DANIEL 11:16 - BAIBEL (BSI)

¹⁶ Le ighikemi Siriyami qono panonguno Ijipmi sasu kiu shinishi keno pano ghoshi nani mujo chilemove kehu. Pano tushokiqhi yeghilo puthughono tushokiqhi yeghi kumtsu pa kuka qholo qhiluve nani.

Sumi Naga CL (Re-edited) Bible (BSI)

¹⁶ Ikemu khuu no mjochile ighi ani keno pa no kiu shinishi ani keno shi nani, eno khunomu pa zülo puthugho mla nani. Eno kütsakungo keu no pa u lo pesü ngono pa no ajuküvü yeghi lo puthugho nani.

DANIEL 11:16 Mawu Ofanana

ISAIAH 8:8

Panonguno Juda yimu ighi nani, panonguno atshunazu toi yeliqole, aku-o kutolo yimve nani, eno pachishibo sukhopesu noyeghi khipahi keno kumtsu nhakhaluve nani.” O Alhou ye nigholo ani!

JEREMIYA 3:19

AMPEU no pi, “Israil, niye opesu inu shipenishike eno ayeghi kivi otsunishi ani, ayeghiqhalo ayeghi jukiviuke. Niye opelo apuh kepi iku penishike eno ilauno khilemu tsughusu wuve penishimoke.

DANIEL 11:3

“Tileno aghulo tokulumi kukami lakhi ipeghi nani. Pano akukaqha ighono kije shou ka nani eno pano shinishi keu kumtsu shi nani.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 11:41

Pano ashoqhi yeghiqha lepuzu qhethonheno qhethonhe heqhive nani, ikemu aphughi, Edom, Muab eno Amun hipaqoye itshuluve nani.

DANIEL 11:45

Azughi ngo naghuto kuma dolo achineki khile akeno tipa alo pano kukauno ngokepu phikiqo shisuthu nani, ikemu timi lakhi nomu pa kuphukemi kuhano tileno thive nani.

DANIEL 5:19

Pa kuka ighono kije kushowo akiqheu kehu ayeghiqhalo timi kumtsu, shiyeh kumtsu eno atsajeli kumtsu msa khokhoshi pa qholo xu acheke. Tsala pano timi khami heqhive nishi aye pa gho shi heqhive che, timi khami puxuve nishimu tishi luche, pano peqhe nishi pina, piqive nishimu tishilu che.

DANIEL 8:4

Bheritsu huno pa kibono kulolau, ahuu apeu shodasu wu keu ino jua. Tughashi lakhimu tipau lakha kulupu kuha momu pa kuka zulo povemla. Pano kiu shinishi keno kumtsu pa ghoshi eno aqhekuzashi kumtsu pawu shive nikeu shi.

DANIEL 8:7

Ino paju akelono bheritsu heqhiniye mujo. Paye ighono axuide pa heqhino akibo kini hechhe pini vetsu. Bheritsuye akuka kuhano anetsu mujomula mithe. Pa kughape ayeghilo shodaveno pa pukhupe qoda amu tile khunomu pa sukho tsunikemi kuhave.

DANIEL 8:9

Akibo bidi dolo lakhi lono akibo aghulo lakhi ipeghi, pa kukano apeu kipelau eno ashoqhi yeghi kuto qhawo.

JOSHUA 1:5

Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.