HOSIYA 14:3 - BAIBEL (BSI)

³ Asiriya ye khilemu nixamlake, aghushi khurshiye nisushomlake. Ninguye khilemu nino ajulho shipe qhikeu vilo panonguye niLhou kepi itaghi pikithemoake. O AMPEU, khunoqono khuu laumu tsughuwu kepu kuhakeno tipaqo shou okikimiye piyetsulo.”

Sumi Naga CL (Re-edited) Bible (BSI)

³ Assyria ye ni xamla nani; ningu ye khurshi samo nani; eno ningu ye, ‘Ni Lhou’ ipi ni u no mlakeu vilo pimo nani. O launo mighimi no küpükini ithulu chenie.”

HOSIYA 14:3 Mawu Ofanana

YEKIKITHI AKINIU 16:7

Tipa ghulokilo tungkupu Hanani no Akukau Asa lau wuno pi, “Nono AMPEU oLhou pukhuni ke zuqhulo Siriya kukau shou pukhube ke ghenguno Israil Kukau wu ghushimi ye olauno pokaluveke.

LESHELE 10:14

Ikemu nono ithulu ani; shiluksa eno ghichhe-ghime nono ithitoi ani eno kuphuniye khe anie. akukuphu kuhakemino pa likhi pa pesu olau kulhuqhi; nono mighimi kuphu acheni.

LESHELE 146:3

Sakiphemi ghi timike okupukhu pano shou bekevilo; timi lhoxu khumu oxamlae.

LESHELE 146:9

Inami ni yeghilo achekemi pano susho; chimemi ngo mighimgha pano kuphu, ikemu kixikilamino kughu puakeu hexavetsu cheni.

LESHELE 33:17

Aghulo peithakeu khurshi namu aghu tokulupulo avehu kuhae; tipaqo kumto kuloghi pimu xamlae.

LESHELE 68:5

Pa kimthe chinekilo ngochekeu Alhou ye mighimgha ngo chime miqo susho eno tuchohiju cheni.

ISAIAH 1:29

Nonguye kushiye asubo mllache eno akimthe ghutu pighiche kelapi amlokusashi kujomuzave nani.

ISAIAH 2:20

Tipa tsala ighikelo panonguno shunayi ngo tsandiyino shisukeu ajulhoqo peve nani eno tipaqoye idelaghu ngo ashuqha sala shi qhive nani.

ISAIAH 27:9

Ikemu kughono Alhou kumthamino mllachekeu khache tuquqo amukhu shiveni keno eno tsungqui keu kipiti khache kuhave eno alholiu Ashera julho kuhave kethiu likhino Israilmi xineqo pevetsu kepu shi nani.

ISAIAH 30:16

Tishinike zuqhulo, nonguno khurshi kumthu shou ikupuzu noghumiqo launo kajo ipeveniaye kughuke. Nonguye koha pokeuno achipi shiniake! Taun khurshiye shishe muthu ani kepi nonguno kumsu ani, ikemu nongu hachekemi ye nongu nguno akumthuu shi nani!

ISAIAH 30:2

Panonguye ikukumsu inijumo puzu akukuphu ghenguno Ijip lau wuke. Panonguye Ijip pelo panoqo susholu penishike ikehu Ijip kukau shou pukhuke.

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 31:3

Ijipmiye aghahwuke kumoe, panonguye timi ke. Panongu khurshiye palhoaye kuta keu kumoe. Kughou AMPEU no itha wuveni keno ashiayeh kumtoye ipopiniyive cheni eno panono miqemileikeu shiayeh kuphu keu ghi ikiqive nani. Kuma kinikujo kutsaleve nani.

ISAIAH 36:8

Ino akukatou jelono nongu sasu kuptsa xathani ke. Nongu gholo khurshi shou ikuthikemi 2,000 aghi aye ino khurshi tijehi nongu tsunike.

JEREMIYA 49:11

Nowu mighimghaqoye igholo qhivelo, ino panoqo hijuluve nanike. Nowu topuchimemino ishou pukhubelu nanike.

EZEKEL 36:25

Ino nongu shou azu kutsughu kuzutepuku nani eno nowu asu-atu julhoqo launo eno thwokha jelino nongu kitiqevekeqo launo nongu shikimthetsu nani.

EZEKEL 37:23

Panonguye aphikumqhupu su-atu julho pesu pano likhi panoqo kitiqe kithemove nani momu axineno panoqo shipsave pemo nani. Panonguno axine shichekeu eno ijechu chekeu laghi jeli kumtsu launo ino panoqo kuqhopheve nani. Ino panongu pesu tsughukhui shivetsu nani; panonguye iwu timi shive nani eno ino panoqo Lhou shive nani.

HOSIYA 12:1

Israil lo akemiqo inaqheno putho kutolo shikeu adou likhi eno kutsakungove kepu likhike. Kichileu ngo heqhi buqhikeu kumla panoqo gholo ikowo ani. Panonguno Asiriya sasu kulashikile eno Ijip sasu lhidi lhighi shike.’

HOSIYA 13:2

Panonguno mllanike ayi pesu ajulho shikeu lono axine shi acheni, timi kukumsu lono tsandiyi pesu ajulho kutshakughashi shikeu eno timi uno mlakeu! Tishi puzu panonguno pi, “Lhoxu heqhipe tipaqo mllalo!” Kishi puzu timino ajulho shisukeu, amshitsu julho kimihi lono shikeu muma cheni kela!

HOSIYA 14:8

Israil lo akemiqoye ajulho shisukeu sasu kiumu kutshu kime kepu shimove nani; Ino panongu kighini khochiletsu nani eno panoqo tuchohiju nani. Ani ighimokeu subo lakhi toi ino panoqo kusuqholuve nani; Niye panoqo wu kukumgha jeli pukike.”

HOSIYA 2:17

Niye li pelo khilemu Baal jeku kithe move pe nani.

HOSIYA 4:12

Panonguno asu tachu lakhi launo piyesukeu khuju cheni! Asuta lakhino panonguno kiu ithi nishi keno panoqo vilo pitsu cheni!Panonguye iqhiveake. Totimi lakhino kutuqhalimi shiwuveke toi iwu timiqoye kutau lhouqo lau pano pesu tsuvae.

HOSIYA 5:13

“Kughono Israil no liye kishi su ani keno eno kughou Juda no li likhi li ghuzakuqo ithulu keno Israil no Asiriya lo akukatou akijeu vilo akukuphu khuniye wu nani, ikemu paye panoqo shipivi tsumlave momu panoqo ghuzaku vilumo nani.

HOSIYA 7:11

Israil ye munamghaikeu eno kumsukulu kuhakeu miqhedu lakhi toike; liwu timiqono atughushi Ijip vilo akukuphu khu eno tipathiuye Asiriya lau pove!

HOSIYA 8:6

Israilmi ayikiyiqimino ajulho shike eno tiye khilemu alhou lakhike kumoe! Samaria shunayi mishitsu mllachekeu huye hepho kighinyive nani!

HOSIYA 8:9

Israil lo akemiqoye agha gadaha toi kuthovilo puzu panoqo gho apulou lalo wuveke. Panonguye Asiriya launo akukaphu khuniye wuvae eno ashiayeh kutami pelo panoqo susho peniye piqeke.

JONAH 2:10

Tileno AMPEU no akha ahza tsuno Jona azu mukulo puqulevepe.

ZEKHARIA 13:2

“Tipa tsalalo ino aghakhu lono ajulho shisukeu aje akeqo ikhivetsu nani eno khiumu tipau kumsuchile kithemove nani. Ino aghakhu lono tungkupmi lakhi kepi cheghikemi ikhive nani eno ajulho mlla nishi keu nguagha ikhivetsu nani.

John 14:18

“Niye nongu mighimugha toi qhivemoe; niye nongu lau ideighi nani.

ZAKINIU 17:16

Akukauye pawu ghushimi ghenguno khurshi kutomo qhikevilo eno khurshi qhupenike paye Ijip lo timi puwu kevilo, kughengu AMPEU no pive ake pawu timiqoye khilemu tilau idewo kepu kumoke.