Apostolmi 26:16 - BAIBEL (BSI)

¹⁶ Ikemu ithulo eno opukhu ne suqhelo. Okugha pesu iqeu shipenike niye olau ipeghipiyevae. Nono ishi kishi ni ithulu keno eno ithuluni keno pesu kutami vilo pi masae.

Sümi Tiqhelimi Bible

¹⁶ ‘Itehi ithulo eno puthughove lo. I no O gizülo ipeghi akeu ye O pelo I qeu shipe niye eno nono ni ithuluve keu eno ithulu niye kutò akeu thopi shipe nike O süküsü shi niye ke.

Sumi Naga CL (Re-edited) Bible (BSI)

¹⁶ Ithu puthugho lo, kughengu avehu hipau ghenguno ni ye o zülo ipeghi ani, o pesü I qeu shino nono ni ithuluve keu eno itaghi I no o zülo ipeghi niye akeu pesü thopi shipeni.

Apostolmi 26:16 Mawu Ofanana

EZEKEL 2:1

“Thinikuau timio, puthugholo, Niye oputsa nishi anike.”

DANIEL 10:11

Kungumi no ivilo pi, “Danel, Alhou ye okimiye acheni. Puthugho ngono ino kiu ovilo pini keno tsaqui inijulo, pano olau ipuwuke.” Pano kughono hi ivilo pikeno thuthu shi itha pulano puthughove.

Luke 1:2

Abothu lono thebei shi ithulukemi eno asutsa pe vekuphakemino kiu ningu vilo pikeno tipaqo panonguno yeluve.

Apostolmi 1:17

Kughengu Judas ye ningu gholo kihikusumi lakhike, eno ningu kumla hipaulo pa saje mlachepeke.

Apostolmi 1:25

Judas no qhive puzu pa-alo chevekeu thelilo apostolmi lakhi shieno hipau kumlapu saje pelupe nikeno nipiyelo.”

Apostolmi 20:24

Alhou wu kupukini tsakiviu pesu kutughu nikeu kumlapu saje khikhi Ampeu Jisu no itsukeno tipau puzuchekeu shikupuluni malapi ani kethono ikuxu pesu ilikhi isala amekuapu shilu ani kemala pi kihichemoe.

Apostolmi 21:19

Panoqo sasu petha shipuzu Paul no panoqo vilo Alhou no pa vechewo kishi Judakumomi gholo kiu mlatsu anikeno apasu shi lhepiye.

Apostolmi 22:10

Tile ino pi, ‘Ampeu, niye kishini kya?’ Ike Ampeu no ivilo ishi pi, ‘Ithu puzu Damaska lo ilolo, eno opelo shipeniaye kughupe puakeu kumtsu tilano ovilo pitsu nanike.’

Apostolmi 23:11

Tipaji Ampeu no Paul phivilo puthughono pi, “Omlo kumto shilulo! Jerusalem lo nono ishepe shitsukeu toi, Rom lo ghi noye ishepe shitsu masae.”

Apostolmi 26:15

Ino ishi iniju, ‘Ampeu,no khuu kya?’ Ikelo Ampeu no ishi pi, ‘Nono ghimeqhi akeuhu ni Jisu ke.’

Apostolmi 6:4

Ninguye akighini eno asheshukeu kumlalo ado kumtsu puwokeu shinie.”

Rommi 1:5

Pa vechewo Alhou no ningu pesu apostolmi shitsuke.

Rommi 15:16

Judakumomi kudau Jisu Khristo qeu shipenike Alhou launo ighikeu tsakiviu pikulhakeu lono niye achinemi kumlho shi ani, tishianguno Judakumomi pelo Alhou no ikhikulupu akumllagho lakhi shilupe, eno Alhou lau Aghungu Kimthe no shikimthe pesu tsukeu shilupeniye ke.

2 Kor. 4:1

Alhou kukupu vechewo akumlapu saje hipau ningu tsukehu ninguye amlo hauve chemoe.

2 Kor. 5:18

Hipaqo kumtsu Alhou launo ke, pano alashilupeke eno kutami pelo pa sasu alashilu penikeu kumlapu saje ningu tsuke.

Galatiami 1:12

Kughengu niye timi kudauno hipau sughike kumoe momu timino kutsupiye ke kumoe, hiye Jisu Khristo ampino ilau pephe piyekeu vechewonoke.

Galatiami 2:2

Alhou no ipiyesuketoi ino tilau iqhoe. Ino mla ighive keu eno mlawuniye akeu adou shivemoni aye tilau sakiphemiqo sasu lomoshi kusholu kelo, Judakumomi lau atsakiviu pikulha chekeu lhepiyeke.

Ephesiami 3:3

ike ino yevekeu toi tuqhou kukughu achekeu hu ilau pephepiye ke.

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

Kolosiami 1:25

Nongu kivipu ghenguno Alhou launo ighikeu kumlapu saje hipau shipeniye Alhou no ipelo akukuhou peithakutsumi lakhi shipeke. Hiye Alhou tsa pithikuthu tsupeniyeke,

Kolosiami 1:7

Nino kimiyechekeu eno akusau aqeu Epafra no hipau nongu kutsupiyeke, paye ningu zuqhushi Khristo ghenguno pulubekulushi mlachekemi lakhike.

1 Thes. 3:2

eno Ampeu Jisu Khristo lono ningu kumtsa Alhou kumla shichekeu nithikuzuu Timothi pelo nongu shikumto eno nongu kupululo kuphupeniye puwu ani,

1 Tim. 1:12

Akumla hipau shipeniye akumto itsuchekeu niMpeu Jisu Khristo shikimthi ani, kughengu pano ipichebe kulupu shiaghi puzu pa kumla shipeniye isusulu

1 Tim. 4:6

Nono akukutsutsa hipaqo pesu athikuzumiqo lau tsuluaye noye Khristo Jisu qemi kivi lakhi ake, eno akupulu tsa ngo kuchou kukutsu nono pulhapuju pepimhe chekeu huno no ampi lojiputhulu nani.

2 Tim. 4:5

Ikemu nouye pulhapuju tsaqutsaleyilo, ghichheghime puqhelulo, tsavipemi kumla shilo eno Alhou qemi kumlapu shikupululo.