HOSIYA 4:16 - BAIBEL (BSI)

¹⁶ Israil lo akemiqoye gadahatsu toi kuthoviloke. Niye kishi puzu atsuni kiviqalo bheritiqo toi panoqo lojiluni kya?

Sumi Naga CL (Re-edited) Bible (BSI)

¹⁶ Israel ye amishi lhothe no kuthovi akeshi ke Ampeu ye atsüni kümtsha-a lo ambe tucho keshi panoqo tucho luni keshea?

HOSIYA 4:16 Mawu Ofanana

LESHELE 78:8

Panongu pelo nipuasuqo toi hekibide, eno agholumokemi shipe moniyeke, nipuasuno Alhou pukhukeuye mutotoi moke, eno pa lau iqemokeu mikucho shimoke.

ISAIAH 22:18

Pano bol lakhi toi no ikhi pesu aghakhu kutau kije lakhilo vepuwuve nani. Noye tilauno khurkulu jupe qheza achekeu phivilono thi nani. Noye ompiu no kibo ghenguno kujomuza kepu lakhike.

ISAIAH 30:23

Kugho kughomu nonguno apiti yisu kelo AMPEU no tsutsughu puwutsu nani eno tipaqo pelo thuwu pe nani tishianguno kinikulushi ghile hulupe nani eno nongu mishiqono muzakepu lukumkhashi alupe nani.

ISAIAH 5:17

Aphughiqo ixapinyi akeulo bheritiqono achu muza nani eno anetsu lhotheno achukumzapu ithulu nani.

JEREMIYA 14:7

Iw timiqono ilau ighamuku pi, ‘Ni xineno nishou ngukube anamu AMPEU, nono tushoqhiveke toi nikuphulo. Ninguye ghuthu kutomo olauno tsughusu wuveke. Ninguno oshou axine shiveke.

JEREMIYA 3:11

Tile AMPEU no ivilo pikeuno Israil ye pa launo tsughusu wuve peniu liye amikucho kumou Juda nguno akiviu pike.

JEREMIYA 3:6

Kughou Josiya no akukau shi akeno AMPEU no ivilo pike, “Noye Israil amikucho kumou totimi huno kiu shikeno noye ithulu akema? Liye ilauno wuve puzu atoghi kuchuqu kumtsulo eno asu minipho jeli qholono kusalhami toi mlaitha achenike.

JEREMIYA 3:8

Ino Israil kughuxave keu eno li puwuve keu Juda ghi ithuluvae, kughengu lino ilauno tsughusu wuve puzu kusalhami shiuveke. Ikemu Israil tsunipu amikucho kumou Juda ye musamoe, li ghi kusalhami lakhi shive

JEREMIYA 31:18

‘Israil lo akemino amlo ghimeshi pikeu ino chilu, “ AMPEU, ninguye lhoxu chhikughuvumo keu toive Ningu sachile saghivelo; ninguye olau xaideghinike kutope ani AMPEU niLhou.

JEREMIYA 5:6

Tighenguno aghasa lono abongushu qono panoqo tsuve nani. Asayeqhalo tungtughano panoqo sutha piniyive nani, eno angushuno pano phughilo miqe auve nani. Timi hupaqono khalau ipeghiaye panonguye kishitha pinyive nani, kughengu panoqo xineye kumzapuke eno panonguno tamono Alhou launo tsughu chilewuveke.

JEREMIYA 7:24

Ikemu panonguno agholumoe momu amlo tsuqhiyimoke. Tishinike zuqhulo panoqo mlolo kuthovi keu eno kusakughano panoqo vilo shilo pikeu shiwukhaveke, eno panonguye akiviu shinike zuqhulo alhoksau shikithe wuveke.

JEREMIYA 8:5

Tishiaye, iwu timiqo, nonguye kushiye ilau xaideghimono ilauno tsughusu wuvea kya? Nonguno asu-atu julho lau amlo tsu auveno ilau ideighimo pike.

HOSIYA 10:11

“Ghuthu lakhilo Israil ye akivishi qophevekeu mishi alhothe lakhi athi qonike kutokupuyi eno puloniqhiyi aketoi ke. Ike ino li ku-o jukivi shou kuokhasu pipe nikeu shike eno akumla kusho li pelo shipeniye kutoe. Ino Juda pelo hokide kuphu sunhepe eno Israil pelo aniba khuwa sunhepe.

HOSIYA 11:6

Aghukishino pano phughi jole ighi nani eno aphughi kikha kuboleqhivetsu nani. Tipauno iwu timiqo kutsale nani kughengu panonguno akiviukepi kumsulu keu likhi shi cheni.

HOSIYA 11:7

Panonguno tsumomo ilauno tsughusu wuve nikeu shi acheni. Kuokhasu panoqo shou akeu ghenguno panonguno ighamuku igha nani ikemu khunomu tipau peqheluvetsumo nani.”

ACHINE 26:33

Ino nongu shou aghukishi sughi nani eno inaghami yeghilo nongu hapiyepighive nani. Noghakhuye yenguyeleive nani eno nophughiqoye ixapiniyi qhive nani.

ZEKHARIA 7:11

“Ikemu iwu timiqono initsumoniye tsatsayi auve. Panongu kukumsu xukhomove eno inimoniaye panongu kini kiyikhaluve.

SAMUEL ATUGHIU 15:11

“Saul pelono akukau shilu pe keuye imlo savae; paye ilauno tsughuvae eno izah kutsuqo hebidevae.” Samuel ye agha ideve puzu putho kupuju AMPEU vilo qhuiniju ae.