Apostolmi 3:1 - BAIBEL (BSI)

¹ Ghulo lakhi Pitor ngo Johan pamaye avelau ayi kuthu kihe kighini dolo achinekilo iqhoche.

Sümi Tiqhelimi Bible

¹ Ghulo lakhi Peter ngò John pama ye akighini do ghuloki lo achineki lo iqho che, tiye avelau ayì küthü kihe lo ke.

Sumi Naga CL (Re-edited) Bible (BSI)

¹ Ghulo lakhi Peter ngo John pama no avelau ayi küthü kihe kighini lo achineki lo iqhoche.

Apostolmi 3:1 Mawu Ofanana

KUKAMI ATUGHIU 18:36

Avela ghakishi kumlla tuqhudo tovekethiu Elija no akumlla kiptia lo ighino inikhu, “O AMPEU, Abraham, Isak eno Jakob Lhou, Noye Israil Lhou eno niye oqeu eno ozah kutsu lono hipaqo shi akeu panongu pelo noye Alhou kepi ithi kulupu shi pephe piyetsulo.

LESHELE 55:17

Ino putho pucho pa vilo muchho khua nani eno pano isutsa chilu nani.

IPEKULU 29:39

Bheriti lakhi pesu inaqheno aghashilo eno lakhino avelauno aghashilo.

DANIEL 6:10

Kughono Danel no ayezah pephevapi chilu keno paye akilo wove. Aki bokutha kunguulo alashe lakhi Jerusalem kudau she puache, tipaulo azuuno kiutoi shichekeno titoi qhoqhunhepe atsalalo ghuthu kuthu alashe khaqhiveno Alhou vilo inikhu ache.

DANIEL 9:21

Ino akighini shi akelono, Gabriel, khuu azuu ghi ino kungunhetsu lono ithuluvea keno, ino ngo akelono yesusu iqi cheghi. Hiye avelau ghiqhipe mllachekeu ghuloki shia.

AKIKIHI 28:4

Bheriti lakhino inaqheno pesu mlla eno lakhiuno avelauno pesu mllalo,

MATTHEW 17:1

Atsala tsugho thiu Jisu no pa gholo Pitor, Jems eno Johan pama athiazu ishi sasu panongu likhi naghuto kuchuqu lakhilo iqho.

MATTHEW 26:37

Pano Pitor ngo Zebedi nu pama ishi pa gholo sawu, eno paye amlo ghime eno amlo kughuju shi ae.

MATTHEW 27:45

Puchou mtalo zumayikeuno ayeghiqha kumtsu nhaluve eno ayikihedo kuthu kutolo tishi ae.

Luke 1:10

musughuta piti ake dolo khalacheu akemi kumtsuno akighini shia.

Luke 18:10

“Ghuthu lakhi timi kini achinekilo inikhuniye iloe, lakhino Farisimi, kutami lakhiu huye zahme kuqhami.

Luke 22:8

Jisu no Pitor ngo Johan pama vilo piputo ghi puwu: “Nokujoye wu puzu ninguno chukepu shi Hechekulu Ghulhu kutolo.”

Luke 24:53

eno ado kumtsu tamo puzu achineki lono Alhou shikimthi ae.

John 21:7

Jisu no kimiyechekeu akhopeuno Pitor vilo pi, “Hiye Ampeu ke!” Kughou Simon Pitor no “Hiye Ampeu ke!” ipikeu chilu keno pano pa ku-uphi uluve, kughengu paye tipau xaveno ake, eno azulo ika ilove.

Apostolmi 10:3

Ghulo lakhi avelau ayi kuthu kihelo paye kungu nhetsu lono Alhou wu kungumi lakhi pa lau ighikeu pano mutsuqhei ithulu, eno pa vilo ishi pi, “Kornelia!”

Apostolmi 10:30

Ikelo Kornelia no pi, “Ishi bidi shiveake, hipau yikihedolo niye avelau ayi kuthu kihelo akighini shichekeu iki lono shiae. Phaikhavi timi lakhi metsughoike phimini pepuno izulo puthugho,

Apostolmi 2:46

Tsalakipetsu achinekilo kumtsa wu, panongu kilo kumtsa kuchukusho shi, alokiqi eno alophaphaleyi keu lono pano chuqupu chu.

Apostolmi 3:3

Pitor ngo Johan pamano achinekilo ilocheghi keu ithulu kelo pama vilo pisa khu.

Apostolmi 3:4

Pamano anhethi sukuqumono pa juno Pitor no ishi pi, “Nikujo julo!”

Apostolmi 4:13

Judami Hoho lo kuho akemiqono Pitor ngo Johan pama mulo kuloghi ithulu eno pamaye kighithimi kumo puzu kutami paphiepikeu ithi puzu panonguye akichiqhive. Eno pamaye Jisu gholo cheche kenapi panonguno michiluve.

Apostolmi 5:25

Tileno timi lakhi iloghi puzu panongu vilo pi, “Le nonguno akughukilo suvekemiqoye achinekilo puthughono timiqo kutsu anie!”

Apostolmi 8:14

Samariami no Alhou tsa ikhilu ani pikeu Jerusalem lo apostolmino chilukelo, panonguno Pitor ngo Johan pama piqi.

Galatiami 2:9

Alhou no amakho hipau itsuke akukuholo sakiphemi shiaghikeqo, Jems, Pitor eno Johan ishino ithulu puzu panonguno Barnaba ikujo sasu aqo lakhi kepi petha shino kuposhulu. Nino Judakumomi gholo mla wunikeu shi eno panonguno Judami gholo mla nikeu shi kughalue.