DANIEL 3:7 - BAIBEL (BSI)

⁷ Timi, ashiayeh jeli kumtsu, atsa jeli kumtsu afuko ighakeu chiluke mtsa pishiqhope shunano shikeu julho Nebukadnezar no qhi puakeu mllathuve.

Sumi Naga CL (Re-edited) Bible (BSI)

⁷ Tighenguno akibo, fulili, aheo, akighilebo, lilala eno alebo ghügha jeli kümtsü chilu kemtsa ashiaye, shiye eno atsa jeli kümtsü no pishiqho luve no akükau Nebuchadnezzar no ameshoyi julho ghope qhikeu mllae.

DANIEL 3:7 Mawu Ofanana

JEREMIYA 51:7

Babilon ye i-ulo shunano shikeu jukhu lakhi toi ayeghiqha shokumzu anike. Ashiayeh jeliqono tipaulo aji akeu shove eno panoqo kukumsu ye chevae.

DANIEL 2:46

Akukau Nebukadnezar no khoqhupe ngono lhoxu heqhipe Danel mlla lepi ahza tsuve.

DANIEL 3:10

Akukauno ahza lakhi tsukeu alepheke mtsa timi kumtsu pishiqhope shuna julho mlla penikeu shi.

DANIEL 3:4

Asutsa ighono mughachhoi shi asheshu, “Ashiayeh kumtsu atsa ajeli pichekemi timi jeli kumtsu

DANIEL 3:5

Afuko igha keu nonguno chilu nani, fulili, alebo, akighilebo eno tinguno alau alekiphebo pe alepheke mtsa asheshu nani, tipau sutsa chilu kemtsa nongu kumtsu pishiqhope akukau Nebukadnezar no shunano shikeu julho mllalo.

DANIEL 3:6

Khuuno pishiqhope mlla monikeno pa kughape amilo vesuveni.”

DANIEL 3:8

Babilonmi khamino Judami shou hipau lono akipimi tsulu kepu adokivi ithuluve.

Apostolmi 14:16

Wovekeu tiqheli loye pano ashiayeh jeli pelo pututa lah pula chepeke,

1 John 5:19

Nino ithi akeuno ayeghiqha kumtsuno Alhoksau kuka qholo ani, ikemu ninguye Alhou laumike.

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 13:3

Tipau kutsu gholo lakhiye akithipu ghuzaku puaketoi, ikemu aghuzaku tipauye vithaive. Ayeghiqha kumtsuno akichiqhive eno tughashi tipau pape wuve.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Piyeküsü 17:8

Tughashi nono ithulukeu hu ghuthu lakhiye xu acheke, ikemu itehiye xuamovae; hiye aqohkutho lono ipeghini cheni eno kutsavepe nike wuve nani. Ayeghilo timi xuakemi khunoqo je ayeghiqha huthu mphi lono kuxumi kakulo yepe puaghimo nikeno, panonguno tughashi jupe akichiqhive nani. Kughengu ghuthu lakhilo tiye xuacheke, ikemu itehiye xuamovae eno tipauno ipeghikithe nani.

Piyeküsü 19:20

Tughashi ngo pa gholo kichile tungkupu pa zulono akumzapu kumla shichekeu ngo ishi akughu shipeniye kughaluve. (Kichile tungkupuno akumzapu kumla shipuzu khunoqono tughashi wu amchi pe-a eno khunoqono tughashi wu ajulho shisukeu mllachekeno tipaqo pishiqhi acheke.) Tughashi ngo kichile tungkupu pama kini kujo akuxuno amiyizulo amichu pesu pitiakeulo vesuve.