Apostolmi 3:13 - BAIBEL (BSI)

¹³ Abraham, Isak eno Jakob Lhou, nipu-asu Lhou huno pa qeu Jisu akimthe jekipipu shive tsuae. Nonguno ayehkipemi ulo pa phesuvetsue, Pilat no pa phepuwuveniye kughathave kemu nonguno Pilat zulono pa miliveke.

Sümi Tiqhelimi Bible

¹³ Abraham, Isaac eno Jacob Lhou, nipù-asü Lhou no pa qeu Jisü jekipipu shive tsüae. Nongu no pa heqhipithíve penike ikhiphe pe tsüve, eno Pilate no pa phe puwuve nike xathave kemu, nongu no Pilate zülo no pa milive ke.

Sumi Naga CL (Re-edited) Bible (BSI)

¹³ Abraham, Isaac, eno Jacob Lhou, ni puasü Lhou no Pa qeu Jisü, khuu Pilate no kuqho pheveni pi keghi nongu no pa zülono akipimi tsüno milive keno, pa juküvüpu shive tsüae.

Apostolmi 3:13 Mawu Ofanana

IPEKULU 3:13

Ikemu Muse no Alhou vilo pi, “Ino Israilmiqo lau wupuzu, ‘Nongu pu asu Lhou no nongu lau ipuwuke,’ ipi panoqo vilo pikelo panonguno ivilo, ‘Pajeye khuu kya?’ ipi iniju kelo niye kiu pesu panoqo vilo pini kya?”

IPEKULU 3:15

Israilmiqo vilo panoqo pu asu Lhou ni AMPEU, Abraham, Isak eno Jakob Lhou no panoqo lau opuwu kepi pilo: Alhokupujulo ijeye hipauke, ighinikeu tiqhelimi kumtsuno hipau je pesu iku nani.

IPEKULU 3:6

Niye nopu asuqo Lhou ke; Abraham, Isak eno Jakob Lhou ke.” Ikehu Muse no pagi nhaluve kughengu paye Alhou lau jupukunikeu msaveke.

MATTHEW 11:27

“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

MATTHEW 20:19

eno Ashiayeh kutami lau sawo tsuve nani eno tipaqono pa thaqhi, pa heqhi puzu kros lo pa yedave nani, eno atsala akuthuniye pa xuputhuve nani.”

MATTHEW 22:32

‘Niye Abraham Lhou, Isak Lhou eno Jakob Lhou ke.’ Paye kuxumi lhou kethono kithimi Lhou kumoe.”

MATTHEW 27:2

Panonguno pa tshuveno sasu wuno Ahng Pilat tsuve.

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

Mark 15:11

Ikemu achinetomino timi aqokitikhi xukuthono Pilat pelo panoqo lau Barabba khaqhiphetsu penike khu.

Luke 22:57

Ikemu Pitor no lah ghi pi:”Totimi ghi,niye pa mtha keno kuu!”

Luke 23:4

Tile Pilat no kishekiphe achinemiqo eno aqo kitikhi vilo pi, “Timi hipau pithivekepu akiqi kumu phumlae.”

Luke 6:37

Kutami shou kughathabe kevilo, eno Alhou no oshou kughatha bemo nani; kutami thave kevilo eno Alhou no othavemo nani; kutami xine pevetsulo eno Alhou no oxine pevetsu nani.

John 12:16

Tishiake ghulokilo pa khopemiye hipau ithikuthumono ae, ikemu kughou Jisu ye ajukuvupulo xuputhuve keno, kuchoyesulo hipau pipuakeu eno panonguno pa ghenguno hipau shitsukeu akhopemino kumsuchilelu.

John 18:40

Panonguno vekipighi igha ghi pa khochile, “Timi hipau kumoe, ikemu Baraba kuqhophe tsulo!” Baraba ye heqhi-buqhi chekemi lakhi ke.

John 19:11

Jisu no pa khochile, “Alhou no otsumoke aye noye ishou akuka kiumu kuhanicheke. Tighenguno khuuno ikughasawo olau tsu keno pano axine lhoksau shi kuquvae.”

John 19:12

Pilat no hipatsa chilukelo pa kuqho phevenike pukaputsa. Ikemu Judamino igha kithe ghi pi, “Nono timi hipau kuqhopheve aye Rom yehkipeu Kaisar shou kumoe! Timi khuno pa likhi pa pesu Akukau ipini keno paye Rom yehkipeu Kaisar ghumi ke!”

John 19:15

Panonguno igha kithe pi, “Pa pithivelo! Kros lo pa yedavelo!” Pilat no panongu vilo iniju, “Niye nongu kukau yedavelo pikesha?” Achinetomino khochile, “Ningu kukauye Kaisar likhi ke!”

John 7:39

Jisu no hipau pikeuye timi khunoqono pa pulu nikeno tipaqono Aghungu Kimthe ithuluniye akeu ghili piake. Tikutolo Aghungu Kimthe ye tsumphike kughengu Jisu ye xuputhu pesu akimthejukuvu shive tsumphi kehu.

Apostolmi 22:14

Ikelo Anania no ishi pi, ‘Nipu asu Lhou no okothaphelu puzu pa pulou ithilupe, Amikuchomi hu ithulupe eno pa ampino putsakeu chilu ishi peke.

Apostolmi 24:14

Ikemu ino hi shichekeu pini: Panonguno akumouke pichekeu Laghi hu ino pula puzu ningu puasu Lhou mlla cheni, eno Muse no sughikeu yezahlo ngo tungkupmi kakuqolo yepuakeu kumtsu nighi pulu acheni.

Apostolmi 3:12

Kughou Pitor no ti ithulukeno, pano timiqo vilo pi, “Israilmiqo, nonguye hi jupesu kushiye akichiqhi eno kutuxoxo niju ani kya? Nonguno kumsukeuye nilikhi nikuka momu nikuxu kimthe pesu timi hipau pelo alachelupe ani kughashi kesha?

Apostolmi 3:26

Ikehu Alhou no pa qeu kishepe atughushi nongu lau puwuke, eno nongu lhoksa kugha lono saide sawo kumghatsuniyeke.

Apostolmi 4:27

Kuchouno aphughi hipaulo Herod ngo Pontio Pilat pamano Judakumomi eno Israilmi sasu kuhokumqono akimthe oqeu Jisu nono Khristo shivetsukeu shou akumou shie.

Apostolmi 4:30

O-u chhope shipivitsu, eno akimthe oqeu Jisu je vechewo akumzapu eno amchipu shiphelu pelo.”

Apostolmi 7:32

‘Niye osunoqo Lhou ke, Abraham, Isak eno Jakob Lhou ke.’ Muse ye akumsano khokhoshive eno junikeu ighuve.

Rommi 9:5

Panonguye apu-asuqo polokughukomi, eno Khristo ghi timi shi-ghi ighikeu kiqiloye panongu shiayeh ke. Kumtsu shou Alhou no ampi ke pulhapuju pa sheqhe akepue! Amen.

IBRIMI 2:9

Ikemu ninguno Jisu ithikeuno paye ado kitila ghenguno kungumi nguno aqhokigheu shi lhoke, tishianguno Alhou wu kupukini vechewo pano timi kumtsu ghenguno thikepu shive. Ikemu pano akithilo aghimeshikeu ghenguno itehiye akimthejekipi ngo agigihupu pesu pa sheqhe ikhilu keu ninguno ithulue.

Piyeküsü 1:18

eno niye xu achekeuke; niye thive ikemu itehiye alhokupujulo xu acheni. Ino Akithi ngo Kithimi-yeghi khadu peani.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,