HOSIYA 2:18 - BAIBEL (BSI)

¹⁸ Tipa ghulokilo ino tughashi ngo aghau kumtsu sasu puloshoqhi lakhi shi nani, tishianguno panonguno iwu timiqo shipusamo nani. Ino aghakhu lono aghushi nanu, azutakihi asuzu ikhivetsu nani eno iwu timiqo pelo alokughuno eno ighukepu kuhano xulupe nani.

Sumi Naga CL (Re-edited) Bible (BSI)

¹⁸ Tipa tsalani, I no panoqo ghenguno aluza lo tüghashi, kungu ghau, ayeghi lo itikiche lhoxü sasü puloshoqhi shi nani. I no aghakhu lono shexilika, azütakikihi, eno aghükishi lakhave tsü nani, eno nongu pelo aküighüpu kühave no ikiqi ihozü lupe nani.

HOSIYA 2:18 Mawu Ofanana

JOB 5:22

Puqumiyekeu eno kutsakungo keu nono junuve nani, noye tughashi msa kepu kuhae.

JOB 5:23

Kughengu nono hochekeu lulo atu kuha nani tughashino khilemu ohamo nani.

LESHELE 148:10

Lhoxu kumtsu tikishi ngo tughashi, itikiche lhoxu ngo aghauqo

LESHELE 23:2

Pano ipelo atsuni kumthsa shou ihozupe, pano azu kughuqu phivilo isawu.

LESHELE 46:9

Ayeghiqha kumtsulo pano aghukishi lakhavetsu; pano asuzu suchhevetsu, angu pighechhevetsu eno azuto pitivetsuke.

ISAIAH 2:11

Timino aqhekuza shichekeu kishekha nikeu eno timino akuchhoma shiche keu kutsapinyive nikeu tsala lakhi cheni. Tipanino AMPEU likhi xaqhepuku keu tsala shinani.

ISAIAH 2:17

Timi qhekuza kishekhave nani eno timi chhoma kutsaleve nani. Ajulho shisukeu kumtsu qhoi hauve nani eno tipa tsalaniye AMPEU likhi xaqhepukukeu tsala shive nani.

ISAIAH 2:4

Pano ashiayeh dolo kughatha nani, eno timi kutomo ghenguno xatha tsu nani. Panonguno azutakihi hepha pesu akuphu shive nani; eno panongu ngu pesu asubo kikixi zutachi shive nani. Ashiayeh qoye khilemu aghulalo wukithemove nani, khilemu aghukishi ghenguno kutokupui keu shimo nani.

ISAIAH 26:1

Tipa tsalalo Juda ghakhulo Timiqono ale hipau phe nani: Niphughiye mutotoike! Alhou ampino tipau putu puakeu sushoke!

ISAIAH 32:18

Alhou wu timiqoye amlokusa kuhano ililai nani eno panoqo kiboye iquneikeu anani eno hexakeu kuha nani.

ISAIAH 54:5

OLhophekeuye oghenguno akimi lakhi toive nani, pa jeye Aqokitikhi MPEU ke. Israil Lhou akimtheuno oxalu nani paye ayeghiqha shou ayehkipeuke.

ISAIAH 65:25

Atine ngo bheritiqo kumtsa chu nani; abongushuno amshi toi aghijini chu nani eno apighiye akumsapu kuhave nani. Ikimthe toghi Zion lo kiumu shikupusapu momu alhoksapu kuha nani.”

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 33:16

Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

EZEKEL 34:25

Panoqo pelo ithapemo nikeu shi ino panoqo sasu puloshoqhi lakhi shi nani. Aghakhulo akumsapu lhoxu kumtsu ino hapupovetsu nani tishianguno iwu bheriqoye aluzalo sushokulushi xulu nani eno aghasalo zulu nani.

EZEKEL 39:1

Akughushu MPEU no pike, “Thinikuau timio, Meshek ngo Tubal shiayeh shou ayehpetou Gog shou ngukubelo eno pa vilo niye pa ghumi kepi pilo.

ZEKHARIA 14:4

Tipa tsalalo pano Jerusalem kipela kudau Oliv Toghilo puthugho nani. Tileno Oliv Toghiye kipelauno kulolau kutolo akhila kije lakhino supho kini shivetsu nani. Atoghi tuxaye ahuu iqeuve nani eno tuxaye apeu iqeuve nani.

ZEKHARIA 14:9

Tileno AMPEU no ayeghiqha kumtsu shou akukau shive nani; kumtsuno paye Alhou kepi pa mlla nani eno aje tipau tholono pa ithiwove nani.

ZEKHARIA 2:11

Tipa ghulokilo ashiayeh kutomono AMPEU lau ighi puzu pawu timi shilukha nani. Pano nongu gholo xu nani eno nongu lau pano ipuwu kepi nonguno ithi nani.

ZEKHARIA 3:10

Kughou tipa tsala ighini keno, notsayili ngo khughuthibono nongu suhope puzu nongu milakhi khino pa kusami vilo alokughuno eno sushokulu lokivi shilopi ku-kusu shi nani.”

ZEKHARIA 9:10

AMPEU no pi, “Ino Israil lono aghushi khurshi ikhive nani; eno Jerusalem lono khurshi ikhive nani; aghushilo peithakeu suzu kutsavetsu nani. Okukauno ashiayehqo gholo ala shitsu nani, pano azughi lakhi lono lakhiu kutolo ayehpe nani, Eufrati ghoki lono ayeghi shekha kutolo.”