BOTHUBO 2:17 - BAIBEL (BSI)

¹⁷ ikemu akivi eno alhoksa ithilupe chekeu subo xathi noye chukevilo. Kughengu tipau chukeu tsala nino noye thini putsae.”

Sumi Naga CL (Re-edited) Bible (BSI)

¹⁷ ikemu no ye akivi ngo alhoksa kighithi sübo loye chumoni, kughengu tipau chuke tsala lono no ye mtsüqheino thive nani.”

BOTHUBO 2:17 Mawu Ofanana

BOTHUBO 2:9

AMPEU Alhou no ayeghi lono jukivi ithulu kepu subo ngo chulukepu subo kumtsu ipeghipe. Tile akuxupi subo aghutu mtalo ae, eno akivi ngo alhoksa ithilukepu subo ghi ae.

BOTHUBO 20:7

Mtazu totimi hu li kimi lau tsuchilevelo kughengu timi huye tungkupmi lakhie pano oghenguno inikhutsu aye noye thimo nani. Nono li tsuchileve monapi aye no eno ogholo akemi kumtsu thini putsa kepi ithilo.”

BOTHUBO 3:11

Tile Alhou no pi, “Noye aphi kumsa ani pi khuno ovilo pikya? Ino ovilo chukevilo pi keu xathi chuvea kesha?”

BOTHUBO 3:17

Alhou no Adam vilo ghipi, “Nono onipu tsa inive puzu ino ovilo chukevilo pikeu subo xathi chuve ke ghenguno, ayeghiye musuinivae. Okuxu kupujulo noye aghichhe aghime shi mlano chupeniu.

BOTHUBO 3:19

Noye ayeghilo idewomoke kutolo, otsunhizu kighiji puzu ochuqupu chulupeni kughengu tipau lono olho phe kehu. Kughegu noye ayeghi mukhue eno ayeghi mukhulo idewonia.”

KUKAMI ATUGHIU 2:37

Tsala nono Kidron hechesu khila khilaumu wuve aye tipa tsalanino noye thive nani eno akipimiye olikhi nono chunani.”

KUKAMI ATUGHIU 2:42

pano pa kusaghipeno pi, “Ino ovilo AMPEU jelono Jerusalem phekevilo pi tushoqhie. Ino ovilo pikumsakeu ghi nono pove aye noye mutsuqhei thive nani pi okutughue. Noghi igholunipi pulo kuqha ke kumo kesha?

JEREMIYA 26:8

AMPEU no ivilo pilo pi ahza tsukeu kumtsu ino pitave kemtsa panonguno itsuquluveno ighamuku pi, “Noye hipau ghenguno pithive kepushivae!

EZEKEL 18:13

akighishe lu-ghi puna cheni, eno alau luchenike. Paye xulu nani kesha? Moe, paye xumla nani. Paye kuchhube kutsula hipaqo kumtsu shiveake ikehu paye thiniake. Pa kithiye pa makho shiniake.

EZEKEL 18:32

Ikehu Nongu xine lono tsughuvelo eno xululo.” Akughushu MPEU no pike.

EZEKEL 18:4

Timi kumtsu kuxuye iwuke, apuaza kuxu na atianuli kuxu pinamu iwuke. Timi khuuno axine shini keno timi tipauno thi nanike.

EZEKEL 33:14

Timi lhoksami vilo paye thi nani kepi ino kutughu aghiluvi ikemu tsala pano axine shimove puzu achipiu eno akivi shicheuve aye,

EZEKEL 33:8

Tsala alhoksami lakhiye thive nani kepi ino asheshuni ikemu pa kuxu xaluve kepushi pa vilo pa laghi xakideve lopi nono pa kutughumo aye paye axinemi shi-ghi thiveniake eno pano thivekeulo ino oshou amakho pipe nani.

AKIKIHI 26:65

AMPEU no pipua keuno panongu kumtsu asayeqha lono thive penikeu shi eno Jefuni nu Kaleb ngo Nun nu Joshua pama likhi thono panongu kumtsu thi khave.

Rommi 1:32

Panonguye Alhou yezahlo timi khunono hikithipu shini keno pithive kuzupuepi ithi ikeghi panonguno hipau shikeu likhi kumono kutamino hipaqo shichekeulo ghi panongu mlo kiqishi acheni.

Rommi 6:16

Nonguno Ampeu khuu qeno gholu ani keno pa qemiake; ikemu nonguno axine qeu shiaye akithilo sailove nani eno aghokulu qeu shiaye tino nongu sasu achipiulo ilove nani kepi nonguno ithi ani.

Rommi 6:23

Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.

Rommi 8:2

Kughengu Jisu Khristo gholo akuxupi Ghungu yezah huno axine ngo akithi kuma yezah lono ikuqhophevae.

1 Kor. 15:22

Kughengu Adam gholo kimepe akeu lono timi kumtsu thiveke toi, Khristo gholo kimepe akeu lono kumtsu puxuve nani.

1 Kor. 15:56

Akithi ghuzakepu sahuye axine ke, eno axine kukaye Ayezahke.

Galatiami 3:10

Tighenguno khunono Ayezah lo mlalo pipuakeu shilukeu pukhu acheni keno tipanoqoye Alhou no musu inivekeulo anie. Kughengu kuchoyesulo ishi pipuani. “Khunoqono Ayezah kakulo yepuku puakeu kumtsu pelumo eno tipaqo shimo nikeno tipanoye musuinikeulo ani!”

Ephesiami 5:14

eno kiu kiu namu ithuluvepe aye akuvu shiluve cheni. Tighenguno ishi pipuanike, “Ithuvelo, O zuakeu Kithimi gholono ithughivelo, Eno Khristo no oshou yepuvu tsu nani.”

ZAKINIU 27:26

‘Timi khuuno Alhou yezah eno akukutsu kumtsu papelumoni keno Alhou no musuinikeu pa shou ani.’ Eno timi kumtsuno khochileni, ‘Amen!’ ”

ZAKINIU 30:15

“Ishi tsalalo ino nongu pelo akivi ngo alhoksa kuma dolo eno akuxu ngo akithi kuma dolo kishelu kepu tsu ani.

ZAKINIU 30:19

Ino itehino nongu pelo akuxu ngo akithi kuma dolo, Alhou kukumgha ngo Alhou wu musuini keu kuma dolo kishekulupu tsuani eno nonguno kishelu keulo thopi shipenike ino kungugha ngo ayeghi kusu ani. Akuxupu kishelulo.

Kolosiami 2:13

Nongu xine ghenguno ngo Judakumomi aphighu yiko ghamokeqoye Alhou kudauye thi acheke, ikemu itehiye Alhou no Khristo gholono nongu puxuvetsuae. Alhou no ninguno hekibide xine shivekeu kumtsu pevetsuae.

1 Tim. 5:6

Ikemu chimemi khuno li kuxu kilhekulhu xuni keno liye xu anamu kithimi shiauvae.

James 1:15

Tileno pawu shinishi kutukeu lhoksano mishipuluve puzu axine punuqhi cheni; eno kughou axine chhikhoi thuwuveni keno akithipu sughi cheni.

1 John 5:16

Nongu gholo khualano pa thikuzumi lakhino thimokepu xine shiaghikeu ithulu aye, nono Alhou vilo khulo, eno khunoqo xineno akithipu kumokeno Alhou no akuxupu pesu pa tsu nani. Akithipu xine acheni, eno niye nongu vilo tipau ghenguno Alhou vilo inikhu lopi piamoe.

Piyeküsü 2:11

Khunono akini puani keno Aghunguno akukuhouqo lau piakeu chilupelo! Khunono theqhikulushi toluni keno akithi akiniu pesu ghuzamo nani.”

Piyeküsü 20:14

Tileno akithi ngo kithila yeghiye amiyizulo vesuve. (Amiyizu hipauye akithi akiniuke.)

Piyeküsü 20:6

Kithimi xuputhukeu atughiu hipaulo khunoqono suluni keno tipanoqoye shishe akumgha eno alokivipue. Akithi akiniuye panoqo shou akuka kuha nani, panonguye Alhou wu eno Khristo wu achinemi shive nani eno panonguno pa gholo ampe 1000 ayehpe nani.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

XAKUTHAMI 3:2

Pano hi shikeuye Israilmi tiqheli lakhi khi pelo aghukishi ghili shikalu penike ghenguno thosulo khilemu aghu shiwu jumokemi qophe tsuniye shike.

SAMUEL ATUGHIU 14:39

Ino xukuau AMPEU khuuno Israilmi tokulu tsuche ni keno pa zulono tushoqhi pi ani, khuuno axine shive aghinikeno tipauye pithiveni, tsala inu Jonathan shi aghinamu.” Ikemu khuunomu kumu pimoe.

SAMUEL ATUGHIU 14:44

Saul no pa vilo pi, “Tsala opithimove aye Alhou no iheqhi pithive nani!”

SAMUEL ATUGHIU 20:31

David no xu ake thaqhu loye noye khilemu hipa ghakhu shou akukau shiluni chemoepi noye vethalumo kesha? Itehi mtazu wuno pa sasu hile ighilo, paye thive masa putsae!”

SAMUEL ATUGHIU 22:16

Akukau no pi, “Ahimelek, no eno obolomi kumtsu thivemasae.”