HOSIYA 4:6 - BAIBEL (BSI)

⁶ Iwu timiqo puhave nikeu shivae kughengu panonguno ni ikhilumoke. Nongu achinemiqono ni ikhilumoe eno ino kutsupiyekeu milive, ikehu ino nongu milive eno nongu nuliye ichinemi shi nikeu ino panoqo ikhilu move nani.

Sumi Naga CL (Re-edited) Bible (BSI)

⁶ Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

HOSIYA 4:6 Mawu Ofanana

YEKIKITHI AKINIU 15:3

Ado kushuwa kutolo Israil ye Alhou kuchou sumono xu acheke, panoqo shikapeni kemi achinemi sumo eno ayezah sumono xu ache.

JOB 36:12

Ikemu panonguno Alhou gholumo aye, panonguye kiumu muthano kithila lo wove nani.

LESHELE 119:139

Ighumino ozahkutsu phimo kehu ixukighideye ilolo ami toi iqu ani.

LESHELE 119:153

Ighichheghime jutsulo eno ixalulo, kughengu niye oyezah kughuchove moke.

LESHELE 119:61

Kixikilamino ighenguno alichhe shipe qhike ikemu niye oyezah kumsumamoe.

LESHELE 18:27

AMPEU noye aqhokighemi xalu cheni, ikemu tsutsungo jukemiye nono sunheqhive cheni.

AHOLE 10:21

Timi kivimi tsaye timi kutomo vehupu kighishe tsu cheni ikemu mbomzuno olikhi opithive kepu shi nani.

AHOLE 19:2

Akighithi kuhano aghuiloqhiye amlotsu keuye akivi kumoe, ngosumla keuno akupunalo osailove nani.

ISAIAH 1:3

Pichepighi ghi pano pighiu ithi ani eno gadaha ghi panoqo mpeuno khilehino panoqo achuqupu tsu cheni keno ithi ani, ikemu Israilmi iwu timiye ni ithi chemoe.”

ISAIAH 17:10

Israil, noye oxaphelukeu Lhou kumsumavae eno khuno akughutshu tuqu toi osusholukeu phevae. Tipau zuqhulo, inaghami lhou mllaniaye akimthe ghutu shipe qhike.

ISAIAH 27:11

Asubo lokaqoye thizumuivae eno icheuvae eno totimino sukughupusu shiniye tipaqo ghelu anike. Timiqono kiumu vethamlake ghenguno Alhou panoqo lhoqhikeuye panoqo jupe amlosani chemo momu amlo ighiqhiyini chemoe.

ISAIAH 28:7

Tungkupmi ngo achinemi ghi shishe shomzuve kehu panonguye kulokuloyike. Panonguno atsayiji ngo aji kumka shishe shove kehu panonguye izuvulai puzu kupuxa kupunaike. Tungkupmiye shomzuve kehu Alhou no kungunhetsu puwukeu ithikuthu mlave eno achinemiye shomzuve kehu atsa kughathatsu peniye sughikeulo kupuxakupunai auveke.

ISAIAH 29:12

Nonguno phimthakemi vilo phipiye peniye tipau pewuno iniju aye, tiye kishi phicheni kela paye mthakepi okhochile nani.

ISAIAH 3:12

Pisa kupunamino iwu timiqo qaqhike, eno iwu timi qono api lokepushi akeqono panoqo pishiqhike.

ISAIAH 45:20

AMPEU no pi, “Ashiayehlo timiqo, kumqo pesu ighilo, akukaqha ikiqive kelo ghupe puaghikemiqo; atsa kughatha kepushi nonguye ighilo! Asuno ajulho shikeu pesu kulobide piye chekemiqo eno panoqo xamlakeu lhou lau khuchekemiqo, kiumu mthakemiqo!

ISAIAH 5:13

ikehu nonguye akughumi shi xapusu wuve nani. Now sakiphemi ye akhuava no thi nani eno kutamino tughuthi keu lono thi nani.

JEREMIYA 2:8

‘AMPEU ye khile ani kya?’ ipi achinemino inijumoe, iwu achinemino imthaveke. Ayehkipemino ihebide ipeghive; tungkupumino Baal jelono pi cheuve eno avehupu kuhakeu julho mllauveke.”

JEREMIYA 4:22

AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

JEREMIYA 5:21

Tsaqui inijulo, nongu anikhamiqo nongu anhethi puapulaghi ithumlakeqo, akini puapulaghi chimlakeqo.

EZEKEL 44:23

“Achinemiqono kiuno akimthe eno kiuno mithekumo keno eno kiuno chinikeulo mithe akeu eno kiuno mithemo keno kutuqu akeu pesu iwu timiqo vilo shikani.

HOSIYA 13:6

Ikemu nonguno ayeghi kivilo iloghilu kelauye nonguye nibomilei eno aghaqiluke eno tishi puzu qhezawuveno ikumsumaveke.

HOSIYA 2:13

Lino Baal lau axokutsungu pitikumnani ye ikumsumave keu do ghenguno eno li lojipumi hasusu wuniaye achiku achipu pepukeu ghenguno ino li ghimeqhi nani. AMPEU no pike.

HOSIYA 4:1

Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

HOSIYA 4:12

Panonguno asu tachu lakhi launo piyesukeu khuju cheni! Asuta lakhino panonguno kiu ithi nishi keno panoqo vilo pitsu cheni!Panonguye iqhiveake. Totimi lakhino kutuqhalimi shiwuveke toi iwu timiqoye kutau lhouqo lau pano pesu tsuvae.

HOSIYA 4:14

Ikeghi niye panoqo ghimeqhimoe kughengu nongu ampino achinekilo kutuqhalimi sasu wuve cheni eno nongu kumtsa wupuzu nonguno asu-atu lau lhoxu heqhipe mlla cheni. Ahole lakhilo piketoi, ‘Alokutsu kuhakemi timiye shipusa piniyive nani.’

HOSIYA 5:4

Timiqono alhoksa shivekeuno panoqo Lhou lau ideighi nikeu lakha auve cheni. Ajulho shikeu mllakeuno akumto shi panoqo tsuqupe auve cheni eno panonguye AMPEU ikhilumove cheni.

HOSIYA 6:6

Niye nongu wu iqemokeu kikimiye lunishi ani kethono lhoxu heqhipe mllakeu khuamoe. Niye heqhipe piti imllakeu nguno alauno iwu timiqo pelo ni-ithipe nishike.

HOSIYA 7:11

Israil ye munamghaikeu eno kumsukulu kuhakeu miqhedu lakhi toike; liwu timiqono atughushi Ijip vilo akukuphu khu eno tipathiuye Asiriya lau pove!

HOSIYA 7:9

Inaghami shou pukhukeu lono panoqo kumto musulukhave keu panonguye vethalumoe. Panongu tsalaye kihipe qhivae ikemu panonguye tipaumu ithi amoe.

HOSIYA 8:1

AMPEU no pi, “Kutughukeu sutsa shilo! Aghumino aluqu toi iyeghilo tsuiqighi ani! Iwu timiqoye ino panoqo sasu puloshoqhi shikeu kuboleve eno ino kutsupiye keu shou kumjo anie.

HOSIYA 8:12

Ino timiqo ghenguno phikhamla kepushi akukutsu tsa yepe qhi tsuke ikemu panonguye tipaqo pesu akumzaqhiyi eno khilemu panongu vilo pi puamoke toi pevetsuke.

HOSIYA 8:14

“Israil lo akemiqoye akighiki shipuakhani ikemu panonguye panoqo Lhokeu kumsumavea. Juda lo akemiqono aliwo kuptu phughi shipe qhiani. Ikemu ino ami puwu puzu panoqo kighiki ngo panoqo phughiqo pitilekhave nani.”

HOSIYA 9:17

Ino qechekeu Lhou no timi hipaqo peve nani kughengu panonguno pa tsa lumoke. Panonguye ashiayeh kutami gholo iqho iqiju puha cheuve nani.

MATTHEW 1:6

Jesse nu akukau David ke. David nu Solomon, pazaye Urya nipu shiacheke.

MATTHEW 15:14

Panongu lokutovelo! Panonguye sakiphemi anhethi kighichemiqoke, eno anhethi kighichemi lakhino anhethi kighichemi kutami saphe aye, pama kinikujo azulakilo ilulove cheni.”

MATTHEW 15:8

‘Timi hipaqoye atsapi loye igihu cheni ikemu panongu mloye ilauno putou anie.

SAMUEL ATUGHIU 2:12

Eli nuliqo ye ighono timi lhoksami shive. Panonguye AMPEU lau kumu amlo tsumove.