Apostolmi 7:5 - BAIBEL (BSI)

⁵ Ikeghi tipa-alo apukhu nepa qhemi lakhimu pa mheghi shilukepu tsumoe; ikemu Alhou no tushoqhi keuno ti pa tsuniepi, eno tiye pawu eno pa tikughukomiqo wu shipeniepike. Alhou no hipau shoqhi shike ghulokilo Abraham ye ati anuli kuhae.

Sümi Tiqhelimi Bible

⁵ Alhou ye hilehi amheghi kiumu pa tsümoe, pa pukhu nesükulupu qhemi ayeghimu tsümoe. Ikemu Alhou no Abraham no anu küha aphi lonomu pa thikhau pa tikughukomiqo pelo ayeghi hu qhasüluve penike ipi tushokiqhi shike.

Sumi Naga CL (Re-edited) Bible (BSI)

⁵ Ikeghi tile apukhu kinepu-a mu pesü pa mheghi shi tsümoe, eno pa no anu küha keghi ayeghi pesü pa eno pa polo kughukomi mheghi shitsüni kepi tushoqhie.

Apostolmi 7:5 Mawu Ofanana

BOTHUBO 12:7

Tile AMPEU no Abram lau peghino pa vilo pi, “Ino otikughuko tsuniye akeu ghakhu hu hike.” Ikehu tipa-alo Abram no AMPEU khuuno pa lau ipeghi keno tipau lau akumllagho kiptia lakhi shipe qhie.

BOTHUBO 13:15

Kughengu nono ithulu akeu yeghi qha kumtsu ino no eno otikughuko tsunie, hiye pulhapuju ghengu nongu wu shiniae.

BOTHUBO 15:18

Tipani no AMPEU no Abram sasu puloshoqhi lakhi shi ghi pi, “Ino hipau yeghi olagha tsunikeu shi anie, ti Ijipmi ghoki lono aghoki akijeu Eufrati kuto

BOTHUBO 16:2

Sarai no Abram vilo pi, “AMPEU no ipelo atianuli punu pemono lakha vetsuae. Ike wupuzu iqeliu sasu ashiaji kuqha julo, ishi ake lino isala anuli punu tsuluvie.” Ike Abram no pa nipu Sarai tsa inive.

BOTHUBO 17:8

Nono itehiye inami shi ghi akeu yeghi hu ino no eno othiu otianuliqo tsunie. Kanan yeghi qha kuchopu pulhapuju sala shi nongu wu shive nani, eno ino panongu Lhou shive nani.”

BOTHUBO 23:4

“Niye inami eno kupokichemi shi nongu gholo acheni. Inipu kumo qhonike ghenguno ayeghi a-a lakhi ivilo jesu tsulo.”

BOTHUBO 26:3

Hipau ghakhulo ngolo, ino osasu ani eno okumghatsunie. Kughengu ino otikughuko lau hipa ghakhu kumtsu tsuni eno ino opu Abraham lau piqhi puakeu shoqhi ino shikuputsunie.

NEHEMIA 9:8

Paye olau amikucho shikeu nono phuluke, eno nono pa sasu puloshoqhi shike. Nono Kananmi yeghi pa tsunikeu shi tushoqhike, Hatimi yeghi, Amarimi yeghi, Perizimi yeghi, Jebusimi yeghi eno Girgashimi yeghi tsuni keu shi tushoqhi ke, Pa laghami pelo ngo chepe nikeu yeghi shitsu ke. Nono amikucho kehu oshoqhi peluke.

EZEKEL 33:24

“Thinikuau timio, Israil lo aphughi ixapinyive keulo timi akeqoye ishi piani: ‘Abraham ye timi lakhi likhike, eno ayeghiqha kumtsu pa tsupuanike. Ninguye timi kutomo anike, itehi ayeghiye ningu wu ake.’

ZAKINIU 10:11

Tishieno nongu sawu lopi pano ivilo pike tishianguno pano nongu puasuqo lau tushoqhive keu yeghi nongu pelo amheghipu shi lukepu shipe niyeke.

ZAKINIU 11:9

Nonguye AMPEU no nongu puasuqo eno pano polo kughukomi tsunikeu shi tushoqhive keu kinikulu eno aghuma yeghilo ado kushuwa xualu nanike.

ZAKINIU 2:5

ikemu nonguye panoqo sasu aghukishi huthu kevilo kughengu niye panongu yeghi auka lakhi qhemi pinamu pesu nongu tsuni chemoke.

ZAKINIU 34:4

Tile AMPEU no Muse vilo pi, “Ino Abraham, Isak eno Jakob vilo pano polo kughukomi tsunikeu shi tushoqhive keu yeghiye hike. Ino opelo juluve anipeke ikemu niye opelo tilau wupemo nanike.”

ZAKINIU 9:5

Nonguno akivi ke ghenguno AMPEU ye nongu pelo panoqo yeghi lupeniyeke kumoe. Pano panoqo halevetsuniye akeuye panonguno lhoksa kughami eno pano nongu puasu Abraham, Isak eno Jakob lau tushoqhi puakeu kumsupu achenike hue.