HOSIYA 11:9 - BAIBEL (BSI)

⁹ Niye ixu kighide lono oghimeqhive mo nani niye itaghi Israil kutsakithemoe. Kughengu niye Alhou kethono timi kumoe. Ni, Akimtheuye osasu ani. Niye axu kighide lono olau ighimo nani.

Sumi Naga CL (Re-edited) Bible (BSI)

⁹ Ni ye I ji kumqho pephe moae; Ni ye Ephraim kütsa kithemae; kughengu Ni ye timi kumono Alhou, nongu gholo Akimtheu, Ni ye aloghu lono ighimo nani.

HOSIYA 11:9 Mawu Ofanana

SAMUEL AKINIU 20:10

Amasa ye Joab no pa-u halau azuta kihi tsuqu pesu ngo akeu kumu mthano kutokupui shimove, ikehu Joab no pa polo azutakihi pesu qhusuve tsukelono kighinoli khalacheu ijo ipeghive, akiniu pa kutu kithe mphi lono Amasa ye thive. Tishiveno Joab ngo pa thikuzuu Abishai pamaye Sheba hasusu huve.

LESHELE 46:5

Alhou ye tipa phughilo ani eno tiye khilemu shipsa mlae; inaqhe itheno pano tipau kuphunike ighi nani.

LESHELE 78:38

Ikemu Alhou ye pawu timiqo kimiye kutuke. Pano panongu xine pevetsu eno panongu kutsa pinyivemoke. Ghuthu kutomo pa xukighide eno aloghu suchile pesu ngoveke.

LESHELE 85:4

Ni xukithe tsulo! O nixakuluu Alhou, eno nilau aloqimono achekeu tavelo!

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 41:14

AMPEU no pi, “Musakevilo, kitila eno miqemileyi keu, Jakob, Israil timiqo; ino okuphu nanike. Ni, Israil Lhou akimtheu, ino oxalu chenike.

ISAIAH 41:16

Nono amlhulo elepukuve nani; amlhuno tipaqo xapuwuve nani, eno pasapaghano tipaqo kutho leve nani. Tileno nono alovi nani kughengu niye oLhou ke; nono ni Israil Lhou akimtheu sheqhe nani.

ISAIAH 48:9

“Timiqo pelo ije sheqhepe nike ghenguno, niye ixu kighide suchile pesu ani; niye tipau qhipe puani eno nongu kutsale vemo nanike.

ISAIAH 5:24

Tighenguno amilo aghiji teni pitive keshi eno ami mililo atsuni kithi piti hailove keshi nongu kuhu aghuye tsumunave nani eno nongu kupu puakeu ye amukhu shiveno fupewuve nani; kughengu nonguno Aqokitikhi MPEU, Israilmi Lhou akimtheuno nongu shikakeu miliveke.

JEREMIYA 26:3

Ishiake timiqoye initsu luvike eno pano laghi lhoksa pheve luvike. Tishiaye ino panoqo shou pano kumla lhoksa ghenguno kutsalekeu sughiniye kughuchhope ino kumsu pu akeu kilive luvike.”

JEREMIYA 30:11

“Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsaleve nani, ikemu niye nongu kutsale vemo nani. Niye nongu ghimemono puwuvemo nani; ikemu ino nongu ghimeqhi keulo aghibiu lono shi nani.”

HOSIYA 12:1

Israil lo akemiqo inaqheno putho kutolo shikeu adou likhi eno kutsakungove kepu likhike. Kichileu ngo heqhi buqhikeu kumla panoqo gholo ikowo ani. Panonguno Asiriya sasu kulashikile eno Ijip sasu lhidi lhighi shike.’

HOSIYA 14:4

AMPEU no pi, “Niye iwu timiqo ilau sachile saghini. Ino imlo kuchopu pesu panoqo kimiyeni; panoqo shou ixu ide kithemoake.

MALAKI 3:6

“Niye AMPEU ke, niye kili chemoe. Ikehu nongu, Jakob laghami qhoi puhave mphike.

AKIKIHI 23:19

Alhou ye timi kumo keke paye mikini chemoe; Paye timi lakhi kenomu pa kukumsu kiliveni chemoe; Pano kiu kiumu piqhivekeu pano shicheni; Pano pikelo tiye shive aghi cheni.

ZAKINIU 13:17

Kutsalevenikeu shi ghushovekeu nhemgha kiumu nongu gholo qhilu kevilo eno AMPEU no pa loghu idemoveno nongu kimiyeqhiyi nanike. Pano kimiyeqhiyi keu nongu tsu nani eno nongu pesu timi kutomo shitsu nanike, nongu puasuqo lau tushoqhive ketoi,

SAMUEL ATUGHIU 26:8

Abishai no David vilo pi, “Alhou no itijino oghumi kughapesu oulo phesuve tsuae. Tighenguno ipelono pa likhi pa ngupa pesu chhe khavi lono ayeghilo chheda kuqhavepelo, niye ghuthu kini chhekepu shitsumoe chhekhavi lono kutove tsunie!”