DANIEL 2:5 - BAIBEL (BSI)

⁵ Akukauno panongu vilo pi, “Ino kiu samo pumolu keno eno tipau kiqi ishi ivilo pitsumo aye saputsa. Tsala nonguno pimlave aye nongu phi-au hechhe pinivetsuni, nongu kuaki ghi ayeghilo hedave tsuni.

Sumi Naga CL (Re-edited) Bible (BSI)

⁵ Akükau no khochile no Chaldeami vilo pi, “I no mtütüi atsa hi piani: tsala nongu no asamo eno tipau hekupho I pelo ithive pemo aye, nongu phiau aleqhi shi süthave no nongu ki kütsave tsü nanie.

DANIEL 2:5 Mawu Ofanana

KUKAMI AKINIU 10:27

Hitoi shi panonguno achine tsukucho eno achineki hexapiniyivetsu, tishino achineki hu pesu kubakupujo a shivetsu, tihu ishikutolo tishi ani.

EZRA 6:11

Khuno ahza hipau hebideveni keno pa kisu sujope xukumtsu puzu pa qhuqhivelo eno pa kiye pesu xale kumqove tsulo.

LESHELE 50:22

“Hi inilo, nongu Alhou phimono achekeqo, tikumoaye ino nongu kutsakhave nani, eno khunomu nongu xamla nani.”

LESHELE 58:7

Azu qopuhave keshi panoqoye hauve pelo, panoqoye alaghilo alupi nedave keu toive pelo.

DANIEL 2:12

Tileno akukauno shishe aloghu ideveno Babilon lo akukauno qhipua keqo alokutsumi kumtsu pithive penike ahza tsuve.

DANIEL 3:29

“Ike itehi ino ahza tsu ani. Kiu kiu shiayeh shi aghi namu atsa ajeli kututa picheghi kemi pimu, Shadrak, Meshak eno Abednego pano kuthu Lhou thakeu tsa pikeqo phiau hechhepini pevetsuni eno paki hexapini puhave tsuni. Alhou kutauye hitoi xalukepu kuhae.”

DANIEL 4:9

Belthashazar, tungkupu tsa kipimi dolo atou, Akimthe Lhou ghungu hu ogholo anipi ino ithi ani eno tuqhou thime kumtsu kighithiuke. Isamoye hike, akiqi kiu keno ivilo pilo.

ZAKINIU 13:16

Tilehi xuakemiqo nhemgha kumtsu pesu akumllagho lakhi AMPEU nongu Lhou mllalo. Tipau taunye alhokupujulo xalepe qhive masake eno khilemu itaghi shikithepuku kevilo.

JOSHUA 6:26

Tipa ghulokilo Joshua no ashoqhi tsa lakhi pe timiqo lau kutughuve. “Khuno Jerikho phughi mlakithenike pukaputsani keno AMPEU no angsu pa shou apeni. Khuno aboqha tu shosuni keno panu kiptimi anoghiu puhave peni. Khuno aliwoqo mlanikeno panu anupau puhave peni.”

SAMUEL ATUGHIU 15:33

Samuel no pi, “Ozutano aza kutomo anga kuhavepe ketoi, itehiye ozauno anga kuhakeu shive peniae.” Tishi pino Samuel no Gilgal lo akumlla khache a lono Agag miche peve.