HOSIYA 2:23 - BAIBEL (BSI)

²³ Ino aghakhulo iwu timiqo qhiwo nani eno panoqo kinikulu shitsu nani. Khunoqo vilo “Kimiyemoke” ipiche keno tipaqo lau ino kikimiye piye nani, eno “Iwu Timiqo Kumoe” ipiche kemiqo vilo, Ino ishi pinani, “Nonguye iwu timiqoke” eno panonguno, “Noye niLhouke” ipi khochile nani.

Sumi Naga CL (Re-edited) Bible (BSI)

²³ I no I sala shi aghakhu lo li shosü nani. Eno I no küpümoe ipi keqo shou küpükini anani, Iw timi kumoe ipi keqo lau, ‘Nongu ye Iw timie’ ipi nani; pa no pi nani, ‘No ye I Lhou.’”

HOSIYA 2:23 Mawu Ofanana

LESHELE 118:28

Noye iLhou ke, niye oshikimthini; ino noye kijekepi asheshuni.

LESHELE 22:27

Timi jeli kumtsuno AMPEU kumsulu nani eno pa lau xaideghi nani; Ashiayeh jeli kumtsuno pa gihu mlla nani.

LESHELE 68:31

Ijip kudauno lashikami ighi nani; Sudanmino au peqhepesu Alhou vilo khuini nani.

LESHELE 72:16

Ayeghilo aghi asu kupukunoshi apeniu; axajelino naghutoqo kuzupe apelo; ti Libanon toi athi pithikeu shilu pelo. Aphughiqolo timi kutomo apelo, tiye aluzalo atsaneghu chhitoi aketoi.

ALE KIMCHI 2:16

Ilomiye iwuke eno niye pawuke. Pano lapu xamunulilo pa tsu-aqu qo achu kumzake.

ISAIAH 44:5

“Timi lakhi khino ishi pinani, ‘Niye AMPEU laumike.’ Panonguno Israilmi gholo kime luvenike ighi nani. Milakhikhino AMPEU je pesu aumlolo amichishipu nani eno Alhou wu timi gholo lakhi kepi pa likhi pa kihisu nani.”

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 30:22

Panonguye iwu timi shive nani eno ino panoqo Lhou shive nani. Ni, AMPEU no piqhive ake.”

JEREMIYA 31:27

“Ni, AMPEU no pianike ino Israil ngo Juda yeghi lo timi eno lhoxu pesu chhitoi tsunikeu ghuloki cheni.

JEREMIYA 32:38

Tithiuye panonguno iwu timi shive nani eno ino panoqo Lhou shive nani.

JEREMIYA 33:26

niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

EZEKEL 36:29

Nongu kitiqeve chekeu jeli thwokha launo ino nongu xalu nani. Ino athi jeli pelo kupukuno shilu penike ahza tsu nani tishianguno nonguye puqumiye kithemo nani.

HOSIYA 1:6

Gomer no anga akiniu punu, ishiu loye totimi lakhi. AMPEU no Hosiya vilo pi, “Lije Lo-Ruhama kutsulo, kughengu niye khilemu Israilmi kimiyeni chemo momu panoqo xine qhitsumo nani.

HOSIYA 8:2

Panonguno ikugha pesu panoqo Lhou kepi piaghi na, panonguye iwu timiqo eno panonguye ni-ithi anikepi piaghi namu,

ZEKHARIA 10:9

Ino ashiayeh kutami gholo panoqo halepuwuve namu, putou yeghilo ghi panonguno kumsuchileu nani. Panongu eno pano tianuliye puxutsu nani eno kumtsa pano phuyinalo ideghi nani.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

ZEKHARIA 14:16

Tileno Jerusalem leighikemi shiayehqo gholo puxu puaghitsu kemi kumtsuno Aqokitikhi MPEU ye akukau kepi pa mlla nike ampe atsutsu Jerusalem lo wu nani, Apusholo kungo Pinyeni ikhilu nike wu nani.

ZEKHARIA 14:9

Tileno AMPEU no ayeghiqha kumtsu shou akukau shive nani; kumtsuno paye Alhou kepi pa mlla nani eno aje tipau tholono pa ithiwove nani.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

Rommi 3:29

Momu Alhou ye Judami Lhou likhi kesha? Paye ashiayeh kutami Lhou ghi ke kumokesha? Iye, paye ashiayeh kutami Lhou ghie.

James 1:1

Alhou ngo Ampeu Jisu Khristo qeu Jems no ashiayeh chighikini Apanaghavekemi lau yehani. Petha tsu ani.