BOTHUBO 12:2 - BAIBEL (BSI)

² Ino otikughuko pesu shiyeh kije shitsunie. Ino okumghatsu puzu oje pipi tsunie, tishianguno noye kutami kumgha kutsuu shipeni.

Sumi Naga CL (Re-edited) Bible (BSI)

² I no o pesü shiye kije shitsüni, I no o kümgha tsüni, eno o je kije shitsüni, tishianguno no ye kükümghau shipeni.

BOTHUBO 12:2 Mawu Ofanana

BOTHUBO 13:16

Ino opiti pesu ayeghi lo asaye jehi shitsuni eno timino ayeghilo asaye kihikhamla ke toi opiti kughukoye kihikhamla peni.

BOTHUBO 15:5

Pano pasasu qhaghalei keu-alo saipe puzu pi, “Kunguu jupuku julo eno nono kihi kulupu aye ayepuqo kihi julo.” Pano pa vilo pi, “Opitiye tijejehi nani.”

BOTHUBO 17:20

Eno Ismael ghenguye ino osutsa chiluvae, ike ino pa kumghatsuni, pa pelo atianuli kutomo ithulupe eno pa tikughuko tsu nani. Paye kijemi chighikini papu shi nani, pa pelo ashiayeh kije shilupe nani.

BOTHUBO 18:18

Abraham ye ashiayeh kije eno akumto shi nani eno ayeghilo ashiayeh kumtsuno pa kumghatsuke toi kumghatsulo pi nani.

BOTHUBO 18:19

Kughengu ino pa ithi ani, ike pano pa nuliqo eno pa lagha ahza tsu keu shilu nani, panonguno AMPEU laghi pelu nani eno amikucho ngo achipiu lono kughatha keu shi nani. Tishianguno AMPEU no pa ghenguno piqhipuakeu Abraham shou pano shikuputsu nani.”

BOTHUBO 19:29

Abokhuqa lo aphughi akeqo kutsa akelo Alhou no Abraham kumsuchilelue. Eno Lot no achekeu phughi puhavetsu akelo pano Lot xaphelue.

BOTHUBO 24:1

Abraham ye ighono kitemi shiuve, eno AMPEU no thwokhalo pa kumghatsue.

BOTHUBO 24:35

AMPEU no impeu shishe kumghatsuno paye kinimi shi anie. AMPEU no bheri, ane, amshi, tsandiyi, shuna, aqepumi aqelimi eno kemel ngo gadaha ishi pesu pa tsue.

BOTHUBO 25:11

Abraham thive kethiu Alhou no panu Isak kumghatsue, eno paye Beer-Lahai-Roi zukikhe philo ache.

BOTHUBO 26:3

Hipau ghakhulo ngolo, ino osasu ani eno okumghatsunie. Kughengu ino otikughuko lau hipa ghakhu kumtsu tsuni eno ino opu Abraham lau piqhi puakeu shoqhi ino shikuputsunie.

BOTHUBO 26:4

Opiti pelo atsutsu lo ayepu qo toi kighishe wolu peni, eno hipa ghakhu kumtsu otikughukoqo tsunie. Ayeghilo ashiayeh kumtsuno ino otikughuko kumghavetsu ketoi panongu kumghatsulo pinani.

BOTHUBO 27:29

Timiqo pelo oqe peni, eno ashi- ayehqo pelo ozulo itsaipu peniu. Nobolomiqo shou ampiu shipeni eno oza tikughukoqo pelo ozulo itsaipu peniu. Oghusho kemiqo shou ghushokeu apeni, eno okumghatsu kemi shou kukumgha apeniu.”

BOTHUBO 28:14

Otikughukono ayeghi mukhu jehi nani, eno otikughukono kipelau ngo kulolau, ahuu ngo apeu qhanhawo nani. Ino no eno otikughuko kumghatsu kehu toi ashiayeh kumtsuno pano kumghatsu peniye ivilo iniju nani.

BOTHUBO 35:11

Alhou no pa vilo pi, “Niye akughushu Lhou, atianuli kughukoluno ashiayeh lakhi shilulo. Ashiayehqo olauno ipeghi nani eno ophilono kukami ipeghi nani.

BOTHUBO 46:3

Alhou no pi, “Niye Alhoue, opu Lhou ke. Ijip kudau iqinikeu musa kevilo, kughengu ino opelo ashiayeh kije lakhi shilu penani.

SAMUEL AKINIU 7:9

Nono khile khile wumu niye ogholo chewue, nono khijehilo azuu hahu keno ti kumtsulo ino oghumi theqhi tsue. Ino okugha pesu ayeghiqhalo ighono ajekipimi sakiphetomi toi shitsu nani.

KUKAMI ATUGHIU 1:47

Tinguno alau akukau qemino ningu kukau David lau ighino ishi pi, ‘OLhou no Solomon pesu onguno ajekipiu shilu peni eno Solomon yehkipe huno onguno kinikuluu shilu peniu.’ Tishino akukau David ghi pa zua lono pishiqhono mllae,

JOB 35:8

Alhoksa no timi otoikemi ghimenia thono, eno omikucho no otoi kemi timi vehupu shilunia thono!

LESHELE 107:38

Pano pawu timi kumghatsu eno panongu pelo atianuli kutomo achenipe; eno panongu wu pichepighi puha mono khetsu acheni.

IPEKULU 1:7

ikemu panoqo lagha kughukomi Israilmiye ati anuli kutomo shive eno kihikhamla kepu shive eno akumto shiuve kehu Ijip ye panoqono nhakhaluve.

IPEKULU 32:10

Itehi noye ilakha kevilo. Niye panoqo lau axuide ani eno panoqo kutsaveniake. Tishi puzu ino opesu eno opolo kughukomi pesu ashiayeh kuloghi lakhi shitsuni.”

ISAIAH 51:2

Nongu pasu Abraham kumsujulo eno nongu iko ighikeu Sara kumsujulo. Kughou ino Abraham kulukeno tilehi paye atianuli kuhake, ikemu ino atianuliqo pa kumghatsu; Ino pa polo kughukomi pelo kihi khamla kepu shitsuke.

EZEKEL 34:26

“Ino panoqo kumghatsu nani eno panoqo pelo iwu akimthe toghi sumxa xupe nani. Tilauno ino tsutsughu ghuqhitsu puzu panoqo kumghatsuni, kugho kughomu panonguno tipau avehupu shikelo ino tsunike.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

ZEKHARIA 8:13

Juda ngo Israil lo akemiqo! Wovekeu tsalalo inaghamino lakhino lakhi ghusho keulo, ‘Juda ngo Israil kuma shou kutsakungo keu ikughikeu tho oshou ikughi peniu!’ ipi picheke. Ikemu ino nongu xalu nani eno tileno inaghami hupaqoye lakhino lakhi vilo, ‘Juda ngo Israil kuma shou kukumgha ighike tho opelo ithulu peniu!’ ipi pinani. Tighenguno amlo kumtoshilo eno msa ichi kevilo.”

AKIKIHI 14:12

Ino akusu ghime lakhi panongu shou puwuni eno panoqo kutsaveni ikemu ino opelo panongu nguno ashiayeh kuloghi eno akumtou kije lakhi papu kughulhove tsunie!”

AKIKIHI 22:12

Alhou no Balam vilo pi, “Timi hipaqo gholo wukevilo kughengu panonguye iwu kukumgha puanike.”

AKIKIHI 23:20

Kumghatsu penike niye ahza ithuluvae, Eno Alhou no kumghatsu keulo niye tipau kuchile mlae.

Rommi 4:11

Abraham no aphighu yiko gha mphi lonomu pa kupulu Alhou lau akeu lono Alhou lau achipikaluve keu michi momu chishidapuku keu michi lakhi shighi aphighu yiko ghae. Tipau kimjiye Abraham pelo aphighu yiko ghamokemi pinamu pulu aghikemiqo eno tishi keu lono Alhou lau achipikalukeu panoqo lau kihipukuve kemiqo papuh shipeniye ke.

Galatiami 3:14

Khristo no hitoi aghime shikeuye Alhou no Abraham lau kumghatsukeu hu Judakumomi ghi Jisu Khristo gholo kimepe akeu ithulu eno akupulu vechewo ningu pelo Aghungu Kimthe ikhilupeniyeke.

Galatiami 3:7

Nongu ghi tihutoike. Nonguno ithikepushi akeuno akupulu akemiqono Abraham polo kughukomi kuchouke.

ZAKINIU 26:5

Tipathiu AMPEU gizu lono nonguno atsa hipaqo pikibewolo: ‘Ipuasuye Aramiami lakhike, itsu itsuche kemi pa kibolomi sasu Ijip lo kughuna niye wuke. Panonguno tilau wuke ghulokilo panonguye aghulo likhike ikemu akuka kumto eno anoghi shiayeh lakhi shiluve.