DANIEL 9:18 - BAIBEL (BSI)

¹⁸ Nitsa iniju tsulo, O Alhou, nilau jupuwo tsulo nino ime akeu eno ojelono achekeu phughi ghimeqo jutsulo. Nino achipilo shilukeu ghenguno kumoe, ikemu nono kimiye kiniuke ghengu ovilo inikhu ani.

Sumi Naga CL (Re-edited) Bible (BSI)

¹⁸ O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

DANIEL 9:18 Mawu Ofanana

KUKAMI ATUGHIU 8:29

Akumllaki hipau putho pucho khetsu alo, a-a hipauno omlapeni keu shi nono kishelue. Ino kughouno Akumllaki kudau juno inikhu nikeno ikighiniqo chilutsulo.

KUKAMI AKINIU 19:16

Itehi AMPEU, ningu lau kiu shi ani keno jutsulo. Sennakerib no okuthakugha tsa piqhikeu kumtsu inijutsulo, akuxupu Lhou.

LESHELE 116:1

Niye AMPEU kimiye cheni, kughengu pano isutsa initsu cheni eno ino qhuinijukeu initsu cheni.

LESHELE 25:6

Nono kupuchekeu atho shi kimiyechekeu kumsululo, O AMPEU, kughengu tiye khaghino tishi cheghike.

IPEKULU 3:7

Tileno AMPEU no pi, “Ijip lo iw timiqo kishi ayikusashi peitha anikeno niye ithuluvae; panoqono aqemi heqhikemi launo hakholuve tsulopi ighamuku keu ino chiluvae. Panoqono ichhe ime akeu kumtsu ino ithi ani,

ISAIAH 37:17

AMPEU itehiye okini nilau kughopuwono initsulo eno nishou kiu shiani kela onhethi xukho pesu jutsulo; eno Senakerib no No akuxupu Lhou tha igha akeu tsa piakeu kumtsu inijulo.

ISAIAH 43:7

Panonguye iwu timiqoke, ijekipipu shipeniye ino panoqo lhopheke.’

ISAIAH 64:12

AMPEU, noye hipaqo jupe amlo shimo kesha? Noye kiumu shitsumoni kesha eno nipelo puqhemlano alau aghimeshi apeni kesha?

ISAIAH 64:6

Ningu kumtsuno axine toiva eno ni mikucho kumla kumtsu niqhunilai keu phinhe toike. Nixine ghenguno ninguye asunipa thizumyive puzu amlhuno fupewuvekeu toike.

JEREMIYA 14:7

Iw timiqono ilau ighamuku pi, ‘Ni xineno nishou ngukube anamu AMPEU, nono tushoqhiveke toi nikuphulo. Ninguye ghuthu kutomo olauno tsughusu wuveke. Ninguno oshou axine shiveke.

JEREMIYA 14:9

Kushiye noye akichiqhi pesu akemi toi ani kya? Ghushimi lakhino kutami kuphunike akuka kuhano aketoi ani kya? Mutsuqheino AMPEU, noye nigholo anike! Ninguye ow timiqoke, niqhivetsu kevilo.’ ”

JEREMIYA 15:16

Nono iputsake, eno ino atsa lothi kumtsu initsu chenike. Niye owuke O AMPEU, Akughushu Lhou, ikehu otsano imlolo alokivi chhitoi ani eno alokivi anike.

JEREMIYA 25:29

Aphughi lono ino kutsaleve nikeu kumla huthuni cheni. Panonguye ghimeqhimoveno wuluve nani kepi kumsu ani kesha? Moe, panonguye ghimeqhi nani, kughengu ayeghilo akemi kumtsu shou ino aghukishi puwuni cheni. Ni, Aqokitikhi MPEU no piqhiveake.

JEREMIYA 36:7

Ishiake panonguno AMPEU lau inikhu puzu panoqo laghi lhoksa lono ideighi luvike, kughengu AMPEU no pa loghu kighide eno pa xukighide pesu timi hipaqo shikichiveake.”

JEREMIYA 37:20

Itehiye, O Akughushuu, ino oqhuiniju akeuno itsa ini tsulo eno ino ovilo kiu pinikeno tipau shilo. Kishimoake, Jonathan kilo akughu shipenike itaghi tilau ipuwu kithetsu kevilo. Nono tishiaye niye mutsuqheino tilano thiniake.”

EZEKEL 36:22

“Tighenguno, ni Akughushu MPEU no Israilmi ghenguno atsape kiu ani keno tipau pesu panoqo tsulo: Ino kiu shini cheni keno tiye nongu Israilmi je ghenguno kumoe ikemu ije kimthepu ghenguno shinike, nonguno wupuakeu ghakhu kumtsulo aje tipau pipusaveke.

EZEKEL 36:32

Israilmi nongu pelo hi ithipe nishi anike niye nongu je ghenguno hipaqo shitsuni chenike kumoe. Nonguno kiu shiani keno tipaulo niye nongu pelo akukujo kumza keu ithilu penishi. Ni, Akughushu MPEU no pivae.”

DANIEL 9:7

No, AMPEU ye kiuno achipi keno tipau alhokuthu shicheni, ikemu pulhapuju nino nilikhi nishou akukujopu sughi cheni. Hipau tsaye ningu kumtsu ghenguno achipike, khunoqo Juda lo Jerusalem lono Israilmi nono ayeghiqha kumtsu apanagha hapiyepighi vetsu keno tipau huye panonguno ogho lumo keghenguno ke.

AKIKIHI 6:27

AMPEU no pi, “Panonguno ije pesu Israilmi shou kumghatsu aye ino panongu kumghatsu nani.”

1 Kor. 1:2

Aqha kumtsulo ningu Mipeu Jisu Khristo gholono nonguye shikimtheluve kemi eno Alhou timiqo shipenike kuluvekemike.