HOSIYA 3:4 - BAIBEL (BSI)

⁴ Hipau paphi lono Israil lo akemiqoye ado kushuwa kutolo kukami momu sakiphemi kuha nani, aghashi mllakepu momu chinikepu tuqutsukucho ngo ajulho shisukeu eno asu atu julho shisu pesu asaqhi chekeu kuha nani.

Sumi Naga CL (Re-edited) Bible (BSI)

⁴ Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

HOSIYA 3:4 Mawu Ofanana

BOTHUBO 31:19

Laban ye pawu bheriqo amhi ghoniye wuve eno pakuha kelono Rachel no papuh wu aghatu pukasuwuve.

BOTHUBO 31:34

Rachel no aghatu pesu kemel shou akughuqa-a qholo kusuve eno tipaqo shou iqave. Laban no aphiki kumtsu lheju ikemu tipaqo ithumlave.

BOTHUBO 49:10

Akukau kusu ye Juda phemoe, eno pa pukhuno tsape ke; Tipau mipeu shikuzuu ighieno timi kumtsu shou ayeh pemoke kuto pa kuka pe anani.

SAMUEL AKINIU 6:14

David no akuuphi no achita khapuveno AMPEU gihuniye pa kuka kumto kumtsu ikhiphe ilhe.

KUKAMI AKINIU 23:24

Achinetou Hilkiya no Achineki lono ithulukeu yezah kakulo yepua ketoi pimhe wonike ghenguno akukau Josia no Jerusalem lo eno Juda yeghiqhalo tusatumo eno saqhi-sali shichekemi, akilo qhichekeu lhouqo, asu-atu eno ayekumthalo pimhe chekeu khuayeh kumtsu ikhi pevetsu.

YEKIKITHI AKINIU 15:2

eno pano Akukau Asa sasu kusholuni ke wu. Pano ishi igha ku, “Akukau Asa ngo nongu Juda ngo Benjamin lo kuami kumtsu itsa inilo! AMPEU ye nonguno pa gholo ake kutolo nongu gholo ani. Nonguno pa phuju aye paye nongu pelo pa phulu pe nani, ikemu nonguno tsughusu wuve aye pano nongu qhive nani.

IPEKULU 28:4

Panoqo vilo amla kuxa ngo ephod phimini, aphikuzu, ayeh shisukeu phikuzu, akutsu kunha eno apokha mlalo pilo. Panonguye Aron ngo pa nuliqo ghenguno aphimini hipaqo mla pelo tishi anguno achinemi shi iqelu nanike.

IPEKULU 28:6

“Panonguye tsulakibiyei keu, hughai keu eno huchui keu mhi ngo shunano shikeu aye eno phepheyi keu phi ayeh shisukeu pesu ephod phi mini mlalo.

AKUMLO 2:9

Putukhakeu hukikhaqoye atenino venhape ani; tipaqo khaduye hechhe pinyive. Itehiye kukami ngo kijemi ye kupokichelo ani. Ayezahye shikapiye chemovae eno tungkupmiye AMPEU launo kungunhetsu kuhavae.

EZEKEL 19:14

Atsayibolo ami ipeghive; amino tipau loka ngo alothi pitileveke. Alokaqoye khilemu mutotoi kithe luni chemoe, khilemu kukami kusu shiluni chemo. Hiye amloksa le lakhike; hiye phekide acheni.

EZEKEL 20:32

Nonguye ashiayeh kutami paphi shinishive keu nonguno kumsu auvae, ti ayeghi kutau xuakemino asubo ngo atuqu mllache keu toi shinishi auvae. Ikemu tiye khilemu shilupemo nanike.

EZEKEL 21:21

Babilon kukauno ala shokubalo kichekeu michipulo puthugho. Khipala wuni keno ithinike pano asaqhiniye apiji tsu kighide ju, pano pa su-atu lau kighithi kileji; pano lhoxu heqhi mllakeu loshi jukutoju.

EZEKEL 21:31

Nonguye iloghu kighide pu nani, ami kuyiqu toi tipau nongu shou ino hipukuni chenike. Ino nongu kughape tughashi toikemi, heqhi buqhikelo shitsamiqo ulo suvetsu nani.

DANIEL 11:31

Pawu ghushimiqo dolo khamino achineki lono shipixi keu kumla shi nani. Tsala kipetsu ghiqhino mllachekeu lakhave tsu nani eno tilehi Jukikichipu qhitsu nani.

DANIEL 12:11

Tsalakipe ghiqhino mllachekeu lakhaveke tsala lono, ike ado tipauye, Jukikichipu tsala lono wo atsala 1290 kuto shi nani.

DANIEL 9:27

Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

HOSIYA 13:10

Nonguno akukau lakhi eno sakiphemi khuke ikemu panonguye kishi puzu noshiayeh xaluni kya?

HOSIYA 13:11

Ixukighide lono ino kukami nongu tsuke eno ino muqhumuza akelono ino panoqo ikhisuwuveke.

HOSIYA 2:11

Lino tiqhetini tsala pinyi chekeu ngo, ampelo eno aqhilo tiqhetini tsala ikhiluchekeu eno Sabat pinye pinichekeu, lino achineyehlo kuhokumqo chekeu, hipaqo kumtsu ino lakhavetsu nani.

ACHINE 8:7

Tishino pano aphikuzu ngo akuu phi pesu Aron pu-u eno aphi ghopilikeu pesu papokha shipipe. Pano ephod phikuzu pa pipe eno tipau khapu kepu muduniyi ghokeu pokha pesu pa po khapipe.

ZEKHARIA 10:2

Timino ajulho kimihi ngo asakiqhimi sasu kuptsa cheni ikemu panonguno khokichile ithulukeuye akimki eno avehu kuhamitheke. Khamino asamo kiqi pitsu cheni ikemu nosabidekeu likhi; panonguno lokughunopu nongu tsukeuye adouke. Ike timiye bheri puhavekeu toi itsu itsuwuve cheni. Panonguye sakiphemi kuhake ghenguno akupunalo ilove cheni.

ZEKHARIA 13:2

“Tipa tsalalo ino aghakhu lono ajulho shisukeu aje akeqo ikhivetsu nani eno khiumu tipau kumsuchile kithemove nani. Ino aghakhu lono tungkupmi lakhi kepi cheghikemi ikhive nani eno ajulho mlla nishi keu nguagha ikhivetsu nani.

Luke 21:24

Timi hipaqoye azutakihino ghiqhi nani, eno kutami shiayeh qholo akughumi shisasu sawuve nani, eno Jerusalem ye Juda kumomino nedaqoda nani, ti Juda kumomi ghuloki tomo ke kutolo.”

John 19:15

Panonguno igha kithe pi, “Pa pithivelo! Kros lo pa yedavelo!” Pilat no panongu vilo iniju, “Niye nongu kukau yedavelo pikesha?” Achinetomino khochile, “Ningu kukauye Kaisar likhi ke!”

IBRIMI 10:26

Kughengu kuchou kighithi ithuluve puzu ninguno puthaputsano axine shiauveaye axine ikhisuwuve tsukepu aghashikeu kiumu khilemu kuhavae.

XAKUTHAMI 17:5

Mika ye pawu akumlla-a acheke. Paye asu-atu julho hami ache eno efod lakhi ache, eno pamu gholo milakhi pelono pa chineu kumla shiche peke.

XAKUTHAMI 18:14

Tileno pano pungu khunoqo Lais lo ayeghi juwu peniye puwukeno panonguno pano kusami vilo ishi pi, “Aki hipau lo asu no shikeu lhou tsandiyi no khikhape qhi puakeu nongu ye ithi anima? Tipau gholo ajulho lhou kutau ghi akhani eno efod ghi anie. Ninguye kiu shikepue pi nongu ye kumsu ani kya?”

XAKUTHAMI 8:27

Gideon no shuna pesu ajulho lakhi mla eno tipau pesuno paki Ofra lo ghope qhie. Tileno Israilmi kumtsu Alhou pheveno ajulho tipau mllaukhave. Hipau no Gideon eno pa kibolomi meluve.

SAMUEL ATUGHIU 14:3

(Achineu aphikuzu amlalo xipusu u-akeuye Ahija ke, paye Ikhabod thikuzuu Ahitub nuke eno Ahitub ye Fineha nuke eno Shilo lo AMPEU chinekishiu Eli tilimi ke.) Timiqoye Jonathan no wuvekeu mthae.

SAMUEL ATUGHIU 15:23

Pa ghobide keuye atumu sasu aphiphie, eno amlo kumka huye ajulho mllakeu xine sasu aphiphie. Kughengu nono AMPEU zahkutsu milive kehu pa ghi okuka kishi milivae.”

SAMUEL ATUGHIU 2:18

Tipa ghulokilo Samuel ye akimthe phino papo khapuno AMPEU hukuthu kumla shiche.

SAMUEL ATUGHIU 21:9

Ahimelek no khochile, “Niye Filistiyami Goliat, khuu nono Ela khila lono heqhivetsu keno pa zutakihi aphino kuzuveno ti achinepu phikuzu thiu puani. Aghunanu tilikhi ani.” David no pi, “Ti itsuvelo, tinguno azutakihi kivi kutauye kuha.”

SAMUEL ATUGHIU 22:18

Tileno Saul no Doeg vilo pi, “Nono panoqo ghiqhi pithivelo!” ike Doeg no panongu kumtsu ghiqhi pithive. Tipatsalani pano achinemi khunoqo amchi mlakuxa phi ukuzu keno pano lhotache pungu ghiqhi pithive.

SAMUEL ATUGHIU 23:6

Kughou Ahimelek nu Abiathar no pokalukeno paye David gholo Keila lono kusholu, pa gholo amchi mlakuxa phi pesu wuveke.

SAMUEL ATUGHIU 23:9

Kughou David ghi Saul no pa lenike akupughu shi akeu chilukeno, pano achineu Abiathar vilo pi, “Amchiphi hile sughilo.”

SAMUEL ATUGHIU 30:7

David no achineu Abiathar Ahimelek nu vilo pi, “Achine mla kuxaphi hilau sughilo,” Abiathar no pewo patsu.