HOSIYA 11:10 - BAIBEL (BSI)

¹⁰ “Kughou ino abongushu lakhi toi iwu timiqo ghumi lau ighani keno panonguno ipape nani. Panonguno kulolauno keyi ilau ighi nani.

Sumi Naga CL (Re-edited) Bible (BSI)

¹⁰ Panoqo no Ampeu pape nani; Pa no abongshuu toi igha nani; kughou Pa no ighani keno, pa tianuliqo no khokhoshi kulolau no ighi nani;

HOSIYA 11:10 Mawu Ofanana

JOB 37:1

Tishikelo imlo no kukushive no tipa alono amlo mpani keshive.

LESHELE 119:120

Iphi ishino omsa kelauno khokhoshike; owu kughakutha ghenguno musakeuno ichhitoi ani.

LESHELE 2:11

Musa-ighu ghi AMPEU qelo;

ISAIAH 11:11

Tipa tsala ighikelo, AMPEU no ghuthu akiniu ghi pa kuka peitha puzu pawu timiqo ayeghi hipaqolo qhivepuaghi keqo sachilesaghi nani: Asiriya, Ijip, Pathro, Sudan, Elam, Babilon, Hamat lo ngo zudo yeghiqolo eno azu sumxape akeqo yeghilo.

ISAIAH 2:5

O Jakob laghamiqo, AMPEU no akuvu ningu tsupuakeulo checheni nolo!

ISAIAH 31:4

AMPEU no ivilo pi, “Akheuno kiwala papushi chho chhoshi hakho anamu abongushu lakhino lhoxu lakhi tsupesu akeu hakholu chemoke; tihutoi ni Aqokitikhi MPEU no Zion Toghi sushope akeu lono kiunomu ihapupove mla nani.

ISAIAH 42:13

AMPEU no aghutomi lakhi toi aghu shinike wuke; paye aghushi nike kutokupui eno khekulhoshi ani. Pano aghule kuke, aghushi ghugha ighake; pa ghumi shou pa kuka kumto pepheke.

ISAIAH 49:10

Panonguye khilemu muzuthi tughuthimo nani. Tsukinhe ngo asayeqha kushuno panoqo shipusamo nani, kughengu panoqo kimiye kicheuno pano ngu tughushi sawu nanike. Pano panoqo azupukilo sawu nani.”

ISAIAH 64:2

Tipanoqoye ami kushu shou azu muqho akeshi itha nani. Ighilo eno oghumi lau okuka pephepiyelo eno ozulo ashiayehqo pelo khokhoshi musave pelo!

ISAIAH 66:2

Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

ISAIAH 66:5

AMPEU no kiu piani keno tipau inilo, nongu pa sumsa eno pa gholu chekemiqo: “Nonguno ilau amikucho shi xuachenike ghenguno nowu timi khamiye nongu mithi cheni eno pano gholo nongu sasumove cheni. Panonguno nongu thaighaghi pi, ‘AMPEU no pa jekipi piyepelo eno oxaluju pelo tishianguno nonguno alokivishi aghikeu nino junike!’ Ikemu panoqouno kujomzave nanike!

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

JEREMIYA 25:30

“No Jeremiya ye ino pivekeu kumtsu pesu asheshu masa. Noye timi hipaqo vilo ishi pilo, ‘AMPEU no kungugha kudauno ighamuku ani eno kungugha kuchuqu lono tsutsu su nani. Pano pawu timiqo shou ighapuku nani; paye timi lakhi atsayithi qole akelo toi ighamuku nani. Ayeghi shou akemi kumtsu tipau chilu nani.

JEREMIYA 31:9

Iwu timiqoye qasusu ideighi nani, ino panoqo sachile wochekelo inikhu ghi ighi nani. Aghokiti kudau ino panoqo kichepiye nani, panoqo pelo kupuxalumo kepu alaghi kumdulo sawu nani. Niye Israil lau apuh lakhi toike, eno Efraim ye inu akichiuke.”

JEREMIYA 33:9

Jerusalem ye ilau alokivi, agigihupu eno akijivilo kepu puki shive nani; eno ino Jerusalem lo akemi qo lau akivipu jeliqo shikeu ngo aphughilo ino kinikulu shilupekeu ayeghiqhalo ashiayeh kumtsuno chilu puzu panonguye musa ighuve nani.”

JEREMIYA 5:22

Niye AMPEU ke, nonguye kushiye isumsamo kya? Kushiye izulo msakhokho shimo kya? Ino azughi ghenguno alughi shipenike asaye qhitsuke ike tipau kathamlake. Azughino kucho ikuluvi ke tipau nguno alaulo wumlake. Azu kukuchono ighaluvi ikemu tipaqo veche wumlake.

JEREMIYA 50:4

AMPEU no pi, “Kughono tipa ghuloki ighini keno Israil ngo Juda kumalo kuamiqono qasusu ni panoqo Lhou phususu ighi nani.

JEREMIYA 7:6

Tusumi ngo mighimgha eno chimemiqo shou akumou shikevilo. Ayeghi hipaulo kiumu shipuamokemi ghiqhi kevilo. Kutau lhouqo mllakevilo kughengu tipauno nongu kutsave nanike.

JEREMIYA 7:9

Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

EZEKEL 26:16

Tileno azughilo kukapumi shiachekeqo kumtsuno pano kuka lakhu lono aqhou iqi nani. Panonguno akuuphi ngo ayeh shipukukeu phimini xave puzu musa khokhoshi ayeghilo iqa nani. No kughape kishive keno tipauno panoqo shithughuive puzu panonguye musa khokhoshi keu tamlave nani.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

JOYIL 3:16

Zion Toghi lono AMPEU no igha; Jerusalem lono pa sutsa tsutsukusu toi pike; ayeghi ngo atsutsuno khokhoshike. Ikemu pano pawu timiqo susholu nani.

AMUS 1:2

Amus no pi, “AMPEU no Zion lono igha, Jerusalem lo pa sutsano tsutsu kusu toike. Bherikhemino achukumza chekeu ighuyive, Karmel Toghilo Atsunino hughaive.”

AMUS 3:4

Abongushuye pano tsuqhilu keu phumla keloye aghasulo ighani kesha? Abongushu alhotheye kiula tsuqulumo keloye pa kungo-alo hu-hushi ighani kesha?

AMUS 3:8

Kughou abongushuno ighani keno khuno musamove kulupu kya? Kughou AMPEU Alhou no pikeno khuno pa tsape asheshumove kulupu kya?

MICAH 4:5

Ashiayeh pututano pano lhou mlla cheni eno tipau ghokulu shi acheni, ikemu ninguye alhokupuju kutolo AMPEU niLhou mlla eno qhoqhu nani.

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

ZEKHARIA 10:10

Ijip ngo Asiriya lono ino panongu phuyinalo saghi nani eno pano ghakhulo panoqo pelo ngolupe nani. Gilead ngo Libanon loghi ino panoqo pelo ngope nani; aghakhu kumtsulo timino chhitoive nani.

ZEKHARIA 10:12

Ino iwu timiqo shikumtope mutotoi nani eno panonguno imlla eno igholu nani.” AMPEU no piqhiveake.

ZEKHARIA 8:7

Iwu timiqo kipela yeghi eno kulola yeghi lono ino xachile saghi nani,

John 8:12

Jisu no itaghi timiqo vilo pi, “Niye ayeghilomi kuvue. Timi khuuno ipapeni keno akuzulo chechemo nani ikemu akuxupu kuvu anani.”

Apostolmi 24:25

Kughou Paul no amikucho, kikhikighi, eno kughakutha tsala ighinikeu vehu apasu shi lhewo keno Feliks ye thughuyive eno Paul vilo pi, “Itehiye palokutove aghilo, kughono adokivi ithuluni keno ino okupuwuni.”

Rommi 8:1

Tighenguno khunoqono Jisu Khristo gholo xuani keno itehi panonguye Alhou no levemoe.

2 Peter 2:10

eno tiye akhotoshi khunono pano shiajilo mithekumo ngosukumla lhoksapu shi cheni eno Alhou no ayehkipe tsukeu mithichekemi shou anani. Kichile kukutsumiqoye tsatsayi agho agho shi cheni eno akimthe jukuvu pepukemi pipusa nikeulo musaighu keu kuhae.

Piyeküsü 10:3

abongushu ghugha toikeu sutsa lono vekipighi ighae. Pano ighave kethiu tsutsukusu tsunino ighae.