Apostolmi 21:3 - BAIBEL (BSI)

³ Ninguno putouno Kupra ithulu puzu tipau apeu kudauno Siriya lo wu eno Tur lo quqhie, kughengu tileno ashukakilo akho tinhemgha puchekeu quqhinikeu shiake.

Sümi Tiqhelimi Bible

³ Cyprus ithuluve kethiu ningu ye apéu küdau vechesü Syria lo wuve. Ningu ye Tyre lo ighino ngolu, tilehi no zükilu lo ape xapu chekeu pe qhive niye shi ake.

Sumi Naga CL (Re-edited) Bible (BSI)

³ Ningu no putou no Cyprus ithulu ghi au piyiu qhive no Syria lo wuve no Tyre tolu, kughengu ashuka ye tilehi akho qüqhini ye ake.

Apostolmi 21:3 Mawu Ofanana

SAMUEL AKINIU 8:6

Tishino pano panongu lughi lo ghushimi ghazubo qhiwove, ike panongu ye pawu timi shikhave eno zahme pa tsuuve. AMPEU no aqha kumtsulo David pelo tokulu shiluvepe.

LESHELE 45:12

Tur no-ghamino agho pesu olau ighi nani, kinimino akini jeli pesu ozukuvupu shitsuniye pukaputsa nani.

LESHELE 87:4

“Ino Ijip ngo Babilon kuma ghi ashiayeh ighokulumi je gholo kihi sunike, Filistiyami, Turmi eno Sudanmi ghi ino Jerusalem lo kuamiqo kihikeu gholo kihisu nanike.”

ISAIAH 7:2

Siriyami ghushimiye Israilmi ghakhuqhalo wo tovae pikeu tsa Juda lo akukau tokelo, pa eno pawu timiqoye thughuive eno panonguye amlhuno asubo fukini akeshi musa khokhoshive.

MATTHEW 11:21

“Khorazin, oghenguno ahasapu anie! Bethsaida, oghenguno ahasapu anie! Kughengu nongu gholo akumzapu kumla shikeu hu Tur ngo Sidon lo shitsuke aye, panonguye khaghino yeqhiye phi pepu eno ayevu pesu aphi nupu puzu panongu mlo Alhou lau xaideghivekeu piyeve aghini cheke!

MATTHEW 4:24

Pa jekipiye Siriya yeghi bocho kumtsulo vekuphawove, ikehu akusupu jeli thwokha lono ichhe-ime aghikeqo kumtsu, eno suaghikeu, tughakusano sa-aghikemi, kilighakipemi, eno aghi-anhu thivekemi pa lau saghike Jisu no panoqo shipivitsue.

Luke 10:13

“Khorazinmi, oghengu aha! Bethsaidami, oghengu ghi aha! Kughengu olau akumzapu kumla shitsukeu Tur ngo Sidon lau shi kenapi aye, panonguye yeqhiye phi pepu puzu ayevu kuchhuno khaghino xukitheluve aghini cheke.

Luke 2:2

Kurinia no Siria lo Ahng shi ake lono hi hesa keu atughiu shilue.

Apostolmi 11:19

Ike Stifan pithilukeu lono shikighimekeu huthuve kehu kupulumiqoye apanagha Fonika ngo Kupra ngo Antiok kutolo wu khave; eno panonguno asutsakivi hu Judami vilo likhi piwo.

Apostolmi 12:20

Herod ye Turmi ngo Sidonmi shou axu idekeu ache, ikehu panonguno pa lau kumtsa amqo lakhi shi ighi. Atughushi panonguno Blasta mulo zuluve, paye akukau kilo peithakutsuu atou ke. Tithiu panonguno Herod lau wupuzu alakishi qhuinijue, kughengu panongu ghakhumiye akukau ghakhu lono achuqupu sukishe sughi cheke.

Apostolmi 13:4

Aghungu Kimthe no puwukeu toi Barnaba ngo Saul pamaye Seleukia lo iqive eno tilauno azughi dolo Kupra ghakhu ake kudau ashuka lono cheve.

Apostolmi 15:23

Panonguno tipaqo ulo yesu ishi yetsu puwu: “Ni athikuzumi apostolmi ngo kupulumi kichimiqono nongu Judakumomi athikuzumi khilehi Antiok, Siria eno Kilikia ghakhulo ani keno petha tsu ani.

Apostolmi 15:39

Pama dolo shishe kutsalakeu ipeghive, ikehu panongu kututashive, Barnaba no pa gholo Mark saluve eno ashukaki lono Kupra lo wuve.

Apostolmi 15:41

Pano Siria ngo Kilikia qhalo wuno akukuhomiqo shi kumtotsue.

Apostolmi 18:18

Paul ye ado kushuwa Korinthia lo ache puzu athikuzumiqo qhiveno Priskila ngo Akuila pama sasu Siriya lo wuniye ashukaki lono cheve. Ashukakilo chevemphi lono Kengkhria lo pa kutsusa miyeve, kughengu pano ashoqhi lakhi shikehu.

Apostolmi 21:16

Kaisaria lo kutsukulumi khami ningu sasu iqho eno ninguno ngonikeu shi akeuno kilo sawu. Aki ampeu jeye Mnason, paye Kupra yeghi lono ighikemi inahuu huthu tughu lono kupulumi shiluvekemi lakhi.

Apostolmi 21:2

Ashukaki lakhi Fonika lo wunikeu shi aghi, ikehu ninguno tile ilo puzu wuve.

Apostolmi 21:7

Tur lono nighuzu ashekha shiveno ninguye Ptolemai lo wo tolu eno tile athikuzumi sasu kushokilelu puzu panoqo gholo atsala lakhi ngove.

Apostolmi 27:4

Tileno azughi lono ninguye Kupra zudoyeghi ihjeghi wue, kughengu amlhuno ningu fuda akehu.

Apostolmi 4:36

Ikehu Levi laghami lakhi Josef ipikemi Kupra noghami, khuu je apostolmiqono Barnaba kukithevetsu keno (tipau kiqiye timi shikumtokutsu-u).

XAKUTHAMI 10:6

Itaghi Israilmi ye Baal ngo Astarot likhi kumono Siriya, Sidon, Muab, Amun eno Filistiya lhouqo mllau khaveno AMPEU zulo axine shikhave. Panonguno AMPEU pheveno pa mllamove.