HOSIYA 2:12 - BAIBEL (BSI)

¹² Lino alojipumi gho shikeu ghenguno panoqono li tsukeu tsayibo ngo khughuthibo ino kutsalevetsu nani. Ino li tsayilu ngo axathili pesu agha kughulhovetsu nani, tughashino tipaqo shipusave nani.

Sumi Naga CL (Re-edited) Bible (BSI)

¹² I no li tsaibo eno mububoqo kütsave tsü nani, tipaqo jupe li no ishi piche, ‘Hipaqo ye I lojipumi no tsükeu I jumeqo ke.’ I no tipaqo pesü aghasa shive no tüghashiqo no kütsaleve peni.

HOSIYA 2:12 Mawu Ofanana

LESHELE 80:12

Alhou, noye kushiye tipau putukha keu hephovetsu kya? Itehiye tipau vechewu chekemino tipa xathi pukaluve ani;

ISAIAH 29:17

Ishi pichekeu anike, ado kushuwa kumolo aghasuye alukichipu yeghi shive nani eno alukichipu yeghiye aghasu shive nani.

ISAIAH 5:5

“Niye itsayilu pesu hiu shiniake; niye tipau veho putumuxa puakeu ikhiveni, tipau susholupe nike aliwo shikeu tuxapinyiveni eno tughashi pelo tipau mzachuve peni eno qodanedave peni.

ISAIAH 7:23

“Tipa tsalaniye, atsayilu kivilo atsaibo 1,000 akeqoye lakhikhino tsandiyi 1,000 khi me shinamu kumtsu asahupho ngo aghusahuno qunha khave nani.

JEREMIYA 13:26

AMPEU ampino nongu phimini xalevetsu nani eno nongu pesu akukujopu shipe qhinani.

JEREMIYA 26:18

“Hezekiya no Juda lo akukau shi ake ghulokilo Moreshet ghami tungkupu Mika no timi kumtsu vilo Aqokitikhi MPEU no ishi pikeu pesu pike, ‘Zion ye aluqa lakhi toi hokideve nani, Jerusalem ye ixalepinyiveno kiche kumqo pe puaketoive nani, Achineki toghiye aghasa lakhi shive nani!’ ”

JEREMIYA 5:17

Panonguno nowu axa ipeghikeu eno nochuqupu tsakhavetsu nani; no tianuli kiptimi totimi jeli ghiqhivetsu nani. Panonguno nomishi loji eno bheri loji ghiqhile nani eno no-tsayibo ngo khughuthibo shipusave tsu nani. Nophughiqo aliwo putupuakeu nongu no pukhu achekeu hu panowu ghushimi lojino kutsaleve nani.

JEREMIYA 8:13

“Timino pa thi-ghopua keu pekutsuke toi niye iwu timiqo pekutsu nishike; ikemu panonguye atsayibo athi pithimo keu toike; khughubo athi pithimokeu toike; anipa ghi thizumuyive. Tighenguno ino khalaumi pelono aghakhu luvepe nikeu pulovetsuake.”

HOSIYA 13:8

Ino avaqu lakhi no ati puhaveno akelo toi nongu le nani eno ino nongu suthapinyi pe qhive nani. Abongushu lakhi toi tsuqhikea lono nongu tsaqhi nani eno tughashi lakhi toi nongu suthapinyive nani.

HOSIYA 2:5

kughengu panoqo pazano salhashupuke eno kujomza kepu ghushoghili shike. Lino ishi pike, “Niye ilojipumi khunoqono chuqu kusho itsu cheni, akuluphi, phepheyikeu phi itsu cheni eno oliv teli ngo atsayiji itsu cheni keno tipaqo lau wunie.”

HOSIYA 5:14

Ino abongushu lakhi toi Israil lo eno Juda lo akemiqo hakuqoqhi nani. Ni ampino panoqo aleqhi shi sutha pinyiveno panoqo qhive nani. Kughou ino panoqo sunhe susu wuve nikeno khunomu pano xamla nani.

HOSIYA 9:1

Israil lo akemiqo, ashiayeh kutamiqo toi ahukulushi tiqhetini shi akevilo. Nonguye nongu Lhou launo tsughusu wuvae eno pa lau amikucho kumo shiauvae. Kusalhami toi aghakhuqha kumtsulo nonguye Baal lhou lau nolikhi no-jesuvae eno pano athi pesu ame shi-ghi nongu tsukepi nonguno kumsuchekeu alokutu acheni!

MICAH 3:12

Tishiaye nongu ghenguno Zion ye aluqa toi hokideve nani, Jerusalem ye ixapinyi pesu kumqove nani eno Achineki toghiye aghasu ilhove nani.