BOTHUBO 41:8 - BAIBEL (BSI)

⁸ Inaqhe Farao ye amlo ighono kunachope auve ikehu Ijip yeghilo kuduumi eno alokutsumi kumtsu kusaghipe. Farao no panongu vilo pa samo lhe ikemu khuu nomu tipaqo kiqi hepho pesu pa tsumlave.

Sumi Naga CL (Re-edited) Bible (BSI)

⁸ Ikehu thanau pa kükümsü küpünave kehu pa no timi puwu no Egypt lo küdüumi ngo alokütsümi kümtsü kue. Pharaoh no panoqo vilo pa samo pi, ikemu milakhimu tipaqo hepho tsümlave.

BOTHUBO 41:8 Mawu Ofanana

BOTHUBO 40:6

Inaqhe Josef no pama lau iloghi eno pama jukelo pamaye amloksa shi aghi.

BOTHUBO 40:8

Tile pamano pavilo pi, “Nikujo milakhi khino asamo pumoe eno khuu no tipau kiqi hephotsu pemono ishi anie.” Josef no pama khochile pi, “Alhou no akiqiqo tsucheni ke, nokujo samo ivilo lhejulo!”

BOTHUBO 41:15

Farao no Josef vilo pi, “Ino asamo lakhi pumo kemu khuu nomu tipau kiqi hephotsu mlano anie. Ivilo oghili pikeuno noye asamo ini puzu tipau kiqi hephotsulu nani pike.”

BOTHUBO 41:24

Aghipe ichikhoi keqono chhikhoi keu ghipe tsuni hu munoveche. Ino hipau kuduumi vilo pi kemu khunomu tipa kiqi hepho itsumlae.”

BOTHUBO 41:7

Ichikhoi keu ghipe tsuni huno chhikhoi eno nimzuyi akeu ghipe tsuni hu munove. Farao no zuida ithughi kelo tiye asamo shi aghive.

LESHELE 25:14

Khunono AMPEU sumsa cheni keno paye AMPEU shompami ke, tipanoqo lau pano puloshoqhi pesu pitsu cheni.

IPEKULU 7:11

Tileno akukauno pawu kighithimi ngo kuduumi kusaghi eno panonguno kuduu shipuzu tipaphi shiluve.

IPEKULU 7:22

Ikelo akukau kuduu miqoghi pano kuduu pesu tipaphi shiluve eno akukauye puzuu tho lono kuthovi auve. AMPEU no pive ketoi akukauye Muse ngo Aron tsa initsumoe.

IPEKULU 8:7

Ikemu kuduumiqono kuduu peitha eno panongu ghi achuyiqo pelo ayeghilo ipeghipe ke.

IPEKULU 9:11

Kuduumiqoye Muse zulo ipeghi mlave kughengu panonguye Ijipmi kutamiqo toi amisheno panoqo philoghi ipeghiveke.

ISAIAH 19:3

“Ino Ijipmino kughupe akeu hexavetsu nani eno panoqo ghuthi pusuvetsu nani. Panonguno ajulho shisu puakeu vilo kuphulepi iniju nani, tumumi vilo iniju eno kithimi ghungu putsau nani.

ISAIAH 29:14

Tighenguno julo, ino itaghi timi hipaqono lajumono akeu ghime pesu panoqo shithughuyi nani. Khunoqono alokutsumi kepi acheni keno kughuzumi shive aghi nani eno pano shitsa jeli kumtsu adou shive nani.”

ISAIAH 8:19

Ikemu timiqono nongu vilo asaqhi chekemi eno tumumi launo atsape inijulopi pinani, tipaqono pipishi igha eno mamashi picheni. Panonguno ishi pinani, “Timiye aghahwuqo launo asutsa lumoni kesha? eno kuxumi zuqhushi kithimi vilo kighini kilejumoni kesha?”

DANIEL 1:20

Akukauno kishi kutho kuzu tsa panongu vilo iniju pina eno akupuna jeli kiu panongu zulo sughi pimu pano bidiye ghuthu chighino kutami pano ghakhulo kuduumi eno auye kujumi nguno akiviu shi khochilelu eno xathalu.

DANIEL 4:18

“Ino pumo lukeu samoye hike,” ipi akukau Nebukadnezar no pi. “Belthashazar nono hipau kiqi ivilo pilo, igholo akemi alokutsumi lakhimu ivilo pimlaveake, ikemu olikhino ivilo pilu nani kughengu ogholoye Alhou anike.”

DANIEL 4:19

Tilehi Danel pa je kutau ghi Belthashazar ipi kuche keuye akichiqhiyi kehu atsamu pimono thughuyi ngove. Akukau no pa vilo pi. “Belthashazar, asamo hipau eno pa kiqi pelo okichiqhiyi pekivilo.” Belthashazar no khochile, “Akiqheu, asamo eno pa kiqi pelo oghenguno kumono oghumi sala pumo lukeu shi aghi peniu.

DANIEL 4:5

Ikemu akuighupu samo lakhi pumolu, zuake lono kungunhetsu lono ithulukeu akumsapuke.

DANIEL 4:6

Ino ahza tsukeuno Babilon yeghiqhalo akukau qholo kijemi kumtsu ilau saghi eno asamo kiqi ivilo pitsulo pike.

DANIEL 4:7

Tileno auyekujumi, kuduumi, aghahwu kusami eno ayepu kighithimi sasu ighi, tileno ino isamo panongu vilo pikemu akiqi ivilo pilunikemi kuhave.

DANIEL 5:11

Oyehkipe qholo akemi timi lakhi ani pa gholo akimthe Lhou ghungu anike. Kughono opuno ka akeno timi tipauno alokutsu, akighithi eno Alhou kighithi kutho toi keu kichepiye luke. Akukau Nebukadnezar, opuno timi tipau pesu ashe azuu ghili piche kemi, kuduumi, aghahwu kusami eno ayepu kighithimi kumtsu shou atou shivepeke.

DANIEL 7:28

Ino yepe qhikeu hino ashekha. Niye akumsano ajimu kuha ketoi phalaive eno tipaqo kumtsu imlolo qhiluve.

DANIEL 8:27

Niye ighono imeveno atsala kutomo su awuve. Tithiu ida ithughi puzu akukauno ipulu puakeu kumla shinike ghenguno tipa alo wuve. Kungunhetsu ithulu keuhu shishe ivehu kughuzushi kiu kiqi kela muthano ngove.

ACHINE 19:31

“Kithimi ghungu sasu kusutsa chekemi launo akukumsu lunike wukevilo. Nonguno tishi aye chinike pulo mithemovae. Niye nongu Lhou AMPEU ke.

ACHINE 20:6

“Timi khunono kithimi ghungu sasu kusutsa cheni keno tipano launo akukumsu luniye wu aye, ino pa kutotsu nani eno paye iwu timiqo gholo kihisumove nani.

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

MATTHEW 2:1

Herod no akukau shiake ghulokilo Judia ghakhulo Bethlehem phu lono Jisu punu, ikelo kipelauno ayepukighithimino Jerusalem lo ighino ishipi,

Apostolmi 17:18

Epikure kukutsu papekemi eno Stoiks kukutsu papekemi khami ghi ighieno pa sasu kighe. khamino ishi pi, “Tsathipa hipauye kiu piniepi ani kya?” Kutami khamino ishi pi, “Paye kutami shiayeh lhou ghili pi aghikepu toi anike.” Panonguno ishi pikeuye kutau ghenguno kumo puzu Paul no Jisu ghili eno xuchilethughi keu ghili pikeu ghenguno ke.

Apostolmi 7:22

Ijipmi kighithi lokutsu kumtsu pesu pa shika puthu, eno atsalo na akumlalo namu kijemi lakhi shiluve.

1 Kor. 1:19

Tighenguno kuchoyesulo ishi yepepuani: “Ino asuqekithimi suqekithi shipuhavetsu nani, Ino akighithimi muqu lutsumove nani.”

SAMUEL ATUGHIU 6:2

Filistiyamino achinemi eno kuduumi ku-kutsuno iniju. “Ninguye AMPEU wu Puloshoqhi Bohu pesu kiu shive kepu kya? Puzuu acheke alo tsuchile puwuve nike ghenguno kiu pesu tipau gholo sukuqhano tsupuwuni kya?”