HOSIYA 12:9 - BAIBEL (BSI)

⁹ Ikemu, ni, nongu Lhou AMPEU khuno Ijip lono nongu sa ipeghi keno ino nongu pelo itaghi aphikilo ngokithepe nani, tiye ino timi kughunamoke-alo nongu lau ighikelo nonguno achekeu toi shi nani.

Sumi Naga CL (Re-edited) Bible (BSI)

⁹ Ni ye Egypt yeghi lonomu Ampeu o Lhou ke; tiqhetini tsalaqo lo toi I no itaghi o pelo aphiki lo ngope nani.

HOSIYA 12:9 Mawu Ofanana

BOTHUBO 25:27

Anu pamano thuwuve, Esao ye ashihalo shitsa shiuveno ashou itsu cheni shiuve, ikemu Jakob ye iqunei kemi eno akilo ache.

SAMUEL AKINIU 7:2

Tileno akukauno tungkupu Nathan vilo pi, “Niye kedar taktano shikeu kilo ngo ani, ikemu Alhou wu Puloshoqhi Bohu ye aphino shikeu kilo aphie!”

EZRA 3:4

Ayezahlo aketoi panonguno Apusholo Ngokeu pine pinyi eno atsala lo tipa tsalalo heqhi mllani keu kihitha tsukeu pesu aghashi che.

LESHELE 49:7

Timiye khilemu pa likhi pa qhuchile mlae, momu pa kuxuye kiu me keno pesu Alhou tsumlae;

LESHELE 81:10

Niye nongu Lhou AMPEU ke, Ijip yeghi lono nongu sasu ipeghikeu huke. Nongu kichi xukholo, ino nongu lojinike.

IPEKULU 20:2

“Niye AMPEU nongu Lhou ke, Ijip yeghilo nonguno aquaxemi shi achekeu lono ino nongu saipeghike.

AHOLE 30:12

Timi khamiye pano xineno kuchhube kutsula shi apulaghi mithemighei ani kepi kumsu cheni.

JEREMIYA 35:7

Pano nivilo pikeuno aki mu shi kevi momu alu namu chi kevilo eno atsayilu pighi kevi momu tipaqo qhu kevilo pike. Pano nivilo ahza tsukeuno pulhapuju aphikilo achelopike, tishianguno ninguno inami kumlhoshi achekeu yeghi hipaulo ninguye ngolu chekepu shilo pike.

JEREMIYA 5:27

Aghauhamino aqhupulo aghau supe puakeshi panongu no pukasughi keu pesu panoki shepichhi puani. Tighenguno panonguye akuka kumto shi acheni eno kinimi shi ani.

HOSIYA 11:1

AMPEU no pi, “Kughou Israil no itimi lakhi shiakeno ino pa kimiyeche, Ijip lono ino inu kulue.

HOSIYA 13:4

AMPEU no pi, “Niye nongu Lhou AMPEU ke, Ijip yeghi lono nongu saipeghikeu Lhou ke. Inguno alau nonguye kutau Lhou kuhae. Ilikhino nongu xakuluuke.

HOSIYA 2:15

Ino itaghi atsayilu li tsuchileni cheni, lino achekeu hu eno Akupuna Khila pesu lajupu hukikha lakhi shitsu nani. Lino lhothemi shiakelo, tiye lino Ijip lono ipeghike ghulokilo iputsa ketoi lino tilauno itaghi iputsa chile nani.

ACHINE 19:36

Amikucho kimighi-su, amikucho kimshi eno amikucho kimghi kighi peithalo. Niye nongu Lhou AMPEU ke eno ino Ijip lono nongu saipeghike.

ACHINE 26:13

Ni, nongu Lhou AMPEU no Ijip lono nongu saipeghike tishianguno nonguye aquaxemi shikithe pemoniyeke. Nongu sunheqhipe akeu kuka ino kubolevetsuke eno nongu pelo akutsu peqhe pesu chewulu peke.”

MICAH 6:4

Ino Ijip lono nongu sasu ipeghike; aquaxe kuxu lono ino nongu hakholuke; nongu saphe peniaye ino Muse ngo Aron eno Miriam puwutsuke.

ZEKHARIA 11:5

Panoqo pighiuno panongu ghiqhi cheni eno ghikiqhimi shou aghime tsumono wuvepe cheni. Panonguno ashi jepuzu ishi picheni; ‘AMPEU shelo! Ninguye kinimi shiluvae!’ Bheriqo kheu ghi bheriqo kimiye qhiyi keu kuhake.”

AKIKIHI 15:41

Niye nongu Lhou AMPEU ke; ino nongu Lhou shinike ghenguno Ijip lono nongu saipeghike. Niye AMPEU ke.”

John 7:2

Judamino Apusholo ngokeu Ghulhu kupunuve,