BOTHUBO 17:8 - BAIBEL (BSI)

⁸ Nono itehiye inami shi ghi akeu yeghi hu ino no eno othiu otianuliqo tsunie. Kanan yeghi qha kuchopu pulhapuju sala shi nongu wu shive nani, eno ino panongu Lhou shive nani.”

Sumi Naga CL (Re-edited) Bible (BSI)

⁸ No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 17:8 Mawu Ofanana

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 13:15

Kughengu nono ithulu akeu yeghi qha kumtsu ino no eno otikughuko tsunie, hiye pulhapuju ghengu nongu wu shiniae.

BOTHUBO 13:17

Ithu puzu ayeghi khipahi kije eno khitohi kushuwa keno iqhoiqi julo kughengu hi kumtsu ino otsuni cheni.”

BOTHUBO 23:4

“Niye inami eno kupokichemi shi nongu gholo acheni. Inipu kumo qhonike ghenguno ayeghi a-a lakhi ivilo jesu tsulo.”

BOTHUBO 26:24

Tipaji AMPEU no pa lau ipeghi no pavilo pi, “Niye opu Abraham Lhou. Ino ogholo ani ke musa kevilo. Iqeu Abraham ghenguno, ino okumghatsuni eno oti kughuko tsunie.”

BOTHUBO 28:4

Pano Abraham kukumgha otsu eno opiti tsu peni, tishi keu lono nono khipa yeghilo inami shi achekeno, Alhou no Abraham tsu keu yeghihu, omheghi shilu nani.”

BOTHUBO 35:27

Jakob no papu Isak no Kiriath-Arba itehi Hebron ipichekeu qhalo Mamre alo ighi, Abraham ngo Isak pamano izuwukeualo.

BOTHUBO 36:7

Pano wuvekeuye kutau ghenguno kumono panongu wu akinino kutsasa shive kehu kumtsa ngomla kepu shive, panonguno achekeu yeghi huye atsu-aqu kutomo shive kehu ngozulave.

BOTHUBO 37:1

Jakob ye papu no inami shi achekeu Kanan yeghilo xu ache.

BOTHUBO 48:4

eno ivilo ishi pi, “Julo ino opelo atianuli kutomo shilu peni eno opelo kighishelu eno opelo ashiayeh timi kumzapu shitsuni eno oti anuliqo pelo pulhapuju pighiwuve penike hipau yeghi ino panongu tsunie.

SAMUEL AKINIU 23:5

Tihutoi Alhou no ipolo kughuko kumghatsu nani; kughengu pano isasu alhokuthu ghenguno puloshoqhi shivae. Pulokile lukeu tipauye kubomo nani. Ashoqhi tipauye kilivemo nani. Ino mine hechekeuye tipauke; tipauno iwu tokulu shinani, eno Alhou no kuchouno tipaqo shikuputsu nani.

YEKIKITHI ATUGHIU 16:18

“Ino Kanan yeghi pe otsuve nani,” ipi pano pi, “Hiye omheghi shive nani.”

LESHELE 103:17

Ikemu khunono AMPEU gihuni keno, pa kikimiye panoqo lau alhokupujulo ani; eno paye akivike pikeuno tiqheli kumtsu shou ani.

LESHELE 105:11

“Ino Kanan yeghi nongu tsuni, tiye omheghi shicheuve peni,” ipi pano pike.

LESHELE 105:9

Pano Abraham sasu puloshoqhi shikeu peche nani eno Isak lau tushoqhi keu peche nani.

IPEKULU 13:11

“AMPEU no nongu sasu Kananmi yeghilo ighi nani tiye nongu eno nopu asuqo tsunikeu shi pano tsaquino tushoqhi veake. Kughou pano tipau nongu tsuni keno,

IPEKULU 21:6

pa mpiuno aqeu tipau sasu Alhou kilo wulo eno papelo ahukikha momu ahukikha kucho mungu pe puthugho peno pa mipiu pelo ayi pesu pa kini vuphetsulo; tithiu paye akuxu kupujulo pa mpiu qeu shive nani.

IPEKULU 29:45

Ino Israilmi gholo ache nani eno niye panoqo Lhou shive nani.

IPEKULU 32:13

Oqemi Abraham, Isak eno Jakob kumsuchilelulo. Nono tsaqutsalei keu shoqhi panoqo lau shikeuno atsutsulo ayepu akeu jehi panoqo polo kughukomi shitsuni eno nono tsunikeu shi tushoqhi vekeu yeghi pesu panoqo polo kughukomi ghenguno alhokupuju mheghi shipe nikeu shi akeu kumsuchilelulo.”

IPEKULU 40:15

Tishino nono panoqo papu teli pesu nu ke toi panoqo ghi nutsulo tishianguno panonguye achinemi shi iqelu nani. Hipau nukeu huno panonguye alhokupujulo achinemi shiluvepe nani.”

IPEKULU 6:4

Ino panoqo sasu ghi puloshoqhi shike, Kanan yeghi panoqo tsunikeu shi tushoqhi ke, tipau yeghilo panonguye inaghami shi xuacheke.

IPEKULU 6:7

Ino nongu pesu iwu timi shini eno niye nongu Lhou shini. Ijip lo nonguno aqemi shi akeulo kughono ino nongu kuqho pheveni keno tileno niye nongu Lhou AMPEU kepi nonguno ithi nani.

JEREMIYA 25:5

Panonguno nongu vilo kixikila kuxu laghi lono eno alhoksa kumla shiakeu lono tsughu ighive penike nongu vilo picheke tishianguno alhokupuju mheghipu shi AMPEU no nongu eno nopuasu tsukeu yeghilo xualu kepu shilupeniyeke.

JEREMIYA 31:1

AMPEU no piani, “Ino Israil lo alaghami akeqo kumtsu Lhou shiluvenikeu ghuloki wocheni eno panonguye iwu timi shive nani.

EZEKEL 11:20

Tithiu panonguye iyezah pelu nani eno ino ahza tsukeu kumtsu pichebekulu shi agholu nani. Panonguye iwu timi shive nani eno niye panoqo Lhou shive nani.

EZEKEL 33:24

“Thinikuau timio, Israil lo aphughi ixapinyive keulo timi akeqoye ishi piani: ‘Abraham ye timi lakhi likhike, eno ayeghiqha kumtsu pa tsupuanike. Ninguye timi kutomo anike, itehi ayeghiye ningu wu ake.’

ACHINE 14:34

ayezah hipaqo tsu, tiye akilo akughumho phawo aghikeulo kiu shive kepu keno tipau ghengunoke. Hipaqoye Israilmino Kanan yeghi, panoqo mheghi shipenike AMPEU no tsuniye akeulo iloluve kethiuno pepimhe peniyeke.

ACHINE 16:34

Ayezah hipaqoye ighinikeu ghuloki kumtsulo ikhi luche masake. Achine hipauye Israilmiye panoqo xine kumtsu launo shikimthe nike ampe lakhilo ghuthu lakhi pinyi masa. Ike AMPEU no ahza tsukeu toi Muse no shike.

ACHINE 26:12

Ino nongu gholo anani, niye nongu Lhou shi nanike eno nonguye iwu timi shi nanike.

ZEKHARIA 8:8

Jerusalem lo kughuna penike panoqoye ino saghi nani eno panonguye iwu timi shive nani eno ino panoqo Lhou shive nani, pichebekulu shi eno amikucho lono panoqo shou ayehpekeu shi nani.

AKIKIHI 10:29

Muse no pangu Hobab Midian noghami Jethro nu vilo pi, “Ninguye AMPEU no pano ningu tsuniepi akeu alo wuniye kuto ayeake, pano Israilmi pesu kinikulu shitsuni ipi piqhipe puani, tighenguno ningu wuni ighilo eno nonguno kinikulu shikulu osasu kusajenike.”

AKIKIHI 25:13

Pa eno pa laghaqo ye ishokibe ghi achinemi shiche penikeu shi kutove tsuae kughengu isasu kusuxani kemi lau paye kutuuve keu shimoke eno timiqo xine ghenguno axine qhivetsu keu sughilu peke.”

AKIKIHI 27:12

AMPEU no Muse vilo pi, “Abarim Toghilo ikulo eno Israilmi lau ino tsu akeu yeghi shou jupuwu julo.

Apostolmi 7:5

Ikeghi tipa-alo apukhu nepa qhemi lakhimu pa mheghi shilukepu tsumoe; ikemu Alhou no tushoqhi keuno ti pa tsuniepi, eno tiye pawu eno pa tikughukomiqo wu shipeniepike. Alhou no hipau shoqhi shike ghulokilo Abraham ye ati anuli kuhae.

ZAKINIU 14:2

Nonguye AMPEU nongu Lhou wu timiqoke; ayeghilo timi xuakemi gholono pawu timi shipenike pano nongu kisheluke.

ZAKINIU 26:18

Ishi tsalalo AMPEU no pano tushoqhiveke toi pawu timiqo kepi nongu ikhiluvae; eno pa yezah kumtsu pelu lopi pano ahza nongu tsue.

ZAKINIU 29:13

tishianguno nonguye pawu timi eno paye nongu Lhou kepi itehino mutsuqhei shive pelo, tiye pano nongu lau eno nopuasu Abraham, Isak eno Jakob lau tushoqhive keu toi shipelo.

ZAKINIU 32:49

“Muab ghakhulo Abarim Naghutolo wulo tiye Jerikho phughi ghungulo; Nebo Toghilo ikulo eno ino Israilmi tsuniye akeu Kanan yeghi juluvelo.

ZAKINIU 32:8

Shishe Akiqheuno ashiayehqo pututa yeghi kutotsuwo; timiqoye khile akepu keno pano kughutsu. Pano Israil shiayeh lakhi khi lau alhou lakhi kutotsu,

ZAKINIU 34:4

Tile AMPEU no Muse vilo pi, “Ino Abraham, Isak eno Jakob vilo pano polo kughukomi tsunikeu shi tushoqhive keu yeghiye hike. Ino opelo juluve anipeke ikemu niye opelo tilau wupemo nanike.”

ZAKINIU 4:37

Pano nongu puasuqo kimiyeke ghenguno nongu kisheluke eno pa kuka kije pesu pa ampino Ijip lono nongu saipeghike.

ZAKINIU 9:5

Nonguno akivi ke ghenguno AMPEU ye nongu pelo panoqo yeghi lupeniyeke kumoe. Pano panoqo halevetsuniye akeuye panonguno lhoksa kughami eno pano nongu puasu Abraham, Isak eno Jakob lau tushoqhi puakeu kumsupu achenike hue.

IBRIMI 9:15

Highenguno Khristo no Puloshoqhi Akitheu pekime kutsuuke, tishianguno Alhou no kuluvekemi pelo lhokta mheghi piqhipuakeu ithulupe niyeke, kughengu akithi lakhi thipe puakeu huno timino puloshoqhi atughiu qholo akelo pimipuakeu launo panongu xachile phelu anike.

JOSHUA 1:2

iqeu Muse thivae. Itehiye no eno Israilmi kumtsu kutolulo eno Jordan kathasu ino panongu tsu akeu yeghilo wulo.

Piyeküsü 21:7

Khunono theqhikulushi tolunikeno paye ilauno hipau ithulu nani: Ino pa Lhou shiluve nani eno paye inu shiluve nani.