DANIEL 8:27 - BAIBEL (BSI)

²⁷ Niye ighono imeveno atsala kutomo su awuve. Tithiu ida ithughi puzu akukauno ipulu puakeu kumla shinike ghenguno tipa alo wuve. Kungunhetsu ithulu keuhu shishe ivehu kughuzushi kiu kiqi kela muthano ngove.

Sumi Naga CL (Re-edited) Bible (BSI)

²⁷ Eno ni, Daniel, ye atsala hami süve no ihozüve. Tithiu ni ye ithughive no akükau kümlapu lo wuve, ikemu ni ye kungunhetsü ghenguno aveghüzü shino tipau vethamlave.

DANIEL 8:27 Mawu Ofanana

DANIEL 10:16

Tileno kungumi lakhi timi toi keuno pau chho puwono imtsu butsu. Ino pa vilo pi, “Akijeu, kungunhetsu ithulu keu lono niye ighono qei thuthu shi itha akeu tamlavea.

DANIEL 10:8

Tilehi ilikhi qhive, kungunhetsu ithulu akeu chheju auve, iphilo akumto kuhamitheve, igi ju kiliveno timi khumu imthave.

DANIEL 4:19

Tilehi Danel pa je kutau ghi Belthashazar ipi kuche keuye akichiqhiyi kehu atsamu pimono thughuyi ngove. Akukau no pa vilo pi. “Belthashazar, asamo hipau eno pa kiqi pelo okichiqhiyi pekivilo.” Belthashazar no khochile, “Akiqheu, asamo eno pa kiqi pelo oghenguno kumono oghumi sala pumo lukeu shi aghi peniu.

DANIEL 5:14

Akimthe Lhou ghunguno ogholo acheni ipikeu ino chiluve ake eno tishikeu lono shikulupu eno akighithi alokutsu anike.

DANIEL 7:28

Ino yepe qhikeu hino ashekha. Niye akumsano ajimu kuha ketoi phalaive eno tipaqo kumtsu imlolo qhiluve.

DANIEL 8:17

Gabriel no ilau ighino iphivilo puthughove eno niye akumsano ayeghilo iluqive. Pano ivilo pi, “Thivenikuau timio, akiqi ithi lo. Kungunhetsuno kiu ithulu keno tiye ayeghiqha ashekha shiveni keu tsake.”

DANIEL 8:2

Kungunhetsu lo niye Elam yeghiqhalo Susa phughi lakhi aghutuno putumuxape akeulo ngo aghi keu ithulu. Ino Ulai ghoki mukulo puthughoa.

DANIEL 8:7

Ino paju akelono bheritsu heqhiniye mujo. Paye ighono axuide pa heqhino akibo kini hechhe pini vetsu. Bheritsuye akuka kuhano anetsu mujomula mithe. Pa kughape ayeghilo shodaveno pa pukhupe qoda amu tile khunomu pa sukho tsunikemi kuhave.

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

SAMUEL ATUGHIU 3:15

Samuel ye inaqhe kutolo azualo ngoa; tishino ithughi puzu AMPEU ki hukikha khaqhitsu. Samuel ye kungunhetsu ghili pesu Eli vilo lhemsave.