HOSIYA 1:10 - BAIBEL (BSI)

¹⁰ Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

Sumi Naga CL (Re-edited) Bible (BSI)

¹⁰ Tishimu Israel tianuliqo kikihi ye azüghi lo asaye toive nani, ti ye mighimla momu kihimla ke. Eno khileno panoqo vilo, “Nongu ye Iw timi kumoe,” ipi keno, tileno panoqo vilo ishi pi nani, “Aküxüpu Lhou nuliqo.”

HOSIYA 1:10 Mawu Ofanana

BOTHUBO 13:16

Ino opiti pesu ayeghi lo asaye jehi shitsuni eno timino ayeghilo asaye kihikhamla ke toi opiti kughukoye kihikhamla peni.

BOTHUBO 22:17

ino shishe okumghatsuni eno oti kughukoqo shishe kighishe tsunie. Panongu ye atsutsulo ayepu je-jehi eno azughi mukulo asaye je-jehi shi nani. Oti kughukoqono aghumi liwo khasulu nani:

BOTHUBO 32:12

Nono piqhi puakeuno, ‘Kuchouno ino okivipu shitsuni eno azughilo asaye kihi kumla toi ino oti kughuko tsunie,’ ipie.”

SAMUEL AKINIU 7:24

Nono Israil pesu alhokupuju owu timi shiluve eno no AMPEU no panongu Lhou shiluve.

ISAIAH 43:6

Ino ahuu vilo panoqo puwuvelo pi pi nani eno apeu vilo panoqo hakhape akevilo pi nani. Iwu timiqo putosuu akeu yeghi lono ideighi pelo, ayeghi ku-aqha kumtsu lono ighi pelo.

ISAIAH 48:19

Nongu lagha kughukono asaye jejehi shive aghini cheke, eno niye khilemu tipaqo kutsavekeu shipemoni cheke.”

ISAIAH 63:16

Noye nipuke. Nipuasu Abraham ngo Jakob ye nimthake ikemu no nipuh AMPEU ye pulhapuju nixaphelu achenike.

ISAIAH 64:8

Ikemu noye nipuh AMPEU ke. Ninguye aghani toi ke eno noye alikishiu toike. Nono ni lhoqhike,

ISAIAH 65:1

AMPEU no pi, “Niye iwu timiqo kighini khochile tsuniye kutope ake ikemu panonguno inikhumoke. Niye panoqo pelo iphulu peniye kutope ake ikemu panonguye pukaputsaju keughi kuhake. Aghakhumino ivilo inikhu moke niye panongu khochile nike ishi kutope anamu, ‘Niye hila ani, ino nongu kuphunike.’

ISAIAH 66:20

Panonguno nokusami ashiayehqo kudauno agho itsukeu lakhi shighi sasu ideghi nani. Panonguno panoqo sasu ikimthe toghi Jerusalem lo saghi nani, khamino khurshi shouno, khamino gadaha tsu ngo Kemel shou eno khurkulu ngo khurshi no anhemgha pukeu bolono ighi nani, tiye Israilmino achine yelo akimthe bohu lono tuxatini pewo mllake toi shi nani.

JEREMIYA 33:22

Ino iqeu David laghami ngo Levi lagha gholo achinemi alau ikowolupe nani, tishikehu atsutsulo ayepuqo kihikhamlake toi momu azughi mukulo asaye lothi kihi khamlake toi panoqo kihikhamla nani.”

DANIEL 6:26

Ikukaqhalo timi kumtsuno Danel Lhou musa penike eno gihu penike ino ahza tsu ani. Paye akuxupu Lhou, pano ashekha kuha ayehpe nani. Pa kukaqha khilemu shipusamo nani. pa kukaye ashekha shive mla nani.

HOSIYA 1:9

AMPEU no Hosiya vilo pi, “Pa je Lo-Ami kutsulo, kughengu Israil lo akemiqoye iwu timi kumo eno niye panoqo Lhou kumoe.”

HOSIYA 2:23

Ino aghakhulo iwu timiqo qhiwo nani eno panoqo kinikulu shitsu nani. Khunoqo vilo “Kimiyemoke” ipiche keno tipaqo lau ino kikimiye piye nani, eno “Iwu Timiqo Kumoe” ipiche kemiqo vilo, Ino ishi pinani, “Nonguye iwu timiqoke” eno panonguno, “Noye niLhouke” ipi khochile nani.

John 1:12

Ikemu khamiye ikhilu eno pa shou pulubeke, ike tipanoqo pelo Alhou nuli shikulupu kuka pano panoqo tsue.

Rommi 8:19

Kughengu Alhou no lhope puakeu jeli kumtsuno Alhou nuliqo pephe piyenikeu shishe huqhe khe ani.

2 Kor. 6:18

eno ino nongu paPuh shive nani, nonguno inuliqo eno ingaqo shive nani, ipi Akughushu Mipeu no pike.”

IBRIMI 11:12

Ike liye thiveke kumlho shivekemu, timi lakhi hipau launo atsutsulo ayepuqo ngo azughi mukulo asayeh toi ati-anuli kughukolue.