HOSIYA 13:6 - BAIBEL (BSI)

⁶ Ikemu nonguno ayeghi kivilo iloghilu kelauye nonguye nibomilei eno aghaqiluke eno tishi puzu qhezawuveno ikumsumaveke.

Sumi Naga CL (Re-edited) Bible (BSI)

⁶ ikemu kughou panongu no chusholu keno, panongu ye aghakiqi shiluve kehu I kümsümave ke;

HOSIYA 13:6 Mawu Ofanana

NEHEMIA 9:35

Owu kukumgha pesu kukamino owu timiqo shou ayeh pecheke, tiye nono panoqo tsukeu aqha kuloghi eno aghuma kua yeghilo tishi cheke; ikemu panonguno axine launo xaideghi puzu oqenikeu shimlave ke.

LESHELE 10:4

Kixikilamino pagi kumobeyive puzu AMPEU phujumoe, pano kukumsulo Alhou sumomithe.

AHOLE 30:9

Ino kutomo auve aye, niye no-avehupu shiamo kepi pilunosake.Ikemu ino kumlhomi shiveaye niye pukauve nosake eno opipusakeu sughilu nosake.

ISAIAH 17:10

Israil, noye oxaphelukeu Lhou kumsumavae eno khuno akughutshu tuqu toi osusholukeu phevae. Tipau zuqhulo, inaghami lhou mllaniaye akimthe ghutu shipe qhike.

JEREMIYA 5:7

AMPEU no ishi iniju, “Niye kushiye iwu timiqo xine qhivetsu kepua? Panonguno iqhiveno cheve eno kuchou kumo lhouqo mlla chenike. Iwu timiqono aghaqimoke kutolo ino panoqo lojike ikemu panonguno salhashupuke, eno kutu-qhalimi sasu ado kumtsu puwo achenike.

EZEKEL 23:35

Akughushu MPEU no kiu pi ani keno tiye hike: “Nono ikumsu mlave eno ozupo ilau kughopuwove ke ghenguno osalha shupu eno okiyighe ghenguno ime nanike.”

EZEKEL 28:5

Nono amqukini shi alhikishi peitha eno ala kighishelu acheni. Noye okinikulu jupe kiutoi qheza ani kela!

HOSIYA 10:1

Israil lo akemiqoye atsayibo lakhilo atsayithi kumzapu pithi akeu toike. Panonguno khijehi kinikulu shilu keno tijejehi akumlla kiptia mlape qhike. Pano yeghino vikitheuveno axa ala ipeghikeulo panonguno mllakeu tuqu tsukucho jukighilepu shi shipeqhike.

HOSIYA 12:8

Panonguno ishi pi, ‘Ninguye kinimi ake,’ ‘kinikulu nisala xapuwo qhiluvae. Khunomu nino kuchou kumo lono akini xapuwo qhilukeu ni-nguku lunichemoe.’

HOSIYA 2:13

Lino Baal lau axokutsungu pitikumnani ye ikumsumave keu do ghenguno eno li lojipumi hasusu wuniaye achiku achipu pepukeu ghenguno ino li ghimeqhi nani. AMPEU no pike.

HOSIYA 2:7

Lino alojipumi hawu nani ikemu panoqo hamla nani. Lino panoqo phuju nani ikemu phumla nani. Tithiuno lino ishi pi nani, “Niye ikimi atughiu lau idewoni cheni, niye itehiye puzuu pavi acheke.”

HOSIYA 4:6

Iwu timiqo puhave nikeu shivae kughengu panonguno ni ikhilumoke. Nongu achinemiqono ni ikhilumoe eno ino kutsupiyekeu milive, ikehu ino nongu milive eno nongu nuliye ichinemi shi nikeu ino panoqo ikhilu move nani.

HOSIYA 4:7

“Nongu achinemi khijehi kutomo shiveni keno nonguno ishou axine alau shi cheni, ike nongu gigihupu pesu nongu kukujopu shitsu nani.

HOSIYA 5:14

Ino abongushu lakhi toi Israil lo eno Juda lo akemiqo hakuqoqhi nani. Ni ampino panoqo aleqhi shi sutha pinyiveno panoqo qhive nani. Kughou ino panoqo sunhe susu wuve nikeno khunomu pano xamla nani.

HOSIYA 7:14

Panonguye amlo tsuqhiyi ivilo khuinimoe ikemu Alhou mlla chemo kemi toi iluqino huhushi igha cheni. Panonguno athi ngo atsayi ji ghenguno inikhu aye Alhou mllachemo kemi toi pano likhi pano hethapinyi cheni; panonguye isasu kumjo acheni!

HOSIYA 8:14

“Israil lo akemiqoye akighiki shipuakhani ikemu panonguye panoqo Lhokeu kumsumavea. Juda lo akemiqono aliwo kuptu phughi shipe qhiani. Ikemu ino ami puwu puzu panoqo kighiki ngo panoqo phughiqo pitilekhave nani.”

HOSIYA 8:4

“Iwu timiqono kukami kisheluke ikemu pano kutoshino tipau shike. Panonguno sakiphemi sukusu shipe qhi ikemu ilauno pulozah lumoe. Panonguno pano likhi pano ghuzapushi shunayi ngo tsandiyi pesu ajulho shipeqhi.

ZAKINIU 32:18

Panonguno pano Lhou, akughushuu shi pano xakuluu, akuxu panoqo tsukeu Lhou kumsumave.