Apostolmi 27:2 - BAIBEL (BSI)

² Ninguye Adramuto lono ashukaki lakhilo iku, tiye Asia yeghi bocholo azughi phivilo aphughiqo akeulo wuniye kuto aghi, ikehu ningu tileno wuve. Makedonia qhalo Thesalonika phughi lono ighikeu Aristarka no ningu gholo ae.

Sümi Tiqhelimi Bible

² Ningu ye Adramyttium lono ighi keu zükilu lo ikuve eno tiye Asia bocho lo wu niye shi akehu ningu ye azüghi lono cheve. Aristarchus khuu Thessalonica lono ighi eno Macedoniami keno pa ghí ningu gholo cheke.

Sumi Naga CL (Re-edited) Bible (BSI)

² Adramyttium shuka, khikhi Asia cheaxü lo azüghimkü phughiqo züsü wuniye akeno, tile ikuve. Thessalonica lono ighi kemi Macedoniami lakhi Aristarchus no ningu gholo wue.

Apostolmi 27:2 Mawu Ofanana

Luke 8:22

Ghulo lakhi Jisu no pa khopemi sasu ashuka lakhilo ilo eno panongu vilo pi, “Aizukucho hukukuu hechewuni nolo.” ikehu panonguno heche wuche,

Apostolmi 16:17

Lino Paul ngo ningu papesu ighamuku ishi pi, “Timi hipaqoye shishe Akiqheu Lhou qemiqoe! Panonguye timi vilo xakulupu la kutughu chekemie!”

Apostolmi 17:1

Panonguno Amfipoli ngo Apolonia phu vechesu Thesalonia lo Sinagog akeulo ighi.

Apostolmi 19:19

Kudu-u peitha chekeqo muqo lakhino panongu wu kakuqo kichekumqo suwo aqha zulono pitive. Panonguno kakuqo me kihi kuqha jukelo tsandi 80,000 me kutolo shiae.

Apostolmi 19:29

Ikehu tipa phughilo hipau muto-mughukeu ghughano aqha kumtsu chhive, eno timiqono Gayia ngo Aristark pama tsuqu sasu aghilikilo kohakive wuve. Pamaye Makedoniami ke Paul kusa shi-ghi izucheke.

Apostolmi 2:9

Ninguye Parthiami, Mediami, Alammi, Mesopotamia kudaumi, Judia ngo Kapadokiami, Pontu ngo Asiami,

Apostolmi 21:5

ikemu ningu kihithapuakeu tsala tove kethiu, ninguno panongu qhive puzu nishelo cheve. Panonguno panongu nipu-anuli sasu aphughi kubala kutolo ningu sawu. Ningu kumtsu azughi mukulo qhoqhunheno inikhu.

Apostolmi 28:10

Panonguno agho kutomo ningu tsu, eno kughou ninguno zukilu lono cheveniye kelo ninguno aghuzulalo avehupu shikepu suwo sutsupuwue.

Apostolmi 28:12

Ninguye Syrakusa ipikeu taun tolu eno tile atsala kuthu ngove.

Apostolmi 28:16

Kughou Rom lo ninguno ighikeno, Paul ye ghushimi lakhino pa kheghi pa likhi pa kutashi ngolupe nikeu pulovetsu.

Apostolmi 28:2

Tile kughuna kichemiqono shisheno shompami sasu keshi ningu ikhilu. Tile tsughu thuve eno suthi ae, ikehu panonguno ami shieno ningu kumtsu ikhikulu shi.

Kolosiami 4:10

Igholo akughu shiakeu ikusau Aristarka no petha nongu tsuani, tihutoi Barnaba tikishiu Mark ghi petha nongu tsuani. (Pano nongu lau ighiaye pa ikhilulo ipi pipuwukeu tsa hu nonguye ithuluve aghiniake.)

Philemon 1:24

eno tihutoi igholo kumtsa mlachekemi Mark, Aristarka, Dema eno Luk ishino petha nongu tsu ani.