HOSIYA 10:5 - BAIBEL (BSI)

⁵ Samaria phughilo kughuna akemiqoye musaichive nani eno Bethel lo shunayino shikeu mishitsu puhavekeu ghenguno mloqa nani. Timiqo ngo achinemi khunoqo ajulho tipau qecheni keno tipau ghenguno qa nani. Kughono tipau shunayi jukighilepu shi akeu xavetsuni keno panonguye ihu-igha qa nani.

Sumi Naga CL (Re-edited) Bible (BSI)

⁵ Beth-aven mishitsü julho ghenguno Samaria lo küxümi ye khokhoshi ani. Tilehi timi eno achinemi ghi tighenguno mloqa ani, panoqo no tipau jekipipu shou alovi acheke tipau ye panoqo launo wuvae.

HOSIYA 10:5 Mawu Ofanana

KUKAMI AKINIU 10:29

Ikemu pa ghi akukau Jeroboam, Nebat nu khuuno Israilmi sasu axine lo iloveno shunano shikeu mishitsu kini mlape Bethel lo eno Dan lo qhino mllauve ketoive.

KUKAMI AKINIU 17:16

Panonguno AMPEU panongu Lhou yehza kumtsu hephoveno ayino amshitsu julho ghi shisupe qhi, ayepuqo mlla eno Baal lhou mllaukhave.

KUKAMI AKINIU 23:5

Pano Juda lo kukamiqono achinemi sukusu shipuaghikeqo panongu kumla lono ikhivetsu eno Juda phughilo eno Jerusalem hokumxa lo akumllagho shipesu Baal, tsukinhe, aqhi, ayepu ayesu tsuchekeu kumtsu ikhipevetsu.

YEKIKITHI AKINIU 11:15

Jeroboam no pawu timi pesu achinemi shipenike susu tiye inapugha chine kumlla alo mla peniyeke eno pano amshitsu koghe shipe qhitsu puzu tughami ngo ajulho mllape niyeke.

YEKIKITHI AKINIU 13:8

Itehi nonguye AMPEU no David laghami lau tsuve keu kuka shou aghushini keu kimji shipe ani. Nonguye ghushimi kumzapu ani eno Jeroboam no nongu lhou shipenike mlatsu keu shuna mishitsuqo nongu gholo anike.

ISAIAH 46:2

Ajulhoqoye pano likhi pano xamlake; panoqo tsuquluveno pusu wuve nani. Babilon lhouqoye hitoi ashekha shive nani!

HOSIYA 13:2

Panonguno mllanike ayi pesu ajulho shikeu lono axine shi acheni, timi kukumsu lono tsandiyi pesu ajulho kutshakughashi shikeu eno timi uno mlakeu! Tishi puzu panonguno pi, “Lhoxu heqhipe tipaqo mllalo!” Kishi puzu timino ajulho shisukeu, amshitsu julho kimihi lono shikeu muma cheni kela!

HOSIYA 4:15

“Nongu Israilmino ilau pichebemla keu shiaghie pinamu, Juda pelo tipaphi shi kuqupe kevilo. Gilgal momu Bethel lo mllawu kevilo momu tilau akuxupu AMPEU jelono ashoqhi shikevilo.

HOSIYA 5:8

Gibea lo afuko kuyighalo! Rama lo kutughukeu sutsa shilo! Bethel lo aghule kulo! Aghulo wulo, Benjamin lo timiqo!

HOSIYA 9:1

Israil lo akemiqo, ashiayeh kutamiqo toi ahukulushi tiqhetini shi akevilo. Nonguye nongu Lhou launo tsughusu wuvae eno pa lau amikucho kumo shiauvae. Kusalhami toi aghakhuqha kumtsulo nonguye Baal lhou lau nolikhi no-jesuvae eno pano athi pesu ame shi-ghi nongu tsukepi nonguno kumsuchekeu alokutu acheni!

HOSIYA 9:11

Israil no kije shiakeu huye aghau toi yewuve nani eno panoqo gholo atianuli punumove nani, totimi mishipukemi kuha nani eno atianuli mishimove nani.

AMUS 3:14

“Kughou ino Israilmino axine shikeu ghenguno panoqo ghimeqhi nikeno, tipa tsala lono ino Bethel lo akumllagho kiptiaqo kutsaleve nani. Akumllagho kiptia kumtsulo tsuqupe kepu ichushei ipeghi akeqoye ipopinive nani eno ayeghilo iluqikhave nani.

ZEFANIA 1:4

“Ino Jerusalem lo akemi ngo Juda lo akemi kumtsu ghimeqhi nani. Tilehi Baal mllakeu jeli khije aghini keno ashekhau kutolo ino kutsaleve nani eno khunomu asu-atu chinemi tipau qechekemi kumsuchilelu pemo nani.

Apostolmi 19:27

Ike shikusapu lakhi hi ani kene, ninguno lhidi shichekeu hipau ajekusa sholunikeu likhi kumo puzu alhou-liu akijeu Artemido chineki hu kumu kihisumoveni cheni, eno Asia yeghilo timi kumtsuno mllachekeu eno ayeghiqhano mllachekeu lhou-liu jekipi hughi shipuhavetsuni chenie.”

JOSHUA 7:2

Joshua no Jerikho lono timi khami Bethaven kupunulo Bethel kipelau aphughi lakhi Ai phu pujuu penike puwu. Panonguno juveke thiu,

XAKUTHAMI 18:24

Mika no khochile, “Noye kushiye ‘kiu shive kya?’ nonguno iwu achineu eno ino alhou mlape qhipu akeu ikhipesu wukhaveno ighenguno kumu qhitsumoe.”