Apostolmi 27:1 - BAIBEL (BSI)

¹ Kughou ninguye Itali lo wupenikeu kughathavetsu keno, panonguno Paul ngo akughumi kutami khami ishi Julia pelo sawupenikeu shive. Julia ye “Rom kukau Ghushimi” ipichekeu Rommi likhikeu ghushimi muqo gholo kijemi lakhi.

Sümi Tiqhelimi Bible

¹ Kughou ningu Italy lo wuve nikeu shi kughuve keno, Paul ngò akughumi kütami khamiqo ye aqhe shou zatsüu Julius ipikeu, khuu Rome Kükaqha kükau ghüshimi mqo lo achekeu pelo sawu pe nikeu shive.

Sumi Naga CL (Re-edited) Bible (BSI)

¹ Kughou Italy lo ningu puwuve nike xathave keno, panongu no Paul ngo akughumi kütami khami pesü Akükau Ghüshimi mqo lo aqhe zatsüu Julius ipikeu picheve tsü.

Apostolmi 27:1 Mawu Ofanana

BOTHUBO 50:20

Nonguye ishou kusakughapu shinike kuchughue ikemu Alhou no ikivipulo tukidesuve, tishikeu lono timi hi ishi kutomo xuaghi keqo kuxu puxu tsuniyeke.

LESHELE 33:11

Ikemu AMPEU kukughu qoye alhokupuju ache nani; Pa kimijiye lhokta kutolo anani.

LESHELE 76:10

Timi xu kighideye alaushi osheqheve nikeu likhike; aghukishilo ghulu kemiye owu tiqhetini tsala pewolu nani.

AHOLE 19:21

Timino thwokha jeli kughu aghiluvi ikemu AMPEU pulou lono shini aphike.

AKUMLO 3:27

Nino lhothemi shi aphi lono kheakulu hipau shikalukeu pavike.

DANIEL 4:35

Ayeghilo timiqo jukelo ame kuhaghi ithulu acheni, Kungughalo kungumi eno ayeghi lo timi kumtsu pa ghakusu qholo acheni. Khunomu pa mujochile mla, pano kiu shive keno kiu shiye tishi vekea ipi iniju chile mla.

MATTHEW 27:54

Ghushimi 100 shou akijeu ngo pa gholo ghushimi qono Jisu jughi khe akelo ayeghi ithakeu eno tile kishi akeno kumtsu ithuluno panonguye kichimamaiveno ishipi, “Paye kuchouno Alhou Nue!”

Luke 23:47

Ghushimi 100 shou akijeu ghi hi kumtsu ithulua eno pano Alhou sheqhe pi: “Mutsuqheino timi hipauye akivimie.”

Luke 7:2

Tilehi Rommi kijemi lakhino aqeu lakhi ae, tipau pano ighono kimiye cheke, tipau thiveni keshi su aghive.

Apostolmi 10:1

Kaisaria lo Rom ghushimi “Italia Ghushimi” ipikeu lojilo keptein Kornelia ache.

Apostolmi 10:22

“Keptein Kornelia no ningu puwue. Paye timi kivimi, Alhou sumsachekemi eno Judami kumtsuno gihu achekemi lakhi. Alhou wu kungumi kimthe lakhino pa kichepiye keuno opelo pa kilo ighikepushi eno nono kiu pikepushi aghini keno inikepushi no kupuwulo pike.”

Apostolmi 16:10

Paul no kungunhetsu hipau ithuluve kethiu, ninguno Makedonia lo wuniye kuto, kughengu ningu pelo atsakiviu pesu panoqo vilo asheshu peniye Alhou no ningu kulu anikepi xathalue.

Apostolmi 18:2

Tilehi Paul no Pontikus noghami Akuila ipike Judami lakhi sasu kusholu. Akuila ghi tiholono pa nipu Priskila sasu Itali yeghi lono ighi ae, kutau kumono Rom kukau Klaudia no Judami kumtsu vilo Rom phughi qhiveno chevelo pi ahza tsuke. Ike Paul no pama putsaniye wu,

Apostolmi 19:21

Hipaqo shivekethiu, Aghungu no hakitekeulo Paul no Makedonia ngo Akhaiya lono izususu Jerusalem lo wunikeu avehu kughuluve. Pano ishi pia, “Ino tilau wu kethiu niye Rom ghi jumasa ani.”

Apostolmi 21:32

Zahtsuu huno mtazu kijemi ngo ghushimi ishi sasu timiqono akeulo po-iqighie. Kughou timiqono zahtsuu ngo ghushimiqo ithulu keno panonguno Paul hemove.

Apostolmi 22:26

Kughou akijeuno ti chilukeno pano zahtsuu lau wupuzu pa vilo ishi pi, “Noye hiye kishini cheni kya? Kughengu timi hipauye Rom ghakhumi lakhie.”

Apostolmi 23:11

Tipaji Ampeu no Paul phivilo puthughono pi, “Omlo kumto shilulo! Jerusalem lo nono ishepe shitsukeu toi, Rom lo ghi noye ishepe shitsu masae.”

Apostolmi 23:17

Ikelo Paul no ghushimi 100 shou akijeu lakhi ku puzu pi, “Apumi hipau zahtsuu lau sawulo, pa vilo kiukeno pano pikepu shi anike.”

Apostolmi 24:23

Tishieno Feliks no ghushimi 100 shou akijeu vilo Paul kheu kutope qhitsulo pi, eno tishimu Paul lakhamo puzu pano kiu shini keno shilupe eno pawu shompami pelo pano kiu avehupu shi aghini keno sughitsu ishi pelo pive.

Apostolmi 25:12

Tileno Festa no pa lau akukumsu tsuchekemi sasu kuptsakile kethiuno ishi khochile, “Nono Rom kukau Kaisar launo xathanikeu khu ani, ikehu Rom kukau Kaisar lau noye wuniae.”

Apostolmi 25:25

Ikemu ino phujukelo paye pithive kuzupu kiumu shipe puamoe. Rom kukau Kaisar pelo pa tsa xathatsupelo pi pa ampino khuke ghenguno pa puwunikeu ino xathave tsuae.

Apostolmi 27:11

Ikemu ghushimi akijeu huye ashukakilo keptein ngo ashukaki wu ampiu pamano pikeulo amlo tsukethono Paul no pikeu amlo tsumoe.

Apostolmi 27:43

ikemu ghushimi akijeuno Paul kuxu xalunishi kelauno suphamiqo pelo panoqo kupughu peitha pemove. Tishinike zuqhu pano ahza tsupuzu khunoqono azu ghathi aghinikeno tipaqo paghi ilhe ilono amuku kughula kudau ghau penikeu shi,

Apostolmi 27:6

Ike akijeu huye Alekzandria kudauno Itali lo wucheghikeu ashukaki lakhi phulu, ikehu tipau shukakilo ningu sasu iku.

Apostolmi 28:1

Ninguno akushukulu amuku tolu kethiu, ningu vilo pikeuno zudo yeghi huye Malta ipi.

Apostolmi 28:16

Kughou Rom lo ninguno ighikeno, Paul ye ghushimi lakhino pa kheghi pa likhi pa kutashi ngolupe nikeu pulovetsu.

IBRIMI 13:24

Nowu sakiphemi ngo Alhou wu timiqo kumtsu lau niwu petha tsuani. Itilimi athikuzumiqono petha nongu tsupuwu ani.