Apostolmi 26:11 - BAIBEL (BSI)

¹¹ Ghuthu kutomo Sinagog kumtsulo ino panoqo ghimeqhiche, eno panongu kupulu lono ideilevepeniye pukaputsa che. Panoqo shou axu ide kelauno kutami phughiqolo thotsu panoqo shikighime nike ino wue.”

Sümi Tiqhelimi Bible

¹¹ Ghuthu kutomo ni ye panongu ghimeqhi nike ghenguno synagog lakhi lono lakhi lo wuche, eno anguka lono pano likhi pano chine pipüthave peniye shiche ke. Ni ye panongu pishi-puju nikeu no kütakihi acheke, ikehu inami mishighünaqo lo ghí I no panongu hawu niye wuche ke.

Sumi Naga CL (Re-edited) Bible (BSI)

¹¹ Ghuthu kutomo I no sinagog lono panoqo ghime, Alhou thaigha penike pükapütsa, eno axukighide lono inaghami phughi kutolo panongu ghime wuke.

Apostolmi 26:11 Mawu Ofanana

LESHELE 102:8

Atsala kupuju ighumino ipipusa ani; khunono ithaigha chenikeno ghushokelo ije peitha ani.

YETSAPIU 9:3

Kiu shivepeniye kutopuani keno tipauno kumtsu lau aphiphishi ighi cheni, hiye ayeghilo vimokeu kiu shiani keno tihutoi highi vimokeu lakhike. Timino xuake thaqhulo panoqo kukumsuye alhoksa eno anikhano chhitoi ani eno panonguye zuleno thive cheni.

MATTHEW 10:17

Timiqo jukutokupuyi alo, kughengu panonguno nongu sasu kughakutha-alo sawu nani eno panonguno Sinagog lono nongu ghaqhi nani.

Mark 13:9

“Ikemu nonguye nongu likhi nongu shelo jukutoluve masae. Kughengu timino nongu kughaluve nani eno kughakilo nongu sawu nani. Sinagog lo nongu ghaqhi nani eno nonguye ayehkipemi ngo kukami zulo ije pichekeu ghenguno sawo qhi nani, tiye panongu zulo alokiviputsa pilupeniye ke.

Mark 3:28

“Kuchouno ino nongu vilo pini, timi xineqo kumtsu eno panonguno kixikila tsa piqhi puaghikeu kumtsu pevetsu kulupu shi nani.

Luke 15:17

Ashekhalo pa ghi pa likhi pa kuxu kumsu chileluno pi, ‘Ipu kilo qechuchekemi kumtsu kupukuno shi chu-sho ani eno niye hile akhuava shi ani.

Luke 21:12

“Hipaqo kumtsu shimphi lono panonguno nongu kughaluve puzu shikighime nani, nongu kughape Sinagog tsakukugha zulo suvetsu nani eno akughukilo suve nani. Ighenguno nongu sasu kukami ngo ayehkipemi zulo wunani.

Luke 6:11

Ikemu Ayezah kukutsumi eno Farisimiye amlo khukhu shi ideuve eno Jisu kughape kiu shivemasa kela panongu dolono lhekile auve.

Apostolmi 13:45

Ikemu kughou Judamiqono timi kumzapu akeu ithulu keno panonguye anhekushuno chhive. Panonguno Paul no pikeu tsa lae eno pa thaigha.

Apostolmi 18:6

Kughou Judami no pa hakha eno pa piputhauve keno Paul no pa makho kumoe pikeu shi-ghi pa phimini kuthopiye puzu panoqo vilo ishi pi, “Nongu kithiye nongu shouke! Tiye imakho kumoe! Hinguno hilau niye Judakumomi, lau wuniae.”

Apostolmi 22:19

Ino ishi khochile, ‘Ampeu, Sinagog atsu-tsulo khunoqomino opulucheghi keno tipaqo ino kughape akughushi eno heqhichekeu Jerusalem lo kuami panongu ghi ithi akhani.

Apostolmi 22:5

Achinemi Atou eno Judami Hoho kumtsuno kuchou pi anikepi thopi shilu nani. Panonguno Damaska lo Judami athikuzumi akeqo lau yesu hekeu ino khulue. Ipuzu tilau timi hipaqo aghikeqo Jerusalem lo tshu sasu ighino aghime tsuniye niye Damaska lo wue.”

Apostolmi 9:1

Ikelo Saul ye Ampeu no kutsukeulo papeluvekemi pithive nikeu shi kichikumsa ake. Pano achinetou lau wu eno

James 2:7

Alhou no aje kivi khipau pesu nongu tsukeno tipau je kinimino thaigha chenike kumo kesha?

2 Peter 2:16

Ikemu pano hekibide xine shikeu ghenguno pa sakiyike. Pano sachekeu gadahano timi sutsa lono atsa pilupe eno tungkupu ghuzu- nikha lakhake.