HOSIYA 11:8 - BAIBEL (BSI)

⁸ “Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

Sumi Naga CL (Re-edited) Bible (BSI)

⁸ Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

HOSIYA 11:8 Mawu Ofanana

BOTHUBO 14:8

Tile Sodom ngo Gomora ngo Adam ngo Tseboim eno Bela lo kukami akeqono aghu shinike Sidim qhalo wo kumqo ngo puzu

SAMUEL AKINIU 24:16

Kughou AMPEU wu kungumino Jerusalem ghi shipsave tsuniye kuto akelono AMPEU no timiqo ghimeqhi akeu lono pa mlo kiliveno kungumi panongu heqhi pithi akeu vilo ishi pive, “Tavelo! Ti kughomae!” Tile kungumi huye Arauna, Jebusimi niqalo ngoveke.

KUKAMI ATUGHIU 3:26

Tileno aza kuchouye li mulolo ighono li nu kimiyekeu ave eno lino pi, “Akijeu, kimiyeno ghiqhi tsukevilo! li tsuvelo!” Ikemu atopuu lakhiuye ishi pi, “Ikujo khuu khuumu tsukevino anu xuakeu xapho kini shive tsulo.”

KUKAMI AKINIU 13:23

ikemu AMPEU no panongu lau kimiye eno kupukeu ache. Panongu pelono puhavepeni keu pano pulomoe tighenguno panongu kuphutsu, tiye pano puloshoqhi Abraham, Isak eno Jakob lau shipe puakehu paye khilemu pawu timiqo kumsumavemoe.

YEKIKITHI AKINIU 36:15

AMPEU, panoqo puasu Lhou no pawu timiqo lau kutughutsu penike tungkupmi puwu ache, kughengu pano Achineki ngo timiqo puxu puatsu niyeke.

LESHELE 106:45

Panoqo ghenguno pawu puloshoqhi kumsuchilelu, eno pawu kikimiye kije akeu lono pa mlo ighiveche.

ISAIAH 16:11

Niye Muab ghenguno amloksa shi ighake, Kir Heres ghenguno amlo kughuju shike.

ISAIAH 63:15

AMPEU, kungugha khile akimthe eno ojukuvulo nono achenikeno tilano nishou jupukutsulo. Nighenguno nono shishe alokumsu shikeu khile ani kya? Okukaye khile ani kya? Okikimiye eno omlo ighiqhiyikeu khile ani kya? Nijupichi kevilo!

JEREMIYA 18:8

ashiayeh tipauno alhoksa kudauno tsughusu wuve aye ino kiu shini pipuakeno niye shimove nani.

JEREMIYA 3:12

Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.

JEREMIYA 42:10

‘Nonguno aghakhu hipaulo xu achenishi aye ino nongu xaqhepuku nani eno nongu tuleqhivemo nani; ino nongu shosu nani eno nongu nhuvemoke. Ino nongu shou kutsakungo keu sughikeuno imlo ghime kije shivetsuake.

JEREMIYA 9:6

Panonguye heqhi buqhikeu lakhino lakhi papesu shi acheni, eno pishikiqhi lakhino lakhi papesu shi acheni.

JEREMIYA 9:7

Tighenguno Aqokitikhi MPEU no pi ani, “Ayi toi ino iwu timiqo ghukimtheve nani eno panoqoye pejukeulo qhi nani. Iwu timiqono alhoksa shivae, niye panoqo shou kiu shikepu kya?

AKUMLO 1:20

“O AMPEU, imlo ghujushi akeu jutsulo, imlo kusashi akeu jutsulo! Ino hebidekeu xine shike ghenguno imlo ipopinyive ake. Alaghilalo ghiqhile ani eno aki sholokuu ghi akithipu ani.

AKUMLO 3:32

Pano nishou amlokusapu sughiluvi ikemu pano nikimiye chekeuye mutsuqheino mutotoi ani.

AKUMLO 3:33

Kughengu paye ithithaino ni ghimeve chemo momu timiqo mlo shikighishi vetsu chemoe.

EZEKEL 33:11

Panoqo vilo pilo ike kuchouno niye xuakeu Lhou ke ghenguno niye axinemi lakhi thikeulo aghaqi chemoe. Niye pa pelo axine lono tave penishike eno xuluve penishike. Israil, nonguno alhoksa shiakeu tavelo. Nonguye kushiye thiani kya?

EZEKEL 6:9

tilau panonguye hapupove kemiqo shi xuche nani. Tilauno panonguno ikumsu chilelu nani eno ino panoqo ghimeqhi eno shikukujoqhi kepi ithi nani, tiye kutau kumono panonguno akupulu kuhakeu mlo xapusu iqhiveke eno inguno asu-atu julho paviuve kehue. Panonguye pano shou angaghaive nani kughengu panonguno alhoksa ngo niqhunilai keu jeli shiveke.

HOSIYA 6:4

Ikemu AMPEU no pi, “Israil ngo Juda okujo, niye okujo pesu kiu shive tsulopi kya? Nonguno ikimiye chekeuye inaqhe akimhi toi pai hauve cheni; tiye atsuzuno inaqheno hauvekeu toike.

HOSIYA 7:1

“Ino Israil lo iwu timiqo shipiviniye eno panoqo pelo itaghi kinikulu shipenishi kelauye, niye panoqono kixikila kumla shikeu eno panonguno alhoksa shikeu likhi ithulu ani. Panonguno lakhino lakhi pishiqhikile; panonguno aki-xu ilo puka; eno alaghilalo heqhino suxaluke.

AMUS 4:11

“Ino Sodom ngo Gomora phughi kutsave ketoi ino nongu gholo khami kutsave. Nongu khunoqomi puxupuaghi keno tipaqoye ami lono amisu puxupheluke toike. Tishi keghi nonguye ilau xaidechile ighimoe,” ipi AMPEU no pi.

AMUS 7:3

AMPEU no pano kumsupu akeu kiliveno ishi pi, “Nono kiu ithulu akeno tipauye shipemo ake.”

AMUS 7:6

AMPEU no pano kumsupu akeu itaghi kilive eno ishi pi, “Hipau ghi shipemo ake.”

MICAH 5:3

Tighenguno khuuno punu niye anikeno tipauno anu punu moke kutolo AMPEU no pawu timiqo pano ghumi lau phesuvetsu nani. Tileno pano ghakhu lono halepheve akeqono pano timiqo gholo kumqo kitheluve nani.

ZEFANIA 2:9

Niye mutsuqheyino Israil Lhou ke ghengu Muab ngo Amun ye Sodom ngo Gomora toi kutsaleve nani. Tipaqoye amti kuchhukhuki shive nani eno alhokupuju tishi ixapinyi auve nani eno alupino qunhave nani. Iwu timi khunoqo puxu puaghini keno tipanoqo xulepuwuve nani eno panoqo yeghi luve nani.”

MATTHEW 23:37

“O Jerusalem, Jerusalem! nono tungkupumi pithivetsu eno aghinimi olau puwukeqo atupesu veqhivetsuke! Awuquno achishibo qholo litiqo vakutsulu keshi ghuthu khijejehi niye owu timiqo ilau hekutsulu nishi acheni kya?

ZAKINIU 29:22

“Ighini keu tiqhelilo nopolo kughukomi ngo inaghamino ala kushuwalo ayeghi akeqo lono AMPEU no noyeghi shou kutsakungo eno aghime sughikeu ithulu nani.

ZAKINIU 29:23

Aluzaqoye asutsuni kuhano thoqhaleive nani amichu ngo amtino nhaluve nani; kiumu shosumo nani, alupi ghi ipeghimo nani. Noyeghiye Sodom ngo Gomora eno Adma ngo Zeboim phughiqo toive nani, tipaqoye AMPEU no Pa loghu kighide lono kutsaleveke.

ZAKINIU 32:36

AMPEU no pawu timiqo xaphelu nani tiye pano kuka kuhave keu pano ithulu kethiuno. Paqe chekemi shou pano amlo ighiqhiyi keu anani; tiye panoqoye akukuphu kuhakeu pano ithulu kethiuno.

2 Peter 2:6

Alhou no Sodom ngo Gomora phughi pesu ayevu kughulhove eno panoqo puhavetsu eno Alhou phimokemi lau kichekipiye shipe puavetsu.

Jude 1:7

Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.

Piyeküsü 11:8

eno pama sukumoye aphughi khilehino panongu Mpeu yedapithive keno tipau laghilalo anani. Aphughi tipauye aholetsauye Sodom momu Ijip.

Piyeküsü 18:18

eno li pitikeu michhi phoipeghikeu panonguno ithulukelo kumtsu no ighamuku pi: “Aphughi kutau lakhimu aphughi kije hipau toikeu kuha aphike!”

XAKUTHAMI 10:16

Ikehu panonguno tusumi lhouqo ikhipeveno AMPEU mllathuve; eno pa ghi Israilmiqo ghime ghenguno pa mlo imeve.