HOSIYA 11:2 - BAIBEL (BSI)

² Ikemu ino khije alau pa kukeno, tijejehi paye ilauno tsughusuwuve. Iwu timiqono Baal lau lhoxu heqhipe mlla; panonguno ajulho shisukeu lau tsungqui keu ta pitikumna.

Sumi Naga CL (Re-edited) Bible (BSI)

² Khijehi panoqo ku keno tijehi panongu no putosülo wuve; panongu no Baalqo lau aghashi eno ajulhoqo lau piti mllauve.

HOSIYA 11:2 Mawu Ofanana

KUKAMI ATUGHIU 12:33

Aqhi akutacheulo atsala chighi punguni lo pano kughuphetsu keu, pa ghi Bethel lo wuno amshitsu pano mlakeu akumllagho tsu, Israilmi pelo pinyi chepe niye pano huthu phetsukeuke.

KUKAMI ATUGHIU 18:19

Itehi Israilmi kumtsu Karmel to lono isasu kusholu penike ahza shilo. Baal tungkupumi 450 khikhi kukaliu Jezebel no saphu acheni keno kumtsu sasu ighilo.”

NEHEMIA 9:30

Ampe atsutsulo nono kheakulu shi panongu kutughu cheke. Nono owu tungkupmi lolo muzusutsuno pipecheke, ikemu owu timiqoye akini ipoke, tighenguno nono kutami shiyeh pelo panoqo leluve peke.

ISAIAH 65:7

Panonguno tughachine naghutolo tsungquikeu ta piti kumna cheni eno ilhoksa picheni. Tighenguno wovekeulo panonguno mlapuakeu qhemi niye panoqo ghimeqhi nani.”

JEREMIYA 18:15

Ikeghi iwu timiqoye ikumsumave ani; panonguno asu atu julho lau tsungqui keu pitikumna cheni. Panonguye wukepushi akeu lalo kupuxalu ani, panonguye puzuu laghilo che chemovae. Panonguye alaghila lo kumono lavelalo wuveake,

JEREMIYA 35:13

“Ni, AMPEU no nongu vilo iniju anike nonguye kushiye itsa inimopi eno ino akukutsu tsukeu papemo pikya?

JEREMIYA 44:5

Ikemu nonguno initsumoe momu amlo tsuqhiyikeu kuhae. Nonguye nonguno kutau lhouqo lau aghashi keu yeh lhoksa hu phevemoke.

HOSIYA 11:7

Panonguno tsumomo ilauno tsughusu wuve nikeu shi acheni. Kuokhasu panoqo shou akeu ghenguno panonguno ighamuku igha nani ikemu khunomu tipau peqheluvetsumo nani.”

HOSIYA 2:13

Lino Baal lau axokutsungu pitikumnani ye ikumsumave keu do ghenguno eno li lojipumi hasusu wuniaye achiku achipu pepukeu ghenguno ino li ghimeqhi nani. AMPEU no pike.

HOSIYA 4:13

Naghuto kutsuqalo achine-alo panonguno lhoxu heqhipe mlla cheni eno atoghilo chuqumughai eno sukhosuzai keu suboqo qholo panonguno tsungquikeu ta pitikumna cheni kughengu asubo kicheqholo aloponyi kehuke! “Tishikeu lono nonga noqoye kutuqhalimi shi peithauve eno nomukishiu noqono salhake.

HOSIYA 4:17

Israil lo akemiqoye ajulho shisukeuno shikughuzu pesu ani, panoqo pelo pano ghoshi wuve pelo.

ZEKHARIA 1:4

Nongu puasuqo toi shikevilo. Khaghilo tungkupumino panoqo vilo hinguno hilauye alhoksa kuxu eno axine shikeu kuxu xukevilo pi itsape pesu panoqo tsuke ikemu panonguno itsa inimoe eno igholumoke.

ZEKHARIA 7:11

“Ikemu iwu timiqono initsumoniye tsatsayi auve. Panongu kukumsu xukhomove eno inimoniaye panongu kini kiyikhaluve.

Luke 13:34

“O Jerusalem, Jerusalem! Alhou no olau tungkupmi puwukeu pithive, aghinikishimi olau puwu kemi atu pe veqhive! Awuquno achisibo qholo ati vakutsuke toi niye ghuthu kutomo i-u pe owu timiqo vapeni shi cheke ikemu nonguno ipelo tishi pemoe!

John 3:19

Kughakutha ye hike: ayeghiqhalo akuvu ighivae, ikemu timiqono akuvu kimiyekepuno akuzu kimiyeve, kughengu panonguno kusakugha kumla shikehue.

Apostolmi 7:51

“Nongu aghekulukumomi, amlolo kusakugha eno Alhou sutsa chikumlamiqo. Nonguye nongu puasuqo toi kena, nongu ghi pulhapuju Aghungu Kimthe mujochile cheni.

XAKUTHAMI 10:6

Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.

XAKUTHAMI 2:13

Panongu ye AMPEU mllamove eno Baal ngo Ashtar lhouqo mllau khave.

XAKUTHAMI 3:7

Israilmiye AMPEU panongu Lhou kumsumaveno pa lau axine shive puzu Baal eno Ashera lhou mllauve.