EZEKEL 26:3 - BAIBEL (BSI)

³ “Tighenguno ni Akughushu MPEU no kiu piani keno tiye hipauke: Tur phughi, niye oghumike. Ino ashiayeh kutami kutomo oleve penike saighi nani eno panonguye azu kukucho kibe toi ighi nani.

Sumi Naga CL (Re-edited) Bible (BSI)

³ Ampeu Alhou no ishi piani: Julo, O Tyre, I no o mjochile ani, azüghi no azü fukucho süghi ketoi, I no shiye kutomo o shou süghi nani.

EZEKEL 26:3 Mawu Ofanana

LESHELE 107:25

Pano ahza tsukelo amlhu kuloghino mulhu eno azutukucho xukuthoke.

ISAIAH 5:30

Kughono tipa tsala ighini keno, panonguno azughi ghugha toi Israilmi shou igha ikughi nani. Ayeghi hipau shou jupukulo! zumoikeu eno pitipuzaqhikeu julo! Tipaulo phokughuikeu khungkusuno akuvu kuzupholuve nani.

JEREMIYA 21:13

No, Jerusalem ye akhila shou qhemghai iqa ani, aqalo atuqu ipeghi akeshi ani. Ikemu ino oshou aghushini. Nono pikeuno khunomu olemla nani momu nono susho kepushikeu hepho iloghi mla nani pike.

JEREMIYA 50:31

“Babilon, noye aqhekuzano chhitoi anike, ikehu ni, Aqokitikhi MPEU Alhou ye oshou mopi kepushi anike! Ino oghimeqhi nikeu ghuloki ighivae.

JEREMIYA 50:42

Panonguye asuzu ngo azutakihi ikhiluvae, panonguye ayikusa eno amlo ighikeu kuhae. Panonguno pano khurshi shou iku puzu wukeulo azughi ghugha toike. Panonguye Babilon shou aghushi nike kutope ani.

JEREMIYA 51:42

Azughi no Babilon shou iluikughivae eno azu kukucho ghugha gholono tipau kuzupholuvae.

JEREMIYA 6:23

Panonguye panoqo suzu eno azutakihi pepuluvae; panoqoye ayikusa eno kimiyemo mithe kemike. Panonguno khurshi shou chechekelo tiye azughi ghugha toi asutsa shicheni. Panonguye Jerusalem shou aghu shi nike kutope ani.”

EZEKEL 21:3

AMPEU no piani kepi piputolo: Niye oghumike. Ino azutakihi sujono nongu kumtsu, kivimi na alhoksami namu aphiphi shi ghiqhi nanike.

EZEKEL 26:19

Akughushu MPEU no piani: “Ino opelo aphughi ixapinyiveno khunomu ngochemo keu toi kughukughalei vetsu nani. Ino azughi kutholo zu pesu ovesuluvepe nani.

EZEKEL 27:26

Kughou nowu ashuka lisa kipemi no azughilo osaghi keno, ayeghi launo putosuu akelo kipela mulhuno oshipusave.

EZEKEL 28:22

Tilehi timi akeqo vilo ni, Akughushu MPEU no panoqo ghili kiu piani keno tipau pesu pilo: Niye oghumike, Sidon ino olau kiu shikeno tipau ghenguno timino isheqhe nani. Niye AMPEU kepi panonguno ithi nani, tiye kughono ino ogholo kughuna akemiqo ghimeqhini keno tileno niye kiutoi akimthe keno piye nani.

EZEKEL 29:10

Niye oghumi eno owu Nayil ghumi ke. Ino Ijip kumtsu shipusaveno abokumsa shivetsu nani, tiye ahuu Migdol phughi lono apeu Aswan phughi lono Sudanmi lughi kutoloke.

EZEKEL 38:3

pa vilo ni, Akughushu MPEU ye pa ghumi kepi pilo.

EZEKEL 5:8

Tighenguno, ni Akughushu MPEU no ovilo pianike niye oghumike. Ashiayeh kutamino ithukulupua lono ino oshou kughakuthabe nani.

MICAH 4:11

Ashiayeh kutomo hekutsu no nongu leighi. Panonguno pi, “Jerusalem ye kutsaleve masake! Aphughi hipau ixapinyivekeu ninguno ithulunike!”

NAHUM 2:12

Abongushuno lhoxu heqhino pa tuna ngo li tiqo ghenguno tipau suthapinyive cheke; pa kungo-alo ashi sukuthano chhitoike.

NAHUM 3:5

Aqokitikhi MPEU no pi, “Ino nongu ghimeqhi nani, Nineve! Ino nongu phimini xaluveno aphikumsavepe nani, eno ashiayehqo pelono ithulupe nani, okukujopu kumtsu ithulupe nani.

ZEKHARIA 14:2

AMPEU no ashiayehqo kumtsu kumtsa saghieno Jerusalem sasu aghushipe nani. Aphughi huye leluve nani, akilo aghikeu xulepuwuve eno totimiqo sazuvetsu nani. Timi tuxaye akughu shisu wuve nani ikemu kutamiye aphughi tipau lono sawuvemo nani.

ZEKHARIA 9:4

Ikemu lino aghikeu jeli thwokha kumtsu AMPEU no ikhi suwuvetsu nani. Pano liwu kinikulu azughilo vesuve nani eno aphughiye amino pitileve nani.

Luke 21:25

“Tileno tsukinhelo, aqhilo eno ayepulo amchipu ipeghi nani, ayeghilo ashiayehqoye azughi ghugha eno azufukukuchono kutakihikeu lono pitipuzaqhi nani.