HOSIYA 11:6 - BAIBEL (BSI)

⁶ Aghukishino pano phughi jole ighi nani eno aphughi kikha kuboleqhivetsu nani. Tipauno iwu timiqo kutsale nani kughengu panonguno akiviukepi kumsulu keu likhi shi cheni.

Sumi Naga CL (Re-edited) Bible (BSI)

⁶ Azütakikihi no pano mishighüna jole nani, pano khagho lo aküptasüqo kuboleve tsü nani, eno panow lapiyemi ghenguno pano kütsave nani.

HOSIYA 11:6 Mawu Ofanana

LESHELE 106:39

Panongu kumla kughuthano pano likhi pano shipixiveno Alhou lau amikucho kumove.

LESHELE 106:43

Ghuthu kutomo AMPEU no pawu timiqo xaphelue ikemu panonguno pa hebide nikeu kisheluno axinelo thonhei ilokitheke.

ISAIAH 18:5

Atsayithi xomphi lo kughou akupu ighiqiveni keno eno atsayithi ni ipeche kelono aghumino Sudanmi kutsave nani, tiye azutachino atsayibo lono mulalei aloka michelukeu toi nani.

ISAIAH 27:10

Aliwo shipepuakeu phughiye ixapiniyi ani. Hiye timi kughunamove keu-a toi qhivae. Hiye amshino akulhoqhi puzu achukumza qha shiauvae.

ISAIAH 30:1

AMPEU no piveake; “Khunoqono Juda lo ayehpe cheni keno ahaksapuke, kughengu panonguno ihebideke. Panonguno ino shimokeu kukughu papewu cheni eno axine lakhino lakhi shou heqabeghi panonguno ino pulosutsumo amu kulakishi shi acheni.

ISAIAH 9:14

Ghulo lakhi lono AMPEU no Israil lo sakiphemi ngo tilehi timiqo ghimeqhi nani; pano panoqo kutsu ngo ashomhi miche vetsu nani.

JEREMIYA 5:17

Panonguno nowu axa ipeghikeu eno nochuqupu tsakhavetsu nani; no tianuli kiptimi totimi jeli ghiqhivetsu nani. Panonguno nomishi loji eno bheri loji ghiqhile nani eno no-tsayibo ngo khughuthibo shipusave tsu nani. Nophughiqo aliwo putupuakeu nongu no pukhu achekeu hu panowu ghushimi lojino kutsaleve nani.

JEREMIYA 50:35

AMPEU no pi, Timiqo lau ngo ayehkipemi lau eno alokutsumi lau akithipuke.

AKUMLO 2:9

Putukhakeu hukikhaqoye atenino venhape ani; tipaqo khaduye hechhe pinyive. Itehiye kukami ngo kijemi ye kupokichelo ani. Ayezahye shikapiye chemovae eno tungkupmiye AMPEU launo kungunhetsu kuhavae.

EZEKEL 20:47

Apeu akeu ghasu vilo Akughushu MPEU no kiu piani keno tipau pesu pilo: Julo! Ino ami lakhi shi ani eno tipauno okudau asubo khije ani keno kumtsu pitileve nani, akuxu na akithi subo shiaghi pinamu, khunomu tipau ghapinhe mla nanike. Tipauye apeu ahuu kudau qhawo nani eno thwokha kumtsuno amimili shukuthui keu ithi nani.

HOSIYA 10:14

aghukishino nowu timiqo shou ighi nani eno nonguno aliwo putukeu kumtsu kutsaleve nani. Tiye kughou akukau Shalman no aghushi lono Betharbel phughi kutsale puzu aza ngo atianuli chineqhi pithive keu tsala toi nani.

HOSIYA 10:6

Ajulho shisukeu huye asuqha kumlhoshi pesu Asiriya lo akukatou lau xapuwuve nani. Israil ye shikukujove nani eno kujomzaqhive nani, kughengu mijetsukeulo lino papewuveke.

HOSIYA 13:16

Samaria no ishou hebideke ghenguno aghime tsumasae. Tilehi timi akeqoye aghukishi lono thi nani; anga kughunuqoye ayeghilo vedaqhi pithi nani eno mishipu aghikemi po ghilevetsu nani.”

HOSIYA 4:16

Israil lo akemiqoye gadahatsu toi kuthoviloke. Niye kishi puzu atsuni kiviqalo bheritiqo toi panoqo lojiluni kya?

HOSIYA 4:17

Israil lo akemiqoye ajulho shisukeuno shikughuzu pesu ani, panoqo pelo pano ghoshi wuve pelo.

ACHINE 26:25

Ningu puloshoqhi shikeu hexavekeu ghenguno nongu ghimeqhinike ino nongu shou aghukishi sughi nani eno susholunike nophughilo nonguno kumqo aye, shipivi mlakeu kusukini ino nongu gholo puwu nani eno nonguye aghumi lau qhoi phesuve masa putsakeu shivepe nani.

ACHINE 26:31

ino nophughiqo xalepinivetsu nani, nonguno mllachekeu a kutsalevetsu eno nonguno aghashikeu ikhilutsumo nanike.

ACHINE 26:33

Ino nongu shou aghukishi sughi nani eno inaghami yeghilo nongu hapiyepighive nani. Noghakhuye yenguyeleive nani eno nophughiqoye ixapiniyi qhive nani.

AMUS 6:8

Alhou, Aqokitikhi AMPEU no tsaqui piputo akeu lakhi tsuani: “Niye Israil lo akemiqo qhekuza jumithike; niye panoqono amekusho shi aki kuloghi shipuakeu junishimoe. Panoqo phughi atou eno tilehi aghikeu kumtsu pesu ino aghumi tsuve nani.”

MICAH 5:11

Ino noyeghilo aphughiqo kutsavetsu nani eno nonguno susho nike mlapuakeu kumtsu tulevetsu nani.

MALAKI 4:1

Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

ZAKINIU 28:52

Panonguno AMPEU Alhou no nongu tsuakeu yeghilo taun akeqo kumtsu leighi nani eno nonguno pukhupe akeu aliwo qhemghai putu puakeqo kumtsu ikiqive nani.

ZAKINIU 32:25

Aghukishino alaghilalo akithi sughi nani; akiboqolo thughuive keuno pughuqhi nani. Lhothe pumi lhothe limiye thive nani anga kughunu ngo kitekusu mu ghumo nani.