DANIEL 6:16 - BAIBEL (BSI)

¹⁶ Tileno Danel tsughape ighino abongushu kilo vesuvelopi akukauno ahza tsuve. Pano Danel vilopi, “OLhou khuu nono puloniqhiyi huthu acheni keno pa pelo oxalupelo.”

Sumi Naga CL (Re-edited) Bible (BSI)

¹⁶ Tileno akükau no azah tsüno Daniel saighi eno abongshuuqo kilo vesüve. Akükau no Daniel vilo pi, “O Lhou, khuu nono tamono qecheni keno, Pa pelo o xalu peniu!”

DANIEL 6:16 Mawu Ofanana

SAMUEL AKINIU 3:39

Niye akukau shipeni ke Alhou no nukisheke, ikemu ishitsalalo niye miqemileyi ketoivae. Zeruia nuliqono ighono igha shikighide vetsuae. AMPEU pelo khuno hikithipu kumla shive keno tipau ghime panongu shou puwutsu peniu!”

JOB 5:19

Pano akupuna tsugho lono oxaphe luve nani iyei akutsuniu loye alhoksa pelo obu pemo nani.

AHOLE 29:25

Kutamiye ojupe kiu kumsu ani kelapi omlo susushi keuye akuighupuke ikemu nono AMPEU pukhu aye oxaphelu nani.

ISAIAH 41:10

Ino osasu anike musa kevilo! niye oLhou ke kiu pelomu oshikichi pekevilo! Ino opelo mutotoilupe nani eno kuphu nani; ino osusholu nani eno oxalu nani.

ISAIAH 43:2

Kughou nono azu kutho kathasu wuni keno ino ogholo anani; owu shiluksa pelo okuzupholuve pemo nani. Kughou nono ami kathasu wuni keno opitiqhimo nani; akijikusa pejukeu ighikeulo oghuzamo nani.

JEREMIYA 26:14

Ighenguye, niye nongu ulo auvae! Nonguno kiuno achipi kepi kumsu anikeno ishou tipau shilo.

JEREMIYA 38:5

Akukau Zedekiya no khochile, “Tishiaye, tiye alo ani , nonguno pa shou kiu shinikeno shilo; niye nongu lakhamlavae.”

JEREMIYA 38:6

Ike panonguno ikughape akighi lono Akukapuu Malkhiya zukikhe qoh akukau kilo kughaki khagho lalo akeulo suve. Aqoh tipaulo azu kuhae eno aniba likhi ake niye tipau alou nephoilove.

JEREMIYA 39:17

Ikemu ni, AMPEU no osusho nani eno noye nono musa akeu timi ulo suvetsumo nanike.

DANIEL 3:15

Itehi julo, afuko ighakeu alekiphebo ajeli pe ighakeu sutsa chiluke mtsa pishiqhope ajulho mllalo. Tsala nonguno titoi shimove aye nongu kughape ami kuyiqualo vesuve nani. Alhou kutau nongu xakulupu aghi nani kepi kumsu anikesha?”

DANIEL 3:17

Nino puluchekeu Lhou ye pano pulo aye ami lono eno okuka zulono nixaphe luve nani.

DANIEL 3:28

Akukauno pi, “Shadrak, Meshak eno Abednego noqo Lhou shelo, pano kungumi puwu puzu pa pulu chekeqo xapheluve peke. Panongu kuxu puwove tsumu tano panongu Lhou nguno alau kutau zulo pishiqhope mllamopi ino ahza tsu keu ghi lutsu moveke.

DANIEL 6:20

Kughono tipau alo ighikeno, pano khekulhoshi ku, “Akuxupu Lhou qeu Danel! Nono pulopiniyi huthu chekeu Lhou no abongushu zulono oxaphe pe anima?”

DANIEL 6:7

Ningu kumtsu okukaqholo Jukutsu chekemi, ahngqo ahng kukuphuu eno tinguno alau kijemiqo pulokuqhaveno opelo ahza lakhi mukamghai bethatsu penishi ani. Ahza tsulo, timi kumtsu atsala shighi dolo no Akukau vilo kumo aye kutami lhou vilo mu timi vilomu inikhu pekevilo. Ahza hipau timi khuuno hexaveni keno pa kughape abongushuu khakuthabolo ikhisuve nikeu shilo.

Apostolmi 24:27

Ikemu ampe kini wove kethiu Porkio Festa no Feliks zuqhulo ighive; eno Judamiqo lopu shitsunishi kelauno Feliks no Paul pesu akughushipe qhive.

Apostolmi 25:11

Ino ayezah hephove puaghi eno thive kuzupushi mla puaghi aye, niye tipau lono poluvepe nikeu khuamoe. Ikemu panonguno ingukube akeulo kuchou kumo shi aghiaye, timi khumu ikughape panoqo ulo suvetsumlae. Niye Rom kukau Kaisar launo xathanikeu khuani.”

Apostolmi 25:9

Festo no Judami pulou shitsunishi kelauno Paul vilo pi, “Noye Jerusalem lo iqho puzu hi onguku akeu izulono xathanishi anima?”

Rommi 13:3

Kughengu akivi kumlamiye ayehkipemi msakepu kuhae, ikemu alhoksa kumlamiye msakepu ani. Noye yepeka lo akemi msamoni shi anima? Tishiaye akiviye kiukeno ti shilo, pano osheqhe nani.

2 Kor. 1:10

Pano akumsa kuyighupu lono ningu xapheluke, eno ningu xaphelu nani; eno ningu lajupu pa shou bepe anike pano itaghi ningu xaphelu anani.