Apostolmi 9:6 - BAIBEL (BSI)

⁶ Ikemu noye ithu puzu taun lo ilolo, noye kiu shimasa keno tilauno ovilo pitsu nani.”

Sümi Tiqhelimi Bible

⁶ Itehi ithuvelo eno mishighüna lo ilolo, eno no ye kiu shi moayesa keno O vilo pitsü nani.”

Sumi Naga CL (Re-edited) Bible (BSI)

⁶ Itehi ithu no mishighüna lo ilolo, eno kiu shimasa keno o vilo pini.”

Apostolmi 9:6 Mawu Ofanana

LESHELE 25:12

Timi khunono AMPEU sumsa cheni keno pano panonguno pula kepu laghi kishetsu cheni.

LESHELE 94:12

AMPEU, nono kutsupiyekeu timi huye alokivishi kepu anike, oyezah pesu khuno shikani keno tipano lokivipuke!

ISAIAH 57:18

“Panonguno kishi xuchekeno ino ithuluvae ikemu ino panoqo shipivi nani. Ino panoqo saphe eno kuphuni eno panongu khunoqono qa mlo aghini keno ino alokughuno tsuni.

ISAIAH 66:2

Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

EZEKEL 2:1

“Thinikuau timio, puthugholo, Niye oputsa nishi anike.”

EZEKEL 3:22

Ino AMPEU kuka kumto eno pano ivilo ishi pikeu chilu, “Ithulo eno akhilalo wulo tilauno ino oputsani ke.”

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

MATTHEW 19:30

Ikemu itehi atughu shiakemi kutomono ashekhami shive nani, eno itehino ashekhau shiakemi kutomono atughumi shive nani.”

Luke 3:10

Timiqono pa iniju, “Tishiaye, ninguye kiu shikepua?”

Apostolmi 10:22

“Keptein Kornelia no ningu puwue. Paye timi kivimi, Alhou sumsachekemi eno Judami kumtsuno gihu achekemi lakhi. Alhou wu kungumi kimthe lakhino pa kichepiye keuno opelo pa kilo ighikepushi eno nono kiu pikepushi aghini keno inikepushi no kupuwulo pike.”

Apostolmi 10:32

Tighenguno Jopa lo timi puwu puzu Simon Pitor kuwu pelo, paye Simon ashiyiko kumlau kilo wuanike, tiye azughi phivilo ani.’

Apostolmi 10:6

Pa ye ashiyiko kumlami lakhi Simon ipikeu gholo ani, eno pa kiye azughi phivilo anike.”

Apostolmi 2:37

Kughou timiqono ti chilu keno panongu mlo itapiniyive puzu Pitor ngo apostolmi kutamiqo vilo pi, “Athikuzumiqo, ninguye kiu shikepu kya?”

Apostolmi 22:10

Tile ino pi, ‘Ampeu, niye kishini kya?’ Ike Ampeu no ivilo ishi pi, ‘Ithu puzu Damaska lo ilolo, eno opelo shipeniaye kughupe puakeu kumtsu tilano ovilo pitsu nanike.’

Apostolmi 26:16

Ikemu ithulo eno opukhu ne suqhelo. Okugha pesu iqeu shipenike niye olau ipeghipiyevae. Nono ishi kishi ni ithulu keno eno ithuluni keno pesu kutami vilo pi masae.

Apostolmi 9:5

“Ampeu, no khuu kya?” ipi pano iniju. Asutsa huno pi, “Niye Jisu, nono kijipusa akeuhu ke.

Rommi 10:20

Isaya no akumto shi pipuani: “Khunoqono iphujumono achekeno tipaqono iphuluvae, Khunoqono ivehu inijumono achekeno ino tipaqo lau pephe piyevae.”

Rommi 10:3

Alhou no timi pelo pa lau achipikalu pekeu lah panonguno jukumghaleyive puzu pano likhi pano chipiu shipe qhinikeu phuauve ikehu Alhou no timi pelo pa lau achipikalukeu lahlo panoqono chemove.

Rommi 5:20

Axine shikeu kighishenike ghenguno Ayezah iloghi; ikemu khile axine shikeu kighisheni keno, Alhou no kupukini shishe alau shi kighishe tsue.

Rommi 7:9

Ayezah kuha kelo ghuthu lakhi niye xu acheke, ikemu kughou ahza kutsu hu ighive keno, axine puxuvetsu eno niye thikepu shive.

FILIPIAMI 2:12

Tishiaye, ino kimiyechekeqo ikualo nonguno pulhapuju aghokulushi ketoi itehiye ino nongu gholo ngomove kelomu alaushi aghokulu shilo, tino alau akhotouke. Nongu xakulupu shikupunike ghenguno musa khokhoshi mla alo;

James 4:6

Ikemu Alhou no kupukini tsukeuye tinguno alauke. Tighenguno kuchoyesulo ishi pipuani, “Alhou no aqhekuzami lakhave cheni ikemu mtshaivukemi lau kupukini tsu cheni.”

SAMUEL ATUGHIU 16:3

Ti aghakishi shiakelo Jese ghi kusulo, tishiaye nono kiu shikepu keno ino ovilo pitsu nani. Noye ino timi kiche tsunike tipau pesu akukau shipenike telino pa nukisheluvelo.”

SAMUEL ATUGHIU 28:5

Ikeloye Saul ye Filistiyami ghushimi ithulu pesu paye ighono kichimamaive,