JOB 34:29

Ashiayeh lakhi shou na timi lakhi shou shiaghi namu, Alhou no tshuyimu shimove aye eno pa gi kusuluve aye khuuno pa pipusa momu pa ithulu kepu kya?

JOB 5:18

Pano ghuza keu pano khavetsu cheni, pano hekeu pano shipivitsu cheni.

LESHELE 30:7

Nono iju alokeu lono O AMPEU; naghuto kumto toi nono isusho pesu qhike. Ikemu nono ilauno ogi kusuluve aye niye musave.

LESHELE 6:2

Ikimiyekutu tsulo AMPEU, kughengu niye ighono lhovae! O AMPEU, ishipivitsulo, kughengu ighi kumtsu sakutuvae.

LESHELE 71:20

Nono shiluksa eno ghichhe ghime ishou pukuke, ikemu nono ikumto suchile sughi nani; nono akumoki launo isachile saghi kithe nani;

YETSAPIU 3:3

heqhipithi pekepu do eno shipivipe kepu do, hephove pekepu do eno shipuku pekepu do.

ISAIAH 17:7

Kughou tipa tsala ighini keno panoqo Lhokeu Israil Lhou akimtheu pelo panoqo kuphupenike ideighi nani.

ISAIAH 2:3

Timi kutomono ighino pi nani: “Ighilo ningu AMPEU naghutolo iqhoni, Israil Lhou chinekilo wuni. Tileno paye ningu pelo kiu shipe nishi anikeno pano ningu shika nani; ninguno pano kishetsukeu laghi pulani. Kughengu AMPEU kukutsuye Jerusalem lono ighi nani, Pano Zion lono pawu timiqo putsa nani.”

ISAIAH 30:22

Nongu tsandiyino ajulho shikeu ngo shunayi pesu ajulho kuzukeu ikhipesu tubatuzu toi ishi pi-ghi vepuwu peve nani, “Chevelo!”

ISAIAH 30:26

Aqhino tsukinhe toi vuqaleive nani eno tsukinheno puzuu nguno ghuthu tsuni vuqalei kitheve nani, tiye ghulo tsuni kuvu ghulo lakhi lono ipeghikeu toive nani. Hipaqoye kughou AMPEU no pawu timiqo ghuzavekeu khavetsuno shipivini keno tileno hi kumtsu shinani.

ISAIAH 55:7

Kixikilamino panonguno xuche keu kuxu qhivelo eno panongu no kumsuchekeu kilivelo. Panonguno niLhou AMPEU lau ideghilulo; paye kupuqhiyi cheni eno paye axine qhive tsu nanike.

JEREMIYA 3:22

Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

JEREMIYA 30:12

AMPEU no pawu timiqo vilo piani, “Nongu ghuzakuye shipivikulupu kumoe, nonguno ghuza ghugha shilukeuye vilumo nani.

JEREMIYA 30:17

Ino nongu pelo itaghi vithaivepe nani; Ino nongu ghuzaqo shipivi nani, noghumiqono ishi piaghi pinamu: ‘Zion ye haphevekeu lakhike; khunomu li tucho hijumoke!’ Ni, AMPEU no piveake.”

JEREMIYA 33:5

Tipau shiayeh ino iloghu kighide lono khuno hekuluqhini cheni keno tipaqo kithi kumono aphughi chitoi keu likhi shiniake.

JEREMIYA 33:6

Ino aphughi hipau launo tsughusu wuvekeuye tipaulo timiqono alhoksa jeli shikeu ghengunoke. Ikemu ino aphughi hipau ngo tile akemiqo shipivi nani eno vithai akeulo panoqo sachile saghi nanike. Panoqo lau iquighai keu ngo sushokulu lukumkhashi ino piye nani.

JEREMIYA 50:4

AMPEU no pi, “Kughono tipa ghuloki ighini keno Israil ngo Juda kumalo kuamiqono qasusu ni panoqo Lhou phususu ighi nani.

JEREMIYA 50:5

Panonguno Zion kudau wukeu la iyighiju puzu tikudau wu nani. Panonguno isasu lhokta puloshoqhi shi nani eno khilemu tipau kubovemo nani.”

AKUMLO 3:11

Pano ala lono ihakuqo pupove, isutha piniyipe qhiveke.

HOSIYA 11:10

“Kughou ino abongushu lakhi toi iwu timiqo ghumi lau ighani keno panonguno ipape nani. Panonguno kulolauno keyi ilau ighi nani.

HOSIYA 12:6

Ike itehiye nongu Jakob polo kughukomiqo, nongu Lhou pululo eno pa lau ideighilo. Pa qhoqhu eno achipiu shilo eno nongu Lhou pelo shipe nike kutu-ukulushi khealo.

HOSIYA 14:1

Israil lo akemiqo, nongu Lhou AMPEU lau ide ighivelo. Nongu xineno nongu kupuxape eno veqhipeke.

HOSIYA 14:4

AMPEU no pi, “Niye iwu timiqo ilau sachile saghini. Ino imlo kuchopu pesu panoqo kimiyeni; panoqo shou ixu ide kithemoake.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

ACHINE 14:48

Kughou achineuno juniye ighini keno aki tipau nuda kitheve keulo akughumhoye ipeghi kithemove aghi aye aki tipauye achinepulo mithe ani kepi pano pivetsulo, kughengu akughumhoye qhoi ikhikhave ake.

ZEFANIA 2:1

Akukujo kuhakeu shiayeh, nongu kukumsu achipiulo ighi lulo,

ZAKINIU 32:39

“Ni eno ilikhino Alhou; kutau lhouye kuchou kumoe. Ino pithive cheni eno ino puxu luve cheni, ino ghuzano shipivi cheni, ino kiu shini keno milakhinomu mujochile mlae.

SAMUEL ATUGHIU 2:6

AMPEU no pithiveno akuxu shiputhuve tsu ani; pano kithimi yeghilo timiqo hapuwuve ani eno pano qo akiniu sachile ghi ani.

SAMUEL ATUGHIU 7:3

Samuel no Israilmi vilo pi, “Tsala nonguno amlo kumtsu suno AMPEU lau xatsughu ighinishi aye, shoinami lhouqo kumtsu eno Astar lhouliu julho kumtsu phevemasa. Nonguye AMPEU lau kumtsu ikhiphe pesu tsuvelo eno pa likhi mllalo, tishi aye pano Filistiyami kuka lono pano nongu xaphe luve nani.”