DANIEL 9:27 - BAIBEL (BSI)

²⁷ Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

Sumi Naga CL (Re-edited) Bible (BSI)

²⁷ Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

DANIEL 9:27 Mawu Ofanana

ISAIAH 28:15

Nonguno akithi sasu kuptsape qhiveapi eno akithi yeghi sasu pulokilepe qhive akepi qheza acheni. Kutsakungo ighikelo nongu phepuwuve nani kepi mutsuqhei shipe acheni kughengu nonguno nongu xalu apenike akimki eno kichileu pukhu acheni.

ISAIAH 28:22

Ino nongu piputo akeulo nukevilo! Nonguno tishi aye, nongu ghenguno pokulupu ighono shove nani. Aqokitikhi MPEU no aghakhu kumtsu kutsavenikeu shi kughathave keu ino chiluvae.

ISAIAH 42:6

“Ni AMPEU no okuluvae eno akuka otsuvae, ayeghilo kuchou xakutha shikeu jupenike. Ovechewo ino timi jeli kumtsu sasu puloshoqhi lakhi shinike; ovechewo ino ashiayehqo lau akuvu sughi tsu nanike.

ISAIAH 53:11

Ghichhe ghime kuxu thikhauno, paye itaghi alovilu nani, paye adou lono imepuamo kepi ithilu nani. Iqeu amlo tsuchekeu, khuu shou ilokiqipu acheni keno timi kutomo ghimepu pano pepuluve nani eno pa ghenguno ino pano xine pevetsu nani.

ISAIAH 55:3

“Iwu timiqo, itehiye inilo eno ilau ighilo; ilau ighilo eno nonguno akuxu alu nani! Ino nongu sasu alhokupuju ghenguno puloshoqhi lakhi shi nani eno David lau kukumgha ino piqhipuakeu nongu tsunike.

JEREMIYA 7:30

“Juda lo akemiqono alhoksapu lakhi shipuani. Panonguno panoqo su-atu julho khikhi ino jumithi cheni keno tipau pesu ichinekilo qhike eno tipau kitiqeveke.

DANIEL 11:31

Pawu ghushimiqo dolo khamino achineki lono shipixi keu kumla shi nani. Tsala kipetsu ghiqhino mllachekeu lakhave tsu nani eno tilehi Jukikichipu qhitsu nani.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 12:11

Tsalakipe ghiqhino mllachekeu lakhaveke tsala lono, ike ado tipauye, Jukikichipu tsala lono wo atsala 1290 kuto shi nani.

DANIEL 7:25

Pano Akughushu Lhou ghobide keu tsa pi nani eno Alhou wu timiqo ghime nani. Pano panongu chineyeh eno pinyichekeu kilivetsu nike pukaputsa nani. Eno Alhou timiqo pa kuka qholo ampe kuthuno tuxa ngo nani.

DANIEL 8:13

Tilehino kungumi lakhino pa kusau vilo iniju akeu ino chilu. “Kungunhetsu lono ithulukeu hipaqo ado khitohi kuto anani kepilae? Ado khitohilo axine huno tsalakipe ghiqhino mllachekeu zuqhulo anani kepilae? Ado khitohilo kungughalo ghushimiqo eno achineki apukhuno nedape anani kepila?”

HOSIYA 3:4

Hipau paphi lono Israil lo akemiqoye ado kushuwa kutolo kukami momu sakiphemi kuha nani, aghashi mllakepu momu chinikepu tuqutsukucho ngo ajulho shisukeu eno asu atu julho shisu pesu asaqhi chekeu kuha nani.

MATTHEW 24:15

“Akuighupu kutsakungo keu khikhi Danel tungkupuno pipuani keno tipauno akimthe-alo puthugho aghikeu nonguno ithulu aye, (phi akeuno hipau kiqiye kiu keno ithi kututa shilulo),

MATTHEW 26:28

kughengu hiye ihji, Alhou wu puloshoqhi mekhakeu ke; hiye timi kutomo ghenguno axine pevetsu nike ihji pelekeu ke.

MATTHEW 27:51

Tileno Judami chinekilo kokuthabo phi atsuqa lono abophi kutolo ala-kini shi suxu kututashive. Ayeghi sukughutha eno atuquqono ipokututa shive,

Mark 13:14

“Ikemu kughou akuighupu kutsakungokeu huno pano ngomokepu alo puthugho aghikeu nonguno ithuluni keno (phiakeuno vethaluvelo), tile khunoqono Judia lo anikeno naghutolo pokalulo. “

Luke 21:20

“Kughou ghushimino Jerusalem suhope aghikeu nonguno ithuluni keno, ti kutsave nikeu kupunuvea pi ithilo.

Luke 21:24

Timi hipaqoye azutakihino ghiqhi nani, eno kutami shiayeh qholo akughumi shisasu sawuve nani, eno Jerusalem ye Juda kumomino nedaqoda nani, ti Juda kumomi ghuloki tomo ke kutolo.”

Rommi 11:26

Ikehu Israilmi kumtsu xaluve nani, kuchoyesulo pipuakeu toi: “Zion lono xakuluu ighi nani Pano Jakob polo kughukomi launo kusakugha kumtsu haphevetsu nani.

Rommi 5:15

Ikemu hipama aphiphi kumoe: Alhou no kumsagho tsukeuye Adam hekibide xine toimoe. Kughengu timi lakhi hekibide xine vechewono timi kutomo thiveke, ikemu tinguno alaushi Alhouw kupukini eno pawu kumsaghoye timi lakhi hi Jisu Khristo wu kupukini vechewo timi kutomo ghenguno kupukunoshi ighi.

Rommi 5:19

Kughengu timi lakhi aghokulu kumo lono timi kutomo axinemi shive peke toi, timi lakhi ghokulu lono timi kutomo Alhou lau achipikalupe nani.

IBRIMI 9:28

Tihutoi Khristo ghi timi kutomo xine puluvetsu nike ghuthu khavino pa likhi pa ikhiphetsuve. Paye ghuthu akiniu ipeghi nani, tiye axine ikhive tsunike ghenguno kumoe ikemu pa huqhekhe aghikemiqo xaluniyeke.