DANIEL 12:7 - BAIBEL (BSI)

⁷ Tileno kungumi huno pau kinijujo chhope atsutsu kudau peqhepe ngo puzu, Lhokta Lhou jelono tushoqhi pikeu ino chilu, “Ado hu ampe kuthuno tuxake. Kughono Alhou wu timiqo ghime keu ashekha shiveni keno, hipaqo kumtsu shikha nanike.”

Sumi Naga CL (Re-edited) Bible (BSI)

⁷ Aphi kümtsha pepu akeu, khuu aghoki zü shou akeno, pa no pi keu I no chilue; pa no atsütsü küdau pa u ajeu eno piyiu peqheno pülhapuju xü achekeu jelono ashoqhi shie, hipau ye atüqhüdo lakhi, atüqhüdoqo, eno atüqhüdo tüxa ghenguno ke, eno kughou akimthe timiqo küka hepho taveni keno, thime hipaqo kümtsü ashekha shive nani.

DANIEL 12:7 Mawu Ofanana

ISAIAH 62:12

Nonguye, “Alhou wu Akimthemi Timiqo” ipi ku nani, “AMPEU no Xaluvekeu Timiqo,” ipi nani. Jerusalem ye “Alhou no Kimiye chekeu Phughi” ipi ku nani, “Alhou no Qhivemokeu Phughi” ipi nani.

JEREMIYA 4:2

nonguye ije pesu tushoqhi nikeu achipike. Tishiaye ashiayeh kumtsuno panoqo kumghatsu penike ivilo iniju nani eno panonguno isheqhe nani.”

EZEKEL 20:5

Ino kiu piani keno tipau panoqo vilo pilo. Kughou ino Israil kishelu keno ino panoqo lau tushokiqhi lakhi shike. Ijip lo akelo ino panoqo lau ni ampino pephepiye eno panoqo vilo pike: Niye nongu Lhou AMPEU ke.

DANIEL 10:5

Ino kunguu jukelo timi lakhi aphi kumtsha u eno shunano shikeu pokha puakeu ithulu.

DANIEL 11:13

“Siriya lo akukauye ide wove nani eno azuu ghushimi nguno akichiu hekutsu nani. Kughono ado kivi ighini keno, aghushi nanu kupukulai pusu ide ighi nani.

DANIEL 12:6

Pama dolo lakhino kungumi lakhi aghokiti ahuu kudau puthugho akeu vilo iniju, “Akichiqhiyi kepu hiye ado khitohi kutolo ano ashekha shive nani kya?”

DANIEL 12:8

Pano kiu pikeno ino chilu, ikemu tipau ivehu izuve, tighenguno ino pa vilo iniju, “Ikemu akijeu hipaqo kishi kishekha nani kya?”

DANIEL 4:31

Pa mlo lono kumsu akeu pa kichi lono ashou piphe ipeghi mphi lono, kungugha lono asutsa lakhi ighi, “Akukau Nebukadnezar, ino pi akeu inijulo, okuka hu itehi olauno ikhiluve tsuae.

DANIEL 4:34

Kughono ampe tsuni tove keno akukauno ishipi,”Ino kughono kunguu atsutsulo jukeno, ilokutsu ide ighive. Tighenguno Akughushu Lhou oje sheqhe tsue eno agigihu aje kipi kumtsu kughape tiqheli tiqhelilo achekeu tsuke.” “Pano ashekha kuha ayehpeni, eno pa kukaphuye tiqheli tiqheli kuto ache nani.

DANIEL 7:21

Kughono ino ju akeno akibo tipauno Alhou wu timi sasu aghushino toluve.

DANIEL 7:25

Pano Akughushu Lhou ghobide keu tsa pi nani eno Alhou wu timiqo ghime nani. Pano panongu chineyeh eno pinyichekeu kilivetsu nike pukaputsa nani. Eno Alhou timiqo pa kuka qholo ampe kuthuno tuxa ngo nani.

DANIEL 8:14

Kungumi lakhiuno khochile keu ino chilue, “Atsala 1150 kutolo ishi ananike, hipa doloye avelau eno inaqhe ghiqhipe mlla chekeu hu tsumulano ananike. Tipathiuno achineki puhavekeu ithulu chileve nani.”

DANIEL 8:24

Paye ighono akumto anani ikemu pa kumto tipauye pa kukano kumo. Puhavekepu shikupsa pano huthuphe tsu nani eno pano kiu shikeno thwokhalo tokulu shi nani. Akuka kughushu timiqo eno Alhou wu timiqo shou puhavekepu shikupsa sughi tsu nani.

Luke 21:14

Nongu mlolo hipau mtsu mishei shilulo—hi shimphi lono kishi khochileni kela pi kumsukimghei monike

Luke 21:24

Timi hipaqoye azutakihino ghiqhi nani, eno kutami shiayeh qholo akughumi shisasu sawuve nani, eno Jerusalem ye Juda kumomino nedaqoda nani, ti Juda kumomi ghuloki tomo ke kutolo.”

ZAKINIU 26:19

Pano ashiayeh lhoqhi puakeqo kumtsu nguno nongu pesu akijeu shitsu nani eno nonguno akishe ngo agigihu pa jelo sughi nani. Pano tushoqhive ketoi nonguye pawu timiqo shi nanike.”

ZAKINIU 32:36

AMPEU no pawu timiqo xaphelu nani tiye pano kuka kuhave keu pano ithulu kethiuno. Paqe chekemi shou pano amlo ighiqhiyi keu anani; tiye panoqoye akukuphu kuhakeu pano ithulu kethiuno.

ZAKINIU 32:40

Kuchouno niye xu akeu Lhou keke, ino iu peqhepe ino tushoqhi ani,

ZAKINIU 7:6

Nonguye AMPEU Alhou timiqoke ghenguno hipau shilo. Ayeghilo timi kumtsu akeqo gholono Pano nongu pelo pawu pakutakemi shipenike kisheluke.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

Piyeküsü 12:14

Ikemu aluqu kije chishibo kini pesu atotiu tsupepua, tishianguno apighino hachekeu lono timi kughunamokealo yewulu peniyeke, eno tilauno ampe kuthuno tuxa kutolo liye tucho-hejuluve peniyeke.

Piyeküsü 12:6

Totimi huye timi kughunamokeu alo Alhou no li ghenguno a-a kutope qhipuakeulo pove, tilehino liye atsala 1260 kutolo tucho-heju peniyeke.

Piyeküsü 13:5

Tughashi pelo aqhekuza tsa eno Alhou thaighakeu tsa pilukepu kichi eno tipau pelo aqhi lhobidi kini peithalukepu kuka tipau tsupua.

Piyeküsü 4:10

muchomi mukubidi huno ti akuka lakhulo iqa akeu, alhokupujulo xuachekeu zulo itsaiqi puzu pa mllae. Panonguno alepheghi akuka lakhu zulo panoqo kutsukuqho lhaqhino ishipi,

Piyeküsü 4:9

Akuxu akeu lhoxu huno akimthejekipi, agigihupu eno shikimthikeu le phe pesu akuka lakhulo akeu, khuu alhokupujulo xuachekeu lau tsukelo,