BOTHUBO 41:56 - BAIBEL (BSI)

⁵⁶ Ayeghiqha kumtsulo puqumiyeve ikehu Josef no abi-ale kumtsu khaqhi eno Ijipmi vilo athi jesu tsue, kughengu Ijip yeghilo puqumiye keuno shishe shisakeu shive.

Sumi Naga CL (Re-edited) Bible (BSI)

⁵⁶ Ikehu kughou püqümiye no ayeghi kümtsü lo ighive keno, Joseph no pekütsü püakeu ki kümtsü khaqhive, eno Egyptmi vilo jekimje tsü, kughengu püqümiye ye Egypt yeghi lo shishe kije shiveke.

BOTHUBO 41:56 Mawu Ofanana

BOTHUBO 12:10

Tipa ghakhulo puqumiye ighie eno achuqupu ithumla mitheve kehu Abram ye apeu Ijip yeghi lo ado kitila ghenguno pokawuve.

BOTHUBO 41:30

Tipathiu, ampe tsuni puqumiye nani, eno Ijip yeghiqha kumtsulo nibonilei keu kumsumaqhoive nani, eno puqumiye keuno aghakhu pitipuzaqhi nani.

BOTHUBO 41:35

Panongu pelo kinikulu mipe chekeu dolono achuqupu kumtsu qhakutsu pelo, Farao qholono athi pekutsu pesu aphughiqolo pekutsupe qhipelo eno ti kheluve pelo.

BOTHUBO 41:55

Kughou Ijip yeghiqha kumtsulo puqumiye ighivekeno timiqo no Farao vilo ighasusu achuqupu phu ighie. Tile Farao no Ijipmi kumtsu vilo ishi pi, “Josef lau wulo eno pano nongu vilo kiu shilo pini keno ti shilo.”

BOTHUBO 41:57

Ayeghiqha kumtsu lono athi qhuniye Ijip lo Josef lau ighi, kughengu ayeghiqha kumtsulo puqumiye keu lono shishe shisakeu shive.

BOTHUBO 42:6

Josef no Ijip yeghilo ahng kehu, ayeghiqhalo timi kumtsu vilo pano athi jesutsu ae. Ike Josef pamunoqono ighi no pa gizulo panongu gi pishiqhope itsaiqie.

BOTHUBO 43:1

Puqumiye keu Kanan yeghilo ihulo keu shi auve.

ISAIAH 23:17

Kughono ampe lhotsuni taveni keno AMPEU no Tur pelo puzuu lino lhidi shichekeulo idewovepe nani eno ayeghiqhalo ayehkipeqha kumtsu pelo li piqelu penike lino tsu nani.

ZEKHARIA 5:3

Tileno pano ivilo pi, “Tipaulo musuinikeu yepuku puani eno tiye aghakhuqha kumtsu shou wupeniyeke. Likuzu kaku tuxau yepua keuno aghakhu lono kupkami kumtsu haleve nikeu pipuani; eno tuxa kudau yepua keuno tushoqhi akelo mikichekemi kumtsu ikhipewuve nike pipuani.

Luke 21:35

Kughengu tiye alichhe shipuakelo toi phayi ayeghi qhalo timi kumtsu shou ighi nani.

Apostolmi 17:26

Timi milakhi lau huno pano timi ashiayeh kumtsu lho, eno tipaqo pelo ayeghiqha kuchopu shou kughunalupeke. Panongu pelo ado khikuto akepu eno alughi khipa kutolo kughunakepu keno pa ampino azuuno kughuthavae,