HOSIYA 2:16 - BAIBEL (BSI)

¹⁶ Tithiuno lino itaghi ivilo li kimi kepi pi nani, liye khilemu ipesu liwu Baal kepi pimove nani.

Sumi Naga CL (Re-edited) Bible (BSI)

¹⁶ “Tipa tsala lo, Ampeu no asheshu, nono I vilo ‘I kimi,’ ipi ku nani eno no ye I vilo ‘Iw Baal’ ipi kumove nani.

HOSIYA 2:16 Mawu Ofanana

BOTHUBO 34:3

Ikemu paye Jakob nga Dina sasu kiphemove eno pano ayiliu kimiye kehu li mlo vepiqi tsu keu tsa putsae.

ISAIAH 40:2

Jerusalem lo akemiqo mukhano putsatsulo. Panoqo vilo panonguye adoku shuwa aghime shivea eno itehiye panoqo xine pevetsuake.”

ISAIAH 54:5

OLhophekeuye oghenguno akimi lakhi toive nani, pa jeye Aqokitikhi MPEU ke. Israil Lhou akimtheuno oxalu nani paye ayeghiqha shou ayehkipeuke.

JEREMIYA 3:14

“Amikucho kumomiqo; nonguye iwuke. Aphughi lakhikhi lono ino nongu milakhikhi luni eno alagha lakhikhi lono mikinini luni eno ino Zion Toghilo sachile saghi nanike.

EZEKEL 20:35

‘Ashiayehqo Sayeqhalo’ ino nongu sailoghi nani eno tilauno nongu gi thepesu nongu ghushove nani.

HOSIYA 2:7

Lino alojipumi hawu nani ikemu panoqo hamla nani. Lino panoqo phuju nani ikemu phumla nani. Tithiuno lino ishi pi nani, “Niye ikimi atughiu lau idewoni cheni, niye itehiye puzuu pavi acheke.”

John 3:29

Kulapuuno kulaliu sa-anikeu ke; ikemu kulapuu kusau huye puthugho puzu ini acheni eno kughou kulapuu sutsa chilu nikeno paye alokivi shi cheni. Tihutoi ilokivi hipau shikupuvetsuae.

2 Kor. 11:2

Nongu ghenguno niye Alhou no anheshu akeshi nongu jupe inheshu ani; kughengu ilimi amikuchomi lakhi timi lakhino luniye inipe puakeshi niye nongu sawo Khristo tsuniye shiake.

Piyeküsü 19:7

Ningu alokiqishi alovini nolo; paye shishe kije kehu ninguno pa sheqheni nolo! Kughengu Bheriti wu kulakupu ghuloki ighivae, pawu kulaliuye tipau ghenguno kutopesu ngoluvae.

XAKUTHAMI 19:3

Timi huno li putsa kidekudai shino li pelono pa kilo ideghi penike ghenguno li putsa wunikeu kughakutha shilu. Pano pa qeu lakhi eno gadaha kini ishi pa gholo sawu. Tile ailiu no Levimi aki piye, eno kughou li puno pa ithulukeno, pano alokivishi pa sasulu.

RUTH 2:13

Rut no khochile, “Niye oqelimi mu kumokemu nono ikupu keu tsa pitsu keu likhimu imlo qivae.”