Apostolmi 8:12 - BAIBEL (BSI)

¹² Ikemu Filip no Alhou yehkipe wu Atsakiviu eno Jisu Khristo je pesu panoqo lau asheshukeulo panonguno puluve puzu panongu kiptimi ngo totimi ishi baptiz shilu.

Sümi Tiqhelimi Bible

¹² Ikemu kughou Philip no Alhou kükaphu eno Jisü Khristo je lono atsakiviu pe kütsü keu panongu no pülüluve keno, kipitimi ngò totimi kümtsü baptiz shiluve.

Sumi Naga CL (Re-edited) Bible (BSI)

¹² Ikemu kughou Philip no Alhou yekipe tsakiviu eno Jisü Khristo je pesü panongu lau kütsü keno, panongu no pa pülüve, eno kiptimi totimi kümtsü baptiz shive.

Apostolmi 8:12 Mawu Ofanana

MATTHEW 28:19

Ike aqha kumtsulo ashiayeh kumtsu lau wulo eno ino kutsukeu lukemi shilupelo; Apuh jeku, Anu jeku eno Aghungu Kimthe jeku ishieno panoqo baptiz shitsulo;

Luke 9:2

Panongu pelo Alhou yehkipe pesu asheshu eno akusu shipivi penike pano puwu.

Luke 9:60

Jisu no pa vilo pi, “Kithimi pelo kithimi kumo shiqho apelo, ikemu noye wuno Alhou yehkipe ghili asheshulo.”

Apostolmi 1:3

Pano akithi sholuve kethiu atsala lhobidi kutolo paye xuaphi kepi thwokha lono pa likhi pano panoqo nhepithe eno panonguno pa ju ithulu eno pano Alhou yehkipe vehu pesu panoqo putsae.

Apostolmi 11:20

Ikemu panongu gholo khamiye Kuprami eno Kuriniami kehu panoqono Antiok tokelo Ampeu Jisu wu atsa kiviu hu pesu Grikmi vilo ghi asheshu tsu.

Apostolmi 18:8

Sinagog hoholo ayehkipeu Krispa ye pa kibolomi kumtsu sasu Ampeu kupulumi shive. Korinthiami kutomono Paul no pikeu tsa chilu puzu pululu eno baptiz shilu khae.

Apostolmi 19:5

Kughou panonguno hipatsa chilu keno Ampeu Jisu jeku ghi panonguye baptiz shiluve.

Apostolmi 2:38

Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

Apostolmi 2:41

Ike khunoqono pa tsa ikhilu keno tipaqo baptiz shitsu eno tipani timi 3000 kutolo panongu gholo kihikusumi shiluve.

Apostolmi 20:21

Judami vilo ghi Grikmi vilo ghi ishi Alhou kudau xaide ighinikeu eno ningu mpeu Jisu shou pulube nikeu shepe thumuyishi pithie.

Apostolmi 20:25

Ino ithi anike, nongu khunoqo gholo ino Alhou yehkipe pesu asheshu ache keno hinguno hilauye khilemu iju ithulumae.

Apostolmi 28:31

Pano kumtsu gizu lono eno kiunomu pa lakha keu kuhano Alhou yehkipe ghili pikulha eno Ampeu Jisu Khristo ghili pesu kutsu che.

Apostolmi 5:14

Ampeu puluvekemi, kiptimi ngo totimi kutomo alau alau shi panongu gholo hekutsuluve.

Apostolmi 8:4

Kupulumi khunoqono apanagha wuve keno aqha kumtsulo atsa pesu vekupha wove.

Rommi 10:10

Kughengu timino amlo lono pulukeulo huno Alhou lau achipikalupe cheni, eno nikichino pipheveno xalu chenipeke.

1 Kor. 11:11

Ikemu Ampeu gholo xukuqhape akeulo totimiye kiptimi launo kututakeu kumoe momu kiptimiye totimi launo kututakeu kumoe.

Galatiami 3:28

Ikehu Judami ngo Judakumomi dolo mu aquaxemi ngo kuqhopheve kemi dolo kiptimi ngo totimi dolo pinamu kutuqukeu kuhae, Khristo gholo kimepe akeu lono nongu kumtsu lakhie.

1 Peter 3:21

Tipau michipu shighi baptiz shiche keu huno itehiye nongu xalu cheni. Hiye aphilo axine lhoksa akeu qhuvekeu kumoe, ikemu kiviksa lokutsu akiviu shiluke launo Alhou lau ashoqhi shikeuke, tiye Jisu Khristo xuchileputhuve keu vechewonoke.