HOSIYA 5:10 - BAIBEL (BSI)

¹⁰ AMPEU no pi, “Niye axu ide ani, kughengu Juda lo sakiphemiqono Israil leke eno li yeghi pukaluve tsuke. Tighenguno panoqo shou azukuqo lakhi toi aghime kitikhi ino lepuku nani.

Sumi Naga CL (Re-edited) Bible (BSI)

¹⁰ Judah sakiphemi ye alughitu tukiqeve chekemi toike; panoqo shou azü lepuku keshi I no I loghu lepuku nani.

HOSIYA 5:10 Mawu Ofanana

LESHELE 32:6

Olau amlo kutsumi kumtsuno shiluksalo inikhu kepuke; kughou shiluksano azukuqo toi ighipimu tiye panoqo tomove nani.

LESHELE 69:24

Ologhu kighide panoqo shou lepu kulo; oxu kighideno panoqo hathaluve pelo.

LESHELE 88:17

Tipaqono atsala kupuju zuqo lakhi toi isuhope ani; aqha kumtsu lono ipunukhoipe ani

AHOLE 17:14

Mutomushu huthu keuye azu khetha puakeu mpale ipeghi aketoike; tinguno alau wumphi lono tipau lakhaluvelo.

AHOLE 22:28

Apu-asu lono shopuaghi keu lughi tusho khilemu pekiqeve kevilo.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

EZEKEL 22:22

Tsandiyi kipitibolo piti pekumulave ketoi panonguye Jerusalem lo pitiqhi nani eno tileno panonguye AMPEU loghu kighide dilu ani kepi ithi nani.”

EZEKEL 7:8

“Itehiye itheno ino nongu shou iloghu kighide kumgho pukuni cheni. Nonguno kiu shipuani keno tipau ghenguno niye nongu shou kughathabe ani eno nonguno kuchhube keu mlake ghenguno ino nongu lochileve nanike.

MATTHEW 7:27

Tsutsughu ighi, aghokiqo azuno yimve, pasapagha mulhuno aki tipau fudaqhi eno aki tipau ilaiqive. Tiye mzamghaleyi iluqikeu lakhi!’ ”

Luke 6:49

Ikemu timi khunono itsa ini eno tipaqo shi chemo keno paye timi lakhino aboqha sumono asaye yeghi shou aki shiketoi, atshuna zuno chhele ighi eno paikhavino aki tiye ilaiqive eno aki tipau shikupsaye ighono kije ke.”

ZAKINIU 19:14

“AMPEU no nongu pelo amheghi shilupenike tsu akeu yeghilo nonguye akusami lughilo atu shopuakeu pekiqe kevilo.

ZAKINIU 27:17

‘Timi khuno akusami lughi-tusho ikhikiqeni keno Alhou no musuini keu pa shou ani.’ Eno timi kumtsuno khochileni,’Amen!’