HOSIYA 14:2 - BAIBEL (BSI)

² AMPEU lau ide ighivelo eno pa lau akumllagho shikeu kighini hipau shilo: “Nixineqo kumtsu pevetsulo eno nikukhu kighini ikhilutsulo, eno ninguno tushoqhive keu toi ninguno osheqhe nike.

Sumi Naga CL (Re-edited) Bible (BSI)

² Atsa pesü Ampeu lau idewo eno Pa vilo pilo, “Axine kümtsü ikhive tsülo; kiu no alo keno ikhilu tsülo, eno ni kichi lono tushoqhi ketoi nino amshitsü pesü tsüni.

HOSIYA 14:2 Mawu Ofanana

SAMUEL AKINIU 12:13

David no pi, “Ino AMPEU zulo axine mlavae,” Nathan no khochile pi, “AMPEU no oxine pevetsu ani; noye thimo nani.

SAMUEL AKINIU 24:10

Ikemu David ye timi lhoxu kihi tavekethiu, pa lolo alokughuno kuhave, tileno pano AMPEU vilo pi, “Ino hishi mlavekeu huno axine lhoksa kije mla kuquvae! Ikimiyeno ikipimi qhivetsulo. Niye aghuzu anikha kumla mlavae.”

JOB 7:21

Noye ixine phevetsu mla kesha? Ikipimi noye pevetsumla kesha? Kughengu niye pai ayeghilo zuwuvenia, nono iphu namu niye aghi mae.

LESHELE 119:108

Iwu shikimthi kighini ikhilutsulo, AMPEU, eno ozahkutsu ishika piyelo.

LESHELE 50:14

Shikimthi keu pesu Alhou lau aghashipe mllalo, eno Akughushuu lau piqhivekeu hu kumtsu shilo.

LESHELE 51:16

Noye aghakishi lunishi chemo kethono niye tipau pe omllani cheke. Noye lhoxu piti pesu omllakeulo aloqilu chemoe.

LESHELE 51:17

Alhou no ikhilutsu nikeu kumllaghoye amlo kughujuke; O Alhou, amlo kughuta kughuju shi olau ighikeu noye mithive chemoe.

ISAIAH 44:22

Khungkusu toi ino oxine jolevetsu nani. Ilau ideghilo; oxaluchekeu huye nike.”

ISAIAH 6:7

Pano amibalu pesu imutsu ditsu no ishi pi, “Hipauno omutsu divae eno itehino okipimi ikhisuwuve tsuae eno oxineqo pevetsuae.”

JEREMIYA 3:12

Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

HOSIYA 12:7

AMPEU no pi, “Israil lo akemiqoye Kananmiqo toi kuchou kuhamithe; panonguno ahhu kichile pesu pano nhemgha qhunikemi pishiqhi cheni.

HOSIYA 5:5

Israil qhekuzano panoqo zulo ashepe shianie. Panoqo xineno panongu pelo kupuxa pesu veqhive eno Juda lo akemi ghi panoqo gholo veqhi kuqhae.

HOSIYA 6:6

Niye nongu wu iqemokeu kikimiye lunishi ani kethono lhoxu heqhipe mllakeu khuamoe. Niye heqhipe piti imllakeu nguno alauno iwu timiqo pelo ni-ithipe nishike.

JOYIL 2:17

Achinemi, akumlla kiptia ngo Achineki hukikha dolo AMPEU qe achekemino qanimlo ishi inikhu masake, “AMPEU, owu timiqo shou amlo ighiqhiyikeu atsulo. Ashiayeh kutami pelo nijukunatha eno nithaigha pekevilo. Eno nivilo, ‘no-Lhou khile ani kya?’ ipi pekevilo.”

JONAH 2:9

Ikemu niye osheqhe shipilini; niye aghakishi pesu omlla nike eno ino piqhivekeu shini. Xaphekuluye AMPEU launo ighike!”

ZEKHARIA 3:4

Kungumino kungughalomi jukutotsu chekemi vilo pi, “Timi hipauno niqhunilai keu phimini uakeu ikhipewuvelo.” Tishieno pano Joshua vilo pi, “Ino oxine ikhi pewuvetsuake eno aphimini kithe pepupe nike otsu nani.”

MATTHEW 7:11

Tishiaye, nongu alhoksami shianamu thime kivi pesu nongu ti-anuli tsukeu yeh ithi ani aye nongu paPuh kungughalo akeuye tinguno alaushi thime kivi pesu pa vilo khukemiqo tsu nani!

Luke 11:13

Nongu lhoksa kughami thotsu thime kivi pesu anuli tsuke yeh ithi ani aye, kungughalo Apuh akeuye pa vilo khukemi shishe alau shi Aghungu Kimthe tsu nani!”

Luke 18:13

Ikemu zahme kuqhauye putou puthugho puzu pa gi ghi atsutsu kudau mu peqhemo, ikemu amlo ghimeshi pa mla khukhu ghi pi. ‘O Alhou, ikimiye tsulo niye axinemi lakhi!’ ”

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

Rommi 11:27

Kughou ino panoqo xine ikhipeve tsuni keno, hipauno panoqo sasu iwu puloshoqhi shi nani.”

2 Tim. 1:9

Ninguno kiuala shilupuaghike ghenguno kumoe ikemu pa pulou kimiji eno pa kukupu ghenguno ningu pelo pawu timi shipeniye pano ningu xalu eno kuluke. Hiye khaghino Khristo Jisu gholono ningu tsuke,

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

IBRIMI 10:4

Kughengu amshitsu jih ngo ane jihye khilemu axine ikhisuwuve tsumlae.

IBRIMI 13:15

Tishiaye, Jisu vechewo ninguno pulhapuju sheqhekeu pesu Alhou lau akumllagho shighi mllani nolo; ike tiye, ningu kichi lono pulhapuju pa je shikimthi ani nolo.

1 Peter 2:5

Akuxupu tuqu shi-ghi pa lau ighilo eno aghungulo ki shikeulo nongu peithapelo. Tilehi nonguye akimthe chinemiqo shighi Jisu Khristo vechewo aghungu lono aghashikeu Alhou lau ikhikulupushi mllalo.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.

1 John 3:5

Nonguno ithianike Khristo no ipeghikeuye axine ikhisuwuve niyeke, eno pa lolo axine kiumu kuha.