HOSIYA 1:2 - BAIBEL (BSI)

² Atughushi AMPEU no Hosiya vechewo Israilmi vilo ishi pike, “Wuno anipu lakhi lulo; onipuye amikucho kumomi lakhi shi nani eno otianuli ghi li paphi shi nanike. Tipa tho lono iwu timiqoye iqhiveake eno amikucho kumomi shiwuveake.”

Sumi Naga CL (Re-edited) Bible (BSI)

² Kughou Ampeu no atüghüshi Hosea vecheo Israel pütsa keno, Pa no Hosea vilo pi, “Wulo, anipu kütüqhalimi luvelo eno kütüqhaliu sasü atianuli shilo, kughengu aghakhu ye Ampeu pheve no shishe kütüqhauvae.”

HOSIYA 1:2 Mawu Ofanana

YEKIKITHI AKINIU 21:13

Tishinike zuqhulo noye Israil lo kukami kuxu ghola papewuve ke eno Ahab ngo pa thisulu kemiqo no Israil sasu amikucho kumolo sailove keshi Juda ngo Jerusalem lo akemiqo Alhou lau amikucho kumolo sailove ke. Nono othikuzumi ghi heqhi pithi veke, panongu ye onguno akivimiqo ke.

LESHELE 106:39

Panongu kumla kughuthano pano likhi pano shipixiveno Alhou lau amikucho kumove.

LESHELE 73:27

Khunono opheveni keno kuchouno puhaveniake; khunoqono olau akimki shini keno noye tipaqo kutsapinyive nani.

JEREMIYA 2:13

kughengu iwu timiqono axine kini shivae: panonguye ni azu kuxu zupuki launo tsughusu chevae, eno panonguno atu tughuko chhu ani, ipovekeu tughuko loye azu mighepe puamla nanike.”

JEREMIYA 2:20

Akughushu AMPEU no pi, “Israil, puzuu nomu noye ikuka gha hebideke; Nono imlla nikeu eno igholu nikeu lo mopike. Naghuto qhemghai keu kumtsu eno asu minipho qholo nono lhoipeghi penikeu lhouqo mllake.

JEREMIYA 2:23

Noye kishi puzu olikhi oshipusa mphi kepi pilu nani, eno noye khilemu Baal mlla mokepi nani kya? Akhilalo nono kishi axine shikeno julo; nono kiu shivea keno julo. Noye tughalo akeu kemel no mutho ipeghi akeshi poiqho iqike, asayeqhalo koha wuke.

JEREMIYA 3:9

eno kitilamu kujomo mitheve. Lino ayeghi shipixive eno lino atu ngo asubo mllakeu lono kutuqhalimi shiveke.

EZEKEL 6:9

tilau panonguye hapupove kemiqo shi xuche nani. Tilauno panonguno ikumsu chilelu nani eno ino panoqo ghimeqhi eno shikukujoqhi kepi ithi nani, tiye kutau kumono panonguno akupulu kuhakeu mlo xapusu iqhiveke eno inguno asu-atu julho paviuve kehue. Panonguye pano shou angaghaive nani kughengu panonguno alhoksa ngo niqhunilai keu jeli shiveke.

HOSIYA 2:7

Lino alojipumi hawu nani ikemu panoqo hamla nani. Lino panoqo phuju nani ikemu phumla nani. Tithiuno lino ishi pi nani, “Niye ikimi atughiu lau idewoni cheni, niye itehiye puzuu pavi acheke.”

HOSIYA 3:1

AMPEU no ivilo pi, “Wukithelo eno totimi alojipumi sasu salha akeu lau okikimiye piyelo. Israilmino ilauno tsughusu wuveno atsayithi kipiki pesu ajulho shisukeu lau akumllagho tsu auve pinamu itehi kutolo ino panoqo kimiye ake toi noye atotiu kimiye masae.”

HOSIYA 5:3

Israil ye kiutoi keno ino ithi ani, liye ilauno itshuwuve mlake. Liye amikucho kumo shive eno li timiqoye imlla nike akuzupu kumoveke.”

Mark 1:1

Alhou Nu Jisu Khristo wu Lokivipu sutsa huthutughu shikeu hike.

ZAKINIU 31:16

AMPEU no Muse vilo pi, “Noye itheno thiniae eno nono thive kethiu timiqoye ilau amikucho shimove nani eno ino panoqo sasu puloshoqhi shikeu kuboleve nanike. Panonguye iqhiveno panonguno iloniye akeu yeghilo achine kutau lhouqo mllauve nanike.

2 Peter 2:14

Panongu ye kusalhalimi shou likhi jupuku acheni, axine shinishi keulo khilemu aghaqivekeu kuhae. Panonguno tomo chhimokemiqo musuluve cheni. Panongu mloye aghukha shinikeulo qophe puani. Panonguye Alhou no musuinivekeulo ani!

Piyeküsü 17:5

Li kishelo tuqhou kiqi lono aje lakhi yepe pua: “Babilon akijeu, salhashupumi eno ayeghilo aphikumqhupumi kumtsu paza.”