HOSIYA 2:8 - BAIBEL (BSI)

⁸ Ino athi, atsayi ji, oliv teli, tsandiyi ngo shunayi kumtsu tsuno lino tipau pesu Baal, mlla chekeu liye khilemu ithi tsuni chemoe.

Sumi Naga CL (Re-edited) Bible (BSI)

⁸ Athi, aji eno thazü ngo Baal mlla chekeu ghükayi eno ameshoyi pesü li pipe keu ye I no kepi li ye mthae.

HOSIYA 2:8 Mawu Ofanana

YEKIKITHI ATUGHIU 29:16

O AMPEU, ningu Lhou, ninguno kinikulu hi kumtsu ogihu keu shi ochineki shipe nike eno oje kimthe shipe nike sughi ani, ikemu hipaqo kumtsu olauno ighie eno hi kumtsu owue.

JOB 19:8

Alhou no ilaghi ghakhavetsu eno niye ti heche wumlae eno pano akuzu pesu ilaghi ghanhavetsue.

ISAIAH 1:3

Pichepighi ghi pano pighiu ithi ani eno gadaha ghi panoqo mpeuno khilehino panoqo achuqupu tsu cheni keno ithi ani, ikemu Israilmi iwu timiye ni ithi chemoe.”

ISAIAH 46:6

Timino pisabo lhapheno shunayi lephe cheni; panonguno tsandiyi ahhu lono mighi cheni. Panonguno shunayi kiyiqimi pelo alhou lakhi mlatsupe nike piqe cheni; panonguno itsaiqino tipau mlla cheni!

JEREMIYA 7:18

Itimino sukughupu su pesu ighi, timi qono ami shipe qhi eno totimiqono asho kununo panonguno kungugha kukaliu ipichekeu lhouliu ghenguno asho shiniyeke. Ighuzaniye panonguno kutau lhouqo ghenguno mllakeu tsayiji ghi leqhitsuke.

EZEKEL 23:41

Pamano yeghu-lakhu jukivilo iqa eno pama gizulo thime jeli kivi pesu akibepu lakhi nhakha pesu qhi, tipaqo gholo ino tsungquikeu ta ngo oliv teli pama tsukeu ghi ake.

DANIEL 3:1

Akukau Nebukadnezar no shunano ajulho lakhi mla keu akiqhe lau miter mukutsuni, akijelau miter kuthu, ike tipaupe Babilon yeghilo Dura ipikeu bokhulo ghope qhi.

DANIEL 5:23

Nono kungughalo kuau hebide ghi achineki lono sughikeu ajukhu eno akhuqo peithake. Nono owu kijemi, onipuqo eno olojilimi sasu tipau lono aji sho eno shuna, tsandi, alazayi, ayi, asu eno atuno shikeu lhou akishe tsuveke, tipaqo lhouye ithulu momu chilu chemo eno kiumu ithi chemoke. Ikemu noye Alhou khuu okuxu puatsuni pina, puhave tsunipimu pa ghoshi cheni keno eno thime jeli kumtsu shou ampeu Alhou keno pa gihumoveke.

HOSIYA 10:1

Israil lo akemiqoye atsayibo lakhilo atsayithi kumzapu pithi akeu toike. Panonguno khijehi kinikulu shilu keno tijejehi akumlla kiptia mlape qhike. Pano yeghino vikitheuveno axa ala ipeghikeulo panonguno mllakeu tuqu tsukucho jukighilepu shi shipeqhike.

HOSIYA 13:1

Wovekeu tsalalo, kughono Efraim laghano atsa pikelo Israil lagha kutamiqoye musave cheke; Israil lo Efraim peqhepuku cheke. Ikemu panonguno Baal mlla keu lono axine shive eno hipau ghenguno panonguye thive nani.

HOSIYA 13:2

Panonguno mllanike ayi pesu ajulho shikeu lono axine shi acheni, timi kukumsu lono tsandiyi pesu ajulho kutshakughashi shikeu eno timi uno mlakeu! Tishi puzu panonguno pi, “Lhoxu heqhipe tipaqo mllalo!” Kishi puzu timino ajulho shisukeu, amshitsu julho kimihi lono shikeu muma cheni kela!

HOSIYA 2:5

kughengu panoqo pazano salhashupuke eno kujomza kepu ghushoghili shike. Lino ishi pike, “Niye ilojipumi khunoqono chuqu kusho itsu cheni, akuluphi, phepheyikeu phi itsu cheni eno oliv teli ngo atsayiji itsu cheni keno tipaqo lau wunie.”

HOSIYA 4:11

AMPEU no pi, “Atsayiji akiye eno akitheno iwu timiqo lokutsu xulepuwuvetsu anie!

HOSIYA 8:4

“Iwu timiqono kukami kisheluke ikemu pano kutoshino tipau shike. Panonguno sakiphemi sukusu shipe qhi ikemu ilauno pulozah lumoe. Panonguno pano likhi pano ghuzapushi shunayi ngo tsandiyi pesu ajulho shipeqhi.

HABAKUK 1:16

Panonguno lhoxu heqhi pe akhame mlla cheni kughengu panoqo khameno thime kivi pesu panoqo loji achenike.

Luke 15:13

Anu ayitiuye atsala hami thiu amheghi pa saje thaqhuye jekutsu, eno pisa pesu pano yeghi qhiveno wuve. Paye ayeghi kushuwalo wuve eno tilau lahilazakeu kuxu lono pisa kumtsu kilhekulhu puwokhave.

Rommi 1:28

Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni.

ZAKINIU 8:18

AMPEU nongu Lhou no nongu pelo kinimi shilu penike akuka tsuke pi kumsulu achelo. Pano hipau shikeuye paye nongu puasuqo sasu puloshoqhi shikeu ishi tsala kutolo amikucho shi pe acheni ke.

XAKUTHAMI 9:27

Panongu kumtsu pututa tsayili lo hupuzu atsayi xoluno tipau pesu aji mlano aghulhu kije lakhi shi. Panonguno pano lhou chinekilo ilono chuqu-kusho shipuzu tileno Abimelek tha junuqhithuve.