Apostolmi 22:1 - BAIBEL (BSI)

¹ “O timiqo o athikuzumiqo eno o apunoqo, ino nongu zulo ilikhi isaphukeu tsa pinike inijulo.”

Sümi Tiqhelimi Bible

¹ “Athiküzümiqo eno apùnoqo, itehi ye iw sükusho tsa iniju lo.”

Sumi Naga CL (Re-edited) Bible (BSI)

¹ “Athiküzümi eno apunoqo, I no nongu zülo I shokükha tsa pinike inilo.”

Apostolmi 22:1 Mawu Ofanana

Luke 12:11

“Kughou panonguno nongu pejuniye sasu Sinagog lo, Ayehkipemi momu kughakuthami zulo wuni keno kishi khochileni momu kiu pini kela pi amlo susu shikevilo.

Luke 21:14

Nongu mlolo hipau mtsu mishei shilulo—hi shimphi lono kishi khochileni kela pi kumsukimghei monike

Apostolmi 13:26

“Abraham polo kughukomi ithikuzumi Israilmi. Judakumomi eno nongu Alhou sumsachekeqo, xakulupu sutsa hipau ningu lau puwuvetsu anie.

Apostolmi 19:33

Timi muqo gholo khamino kumsu-kishekhalu keuno Alekzander no kenia kepi ae kughengu Judamino pa pelo panongu tughu-u shipeke. Alekzander no pa-u kihi puzu timiqo vilo pano kumoke pikeu piniye pukaputsae.

Apostolmi 23:1

Paul no anhethi mu sukuqumono Ahohomi jupuzu ishi pi, “Athikuzumiqo! Niye ishi kutolo Alhou zulo ikukumsu mutsumishei shi-ghi xuaphie.”

Apostolmi 23:6

Ikemu Paul no jupuwo kelo timiqo dolo khamino Sadukimi eno khamino Farisimi shiakha kehu, pano Ahoholo ishi asheshu thuve: “Athikuzumiqo, niye Farisimi lakhi, eno Farisimi nu lakhi ke; hile ishou atsa kugha akeu hipauye kutau lono kumono kithimiye xukithethu shiluve naniepi ino lakuju akeu ghengunoke.”

Apostolmi 24:10

Kughou ahng no Paul vilo pijulo pi pa kiche keno, Paul no ishi pi: “Nono ampe kushuwa ashiayeh hipau shou kughakuthau shi ache keu ithi puzu, niye alokivishi ishokha keu shi ani. Mutsuqheino pi ani kemo keno nono phulu nanike, hi atsala chighi kinia shi aphike niye Alhou mllaniye Jerusalem lo iqhoe. Achinekilo na, Sinagog lo na, momu aphughilo namu

Apostolmi 25:16

Ikemu ino panoqo vilo pivekeuno Rommi khuayeh lono timi khuu nguku ani keno tipauno pa ngukuakeqo sasu kinheqhi kusho puzu kiu ghenguno pa nguku anikeno tipaulo pa likhi pa shokhajupe mokeloye kutami ulo phesuve chemoe ipive.

Apostolmi 25:8

Paul no pa likhi pa shokhakeu tsa hitoi pi: “Judami yezah shou mu, Achineki shou mu, Rom kukau Kaisar shou mu niye kiumu akumou shipe puamoe.”

Apostolmi 26:24

Paul no hitoi pa likhi pa shokhakeu tsa pi kelo, Festa no asutsa akumgha shi-ghi pa vilo ishi pi, “Paul, noye izuphokicheyivae. Okighithi kighiche huno opelo izuphokicheyivae.”

Apostolmi 28:17

Atsala kuthu thiu Paul no tipa-a lo Judami sakiphemiqo kuhonike kukutsu. Panonguno kumqolu kelo Paul no panoqo vilo pi, “Athikuzu miqo! Niye nitimi shou momu nipu asu launo ithulukeu khuayeh shou kiumu mla puamo kemu, Jerusalem lono ikughape akughumi lakhi shivepe eno Rommi ulo suve tsue.

Apostolmi 7:2

Stifan no pi, “Athikuzumi eno apuamuqo, itsa initsulo! Nisu Abraham no Mesopotamia yeghilo kughuna aphilo, eno pano Haran lo wo kughuna mphi lono ajukuvu Lhou no pa lau ipeghino

Rommi 2:15

Panongu kughutha jukelo Ayezah lo kiu zah tsupuani keno tiye panongu mlolo yepe puanie. Panongu lokutsu ghi kuchou kepi ashepe shiani eno panongu kukumsu thotsu kutsalano nguku kile eno hataloye panoqo sushokile cheni.

1 Kor. 9:3

Timi kutamino ipeju kelo ino hitoi ishokha cheni:

2 Kor. 12:19

Ishiake, itehi kutolo nonguno kumsukeuye ninguye nongu zulo nilikhi ningu shokhaniye pukaputsa ani kughashi ani kesha? Tishiamoe! Alhou zulono ke ninguye Khristo no ningu pelo kishi pipenishi keno titoi pianike, ino kimiyechekeqo ninguno mla ithakeu kumtsu nongu kuphunikeu ghengunoke.

2 Kor. 7:11

Alhou launo nongu mlo ghime kishi peithaluve akeno julo: hino nongu pelo amlo tsushekeu shiveapeke, nonguye kiumu pimi puamokeu mutsuqheyive nike khekulho shipeke. Achipikumomi ghime alo nongu pelo axuidepe, thughuyilupe. kumsulupe, amlo tsulupe eno kutolupeke! Hipau vehulo nonguye pimi puamo kepi alaghi thwokha lono nonguno mutsuqheyi piyevae.

FILIPIAMI 1:17

Ikemu kutamiqoye amikucho lono kumono alikhi ampi kuloghipu mlo xapusu Khristo pikulha cheni, eno ino akughu shiakelo alau ighimeqhi nikeu kumsu cheni.

FILIPIAMI 1:7

Nongu kumtsu ghenguno ino hitoi kumsupu akeuye achipi ke, kughengu nonguye pulhapuju imlolo achenike. Kughengu ino itehi akughu shiakelo ngo ino atsakiviu susho eno iyiqhi kumto chekelo ghi nongu kumtsuno igholo Alhou kupukini kusajejukemike.

2 Tim. 4:16

Ilikhi isaphukeutsa kukugha atughiu loye milakhimu isaphukemi kuhaveno kumtsuno iqhiveke. Alhou pelo panoqo shou ngukukeu shipemoniu!

1 Peter 3:15

Ikemu nongu mlolo Khristo sukumsa qhilo eno paye Ampeu kepi gihulo. Nongu lolo lajupu akeu lhepiyelopi khualano nongu vilo iniju aye tipau khochile kepushi pulhapuju kutokupuyi pesu alo, tishimu akumtsha lono eno Alhou sumsakeu nongu mlolo xapughi tishilo.