HOSIYA 10:12 - BAIBEL (BSI)

¹² Ino pi, ‘Nosala ayeghi kithe hokidelo, amikucho shosulo eno nonguno ilau amlo tsuqhiyikeu huno kukumgha xakulupu shilo. Itehi nonguye ni, nongu AMPEU lau xaideghi kepu ghuloki shivae, ino ighi puzu nongu shou kukumgha lepukutsu nani.’

Sumi Naga CL (Re-edited) Bible (BSI)

¹² Nongu sala amikucho xusülo; iqemokeu kikimiye xolulo; chimokeu yeghi hokide lo, kughengu itehi ye Ampeu phu kepu doke, Pa no ighi no achipiu mikucho nongu shou ghuqhitsü nani.

HOSIYA 10:12 Mawu Ofanana

LESHELE 105:4

AMPEU lau wupuzu kuphupelo eno tamono pa mllalo.

LESHELE 72:6

Akukauye aluzalo tsutsughu ighike toi shipelo, ayeghi shou ghuqhi puku akehu toi shipelo.

AHOLE 11:18

Kixikilamiye ajume ghi pishikiqhi qelu cheni ikemu nono achipiu shiaye asaxu kuchou ithulu nani.

AHOLE 18:21

Nono pivekeu tsano puxuluvi momu kutsaveluvike; ike nono piqhive keu tsano kiu sughini keno tipau ikhilumasa nani.

YETSAPIU 11:6

Inakijili noye apiti yisu alo kughengu kumtsu akivishi thuwuni cheni mala mthake, kutau yisukeu pavi aghiluvike.

ISAIAH 30:23

Kugho kughomu nonguno apiti yisu kelo AMPEU no tsutsughu puwutsu nani eno tipaqo pelo thuwu pe nani tishianguno kinikulushi ghile hulupe nani eno nongu mishiqono muzakepu lukumkhashi alupe nani.

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 32:20

Nongu azu kutomo akeu phivilo axa yisu kemiqo lokivipuke eno gadaha ngo amshiqo ghenguno aqha kumtsulo achu kumzapu akivi anani.

ISAIAH 44:3

“Tughuthi akeu yeghi ino azu leqhi tsu nani eno qhaike yeghi shou aghoki qowupe nani. Otianuliqo shou ino ikuka lepuku nani eno olaghamiqo shou ikukumgha lepuku nani.

ISAIAH 45:8

Tsughuqhi akeshi atsutsu lono ino tokulu piqitsu cheni; ayeghino tipau lunike lhaphe nani eno ililai khaqhikeu ngo amikucho xakutha puipeghi nani. Ni, AMPEU no hipau shipe nanike.

ISAIAH 48:18

“Nonguye ino ahza tsukeu chiluke aye nongu ghenguno kukumghano aghoki khilemu qopuhamla keshi qoighini cheke! Azu fukukuchono azu mukulo kuzu susu ighikeshi tokulupu nongu lau ighini cheke.

ISAIAH 5:6

Tipaulo alupino ghonhaluve peni. Niye atsayibo kixiphemoveni momu ayeghi holemoveni; tishinike zuqhulo aghusahu ngo asahubo pelo tipau nhaluvepeni. Ino khungkusu pelo tipaulo tsutsughu ghuqhi pemonike lakhaveni.”

ISAIAH 54:14

Kuchou xakutha ngo achipiu pesu nongu mutotoi shitsu nani. Shikumsakeu, qodaqhikeu lono nongu xaluve nani.

ISAIAH 55:6

AMPEU phuighilo, pa phulukepushi ake lono pano kupunu aphilono pa kuluvelo.

JEREMIYA 50:4

AMPEU no pi, “Kughono tipa ghuloki ighini keno Israil ngo Juda kumalo kuamiqono qasusu ni panoqo Lhou phususu ighi nani.

EZEKEL 34:26

“Ino panoqo kumghatsu nani eno panoqo pelo iwu akimthe toghi sumxa xupe nani. Tilauno ino tsutsughu ghuqhitsu puzu panoqo kumghatsuni, kugho kughomu panonguno tipau avehupu shikelo ino tsunike.

HOSIYA 12:6

Ike itehiye nongu Jakob polo kughukomiqo, nongu Lhou pululo eno pa lau ideighilo. Pa qhoqhu eno achipiu shilo eno nongu Lhou pelo shipe nike kutu-ukulushi khealo.

HOSIYA 14:1

Israil lo akemiqo, nongu Lhou AMPEU lau ide ighivelo. Nongu xineno nongu kupuxape eno veqhipeke.

HOSIYA 6:3

Ningu AMPEU ithinike pukaputsa juni nolo. Paye kuchouno inaqhe vuipeghi keshi ighi nani, ghixu tsalalo tsutsughuno ayeghi shou ghupuku keshi paye kuchouno ighi nani.”

HOSIYA 8:7

Panonguno amlhu yisukeulo pasapagha xolu nani! Athi nimokeuye khilemu pesu asho shimlake. Ikemu shilukepu shiepinamu inaghamino tipau chukhave nani.

AMUS 5:15

Alhoksaye kiu keno tipau jumithilo eno achipiu kimiyelo eno kughakutha-alo achipiu xakutha achepelo. Ishiake, AMPEU no hipau shiayehlo timi puxupe puaghikemi shou kupu kimiye luvi ke.

AMUS 5:4

AMPEU no Israil lo akemi vilo pi, “Ilau ighilo eno nonguye xulu nani ke.

AMUS 5:6

AMPEU lau wulo eno nonguno xulu nani. Nonguno pa lau wumo aye pano Israil lo akemiqo shou ami toi jole iqighi nani. Amino Bethel lo akemiqo pitileve nani eno khunomu tipau pinhe mla nani.

AMUS 5:8

AMPEU no ayepuqo lhoke, Pughuno-supemi ngo Ayenokilimi Pano zumoikeu pesu puchou kuvu shivetsu cheni, eno pucho tsala pesu putho shive cheni. Pano azughilo akeu zu kupuzu ayeghi shou tipaqo leqhi cheni. Pajeye AMPEU ke.

Luke 13:24

“Nono toluke thaqhu mughughuyikeu hukikha vechesu ilonikeu shilo, kughengu ino nongu vilo pini, timi kutomono ilonike pukaputsa nani ikemu tishimla nani.”

Apostolmi 2:18

Tipaqo tsalalo iqepumi eno iqelimi shou ghi ino iGhungu lepukuni eno panonguno tungkuptsa pi nani.

2 Kor. 9:10

Apiti yisukemi tsuchekeu eno chukepushi achuqupu tsuchekeu Lhou no nonguno apiti avehupu shiakeu tsupuzu tipau thuwulupe, nongu kimiyekini lono kinikulu shi ghile hulupe kepu shi nani.

James 3:18

Amikucho ghile hulukeuye alakishimino alashikeu piti xusukeu lono ke.