HOSIYA 12:2 - BAIBEL (BSI)

² AMPEU ye Juda lo akemiqo shou ngukukepu lakhi sughi kepu shiani; paye Israil lo akemino kishi mla itha cheni keno tipau ghenguno aghime tsuni cheni. Panoqono kiu mlapuani keno tipau ghenguno pano panoqo lochile nani.

Sumi Naga CL (Re-edited) Bible (BSI)

² Ampeu no Judah nguku ani Jacob no mla püakeu kiqi lono pa ghime nani; pa kümla kiqi lono tsüchile nani.

HOSIYA 12:2 Mawu Ofanana

KUKAMI AKINIU 17:4

Ikemu mpe lakhi loye Hosheya no aghinimi hapesu Ijip lo kukau So lau puwuno pa kuphutsulopi eno ampelo zahme Asiriyami tsuchekeu tavelopi pithi puwu. Kughou Shalmaneser no hipau chilukeno pano Hosheya kughaluveno akughukilo khathave.

LESHELE 78:36

Ikemu pano tsapiye akimki likhi; panonguno pikeu lakhimu kuchou shimoe.

YETSAPIU 5:15

Aza polono paye kishi ighi keno titoi itaghi aphi kumsa idewove cheni; kumsa ighike toi paye ime mlachekeu lono kiumu pemono a-u kumsa wove cheni.

ISAIAH 10:12

Ikemu AMPEU no pike, “Kughou Zion toghi lau eno Jerusalem lau ino kiu shitsu ani keno tipau shitave puzu Asiriya kukauno pa qhekuzashi akuchhoma shikeu ghenguno ino pa ghimeqhi nani.”

ISAIAH 10:6

Alhou mthakemi shiayeh shou ino pa puwuni, iloghu shikighide kemiqo shou ino Asiriya puwuke. Ino panoqo puwukeuye alaghilalo aniba qodaneda keshi timiqo pukaqhi, xuleqhilu peniyeke.”

ISAIAH 24:21

Tipa tsala ighikelo AMPEU no atsutsulo akeu jeli aqokitikhi kumtsu eno ayeghilo ayehkipemi kumtsu ghimeqhi nani.

ISAIAH 3:11

Ikemu alhoksamiye ahakusapue! Panoqoye avekusapu sholu nani; panonguno timi lau kiu shiche keno tipau panoqo shou shipuku nani.

ISAIAH 30:6

Hiye apeu asayeqhalo tughashi akeqo ghenguno Alhou sutsake: “Lashikamino akumsapu ghakhu kathawu eno khilehi abongushu acheni, khileno tughukupu pighi ngo yewukeu Dragon acheni keno tipa-alo wucheni. Panongu kuphumlakeu shiayeh lau agho tsunike ghenguno panonguno amekusho nhemgha pesu gadaha ngo kemel xapipe cheni.

ISAIAH 59:18

Pa ghumiqo, ayeghi putou aghikeqo namu panonguno mla puaghikeu qhemi pano aghime tsu nani.

JEREMIYA 25:31

tipau sutsaye ayeghi shekha kutolo vekuvava nanike. AMPEU no ashiayehqo shou kughakepu lakhi ani. Pano timi kumtsu shou kughajunike saghi nani eno kusakughamiye pithive nani. AMPEU no piqhiveake.’ ”

HOSIYA 2:13

Lino Baal lau axokutsungu pitikumnani ye ikumsumave keu do ghenguno eno li lojipumi hasusu wuniaye achiku achipu pepukeu ghenguno ino li ghimeqhi nani. AMPEU no pike.

HOSIYA 4:1

Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

HOSIYA 4:9

Timiqono aghime sholukeu qhemi nongu ghi aghime sholu nani! Ino nongu ghimeqhi nani, eno nonguno alhoksa shikeu lochilepe nani.

HOSIYA 7:1

“Ino Israil lo iwu timiqo shipiviniye eno panoqo pelo itaghi kinikulu shipenishi kelauye, niye panoqono kixikila kumla shikeu eno panonguno alhoksa shikeu likhi ithulu ani. Panonguno lakhino lakhi pishiqhikile; panonguno aki-xu ilo puka; eno alaghilalo heqhino suxaluke.

HOSIYA 7:11

Israil ye munamghaikeu eno kumsukulu kuhakeu miqhedu lakhi toike; liwu timiqono atughushi Ijip vilo akukuphu khu eno tipathiuye Asiriya lau pove!

HOSIYA 7:2

Niye alhoksa hipaqo kumtsu kumsuchilelu nanike pi panonguye kumsumlae; ikemu axineno panongu suhope akeu niye tipaqo ithumlavemoe.”

HOSIYA 8:10

Ikemu itehiye ino panoqo hekutsu kumqono ghimeqhi nani. Kushuwo womono Asiriya lo akukatouno panoqo qodaqhi eno panonguno sukelauno pidepukhu ihi nani.

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

HOSIYA 8:9

Israil lo akemiqoye agha gadaha toi kuthovilo puzu panoqo gho apulou lalo wuveke. Panonguye Asiriya launo akukaphu khuniye wuvae eno ashiayeh kutami pelo panoqo susho peniye piqeke.

HOSIYA 9:15

AMPEU no pi, “Panoqono alhoksa kumla shikeu kumtsu Gilgal lono huthuke. Tileno niye panoqo jumithi thuveke. Panonguno alhoksa shike ghenguno ino iyeghi lono panoqo hapheve nani. Niye hinguno alauye panoqo kimiyemo nani. Panongu sakiphemi kumtsuno imjochileke.

HOSIYA 9:9

Panonguye kutho kuzushi kusakugha shiukhavae, tiye panonguno Gibea lo shicheke toike. Alhou no panoqo xine kumsupuluveno tipau ghenguno panoqo ghimeqhi nani.

AMUS 2:4

AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

MICAH 6:2

Nongu naghutoqo, nongu ayeghi boqhaqo, AMPEU wu kughakepu akeu inijulo! AMPEU ye pawu timiqo shou kughakepu lakhi ani. Pano Israil shou ngukube kepu lakhi sughini chenike.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

Rommi 2:6

Kughengu pututano kiu mla puaghini keno tipa kiqi lono Alhou no asaxu tsuwo nani.

Galatiami 6:7

Olikhi opishiqhi kevilo; khunomu Alhou phimovemlae; timino kiu xusu keno tipau xolu nani.